ಹೆಣ್ಣು ಮಕ್ಕಳನ್ನು
ಸಬಲೀಕರಣ ಗೊಳಿಸುವ ಮತ್ತು ಅವರಿಗೆ ಆರ್ಥಿಕ ಭದ್ರತೆ ಒದಗಿಸುವ ಉದ್ದೇಶದಿಂದ ಕೇಂದ್ರ ಸರ್ಕಾರ ‘ಬೇಟಿ ಬಚಾವೋ, ಬೇಟಿ ಪಡಾವೋ’ (ಹೆಣ್ಣು ಮಗುವನ್ನು ಉಳಿಸಿ, ಹೆಣ್ಣು ಮಗುವನ್ನು ಓದಿಸಿ) ಎಂಬ ರಾಷ್ಟ್ರೀಯ
ಯೋಜನೆಯನ್ನು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಆರಂಭಿಸಿದೆ.
ಅದರ ಅಂಗವಾಗಿ ‘ಸುಕನ್ಯಾ ಸಮೃದ್ಧಿ’ ಹೆಸರಿನ ಉಳಿತಾಯ ಖಾತೆಯನ್ನು ಹೊಸದಾಗಿ
ಪರಿಚಯಿಸಲಾಗಿದೆ. ಇದು ದೀರ್ಘಕಾಲೀನ ಹಣ ಹೂಡಿಕೆ ಯೋಜನೆಯಾಗಿದೆ. ಹಾಗಾಗಿಯೇ ದೊಡ್ಡ ಮೊತ್ತದ
ಉಳಿತಾಯಕ್ಕಾಗಿ ಹಾಗೂ ಹೆಣ್ಣು ಮಕ್ಕಳ ಆರ್ಥಿಕ ಸ್ವಾವಲಂಬನೆಗಾಗಿ ಒಂದು ಕುಟುಂಬ ಅಥವಾ ಅಪ್ಪ ಅಮ್ಮ
ಆಯ್ಕೆ ಮಾಡಿಕೊಳ್ಳಬಹುದಾದ ಅತ್ಯುತ್ತಮ ಹಣಕಾಸು ಯೋಜನೆಯಾಗಿದೆ.
ಹೆಣ್ಣು ಭ್ರೂಣ ಹತ್ಯೆಯನ್ನು
ತಡೆಯುವುದರ ಜೊತೆಗೆ ಅವರನ್ನು ಕುಟುಂಬಕ್ಕೆ ಹೊರೆಯಾಗದಂತೆ ಮಾಡಬೇಕು ಎಂಬ ಉದ್ದೇಶದಿಂದ ಪ್ರಧಾನಿ
ನರೇಂದ್ರ ಮೋದಿ ಅವರು, ‘ಬೇಟಿ ಬಚಾವೋ,
ಬೇಟಿ ಪಡಾವೋ’ ಯೋಜನೆಗೆ ಹೆಚ್ಚಿನ ಒತ್ತು ನೀಡಿದ್ದಾರೆ. ಇದನ್ನು
ಆಂದೋಲನ ರೂಪದಲ್ಲಿ ರಾಷ್ಟ್ರವ್ಯಾಪಿಯಾಗಿ ಹಮ್ಮಿಕೊಂಡಿದ್ದು, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ, ಹಣಕಾಸು, ಭಾರತೀಯ ಅಂಚೆ ಇಲಾಖೆ ಸೇರಿದಂತೆ ವಿವಿಧ ಇಲಾಖೆಗಳ
ಸಹಯೋಗದೊಂದಿಗೆ ಯೋಜನೆಯ ಮಹತ್ವದ ಬಗ್ಗೆ ಅರಿವು ಮೂಡಿಸಲು ವ್ಯಾಪಕ ಪ್ರಚಾರ ನಡೆದಿದೆ.
‘ಸುಕನ್ಯಾ ಸಮೃದ್ಧಿ’
ಉಳಿತಾಯ ಖಾತೆಗೆ ಈಗಾಗಲೇ
ಚಾಲನೆ ದೊರೆತಿದ್ದು, ನವಜಾತ ಶಿಶುವಿನಿಂದ
ಹಿಡಿದು ಹತ್ತು ವರ್ಷದೊಳಗಿನ ಹೆಣ್ಣು ಮಕ್ಕಳ ಹೆಸರಿನಲ್ಲಿ ಈ ಖಾತೆಯನ್ನು ತೆರೆಯಬಹುದು. ಯಾವುದೇ
ಅಂಚೆ ಕಚೇರಿಯಲ್ಲಿ ಖಾತೆ ತೆರೆಯಲು ಅವಕಾಶ ಇದೆ. ಖಾತೆ ತೆರೆಯುವ ಸಂದರ್ಭದಲ್ಲಿ ಮಗುವಿನ ಜನನ
ಪ್ರಮಾಣ ಪತ್ರ ಮತ್ತು ಪೋಷಕರ ಗುರುತಿನ ದೃಢೀಕರಣ ಪತ್ರ, ವಿಳಾಸ ಖಾತರಿ ಮೊದಲಾದ ‘ಕೆವೈಸಿ’ (ನಿಮ್ಮ ಗ್ರಾಹಕರನ್ನು ಅರಿಯಿರಿ) ಮಾನದಂಡದ
ದಾಖಲೆಗಳನ್ನು ಸಲ್ಲಿಸಬೇಕಿದೆ.
ನಿಗದಿತ ವಯೋಮಿತಿ
ಹೊರತುಪಡಿಸಿದರೆ ಖಾತೆ ತೆರೆಯಲು ಬೇರಾವುದೇ ನಿರ್ಬಂಧಗಳಿಲ್ಲ. ಸರ್ಕಾರಿ- ಮತ್ತು ಖಾಸಗಿ
ವಾಣಿಜ್ಯೋದ್ಯಮ ಸಂಸ್ಥೆಗಳ ನೌಕರರು, ವ್ಯಾಪಾರ, ಸ್ವಂತ ಉದ್ದಿಮೆ ಸೇರಿದಂತೆ ಯಾವುದೇ ವೃತ್ತಿಯಲ್ಲಿ
ತೊಡಗಿಸಿಕೊಂಡಿರುವವರು ಹೆಣ್ಣು ಮಕ್ಕಳ ಹೆಸರಿನಲ್ಲಿ ಉಳಿತಾಯ ಖಾತೆ ತೆರೆಯಬಹುದು. ತಂದೆ - ತಾಯಿ
ಅಥವಾ ಪೋಷಕರು ಒಂದು ಹೆಣ್ಣು ಮಗುವಿನ ಹೆಸರಿನಲ್ಲಿ ಒಂದೇ ಖಾತೆಯನ್ನು ತೆರೆಯಬಹುದು. ಹೆಚ್ಚೆಂದರೆ
ಇಬ್ಬರು ಹೆಣ್ಣು ಮಕ್ಕಳ ಹೆಸರಿನಲ್ಲಿ ಬೇರೆ ಬೇರೆ ಖಾತೆಗಳನ್ನು ತೆರೆಯಬಹುದು ಅಷ್ಟೆ.
ಪ್ರತಿಯೊಂದು
ಹಣಕಾಸು ವರ್ಷದಲ್ಲಿ ಕನಿಷ್ಠ ಒಂದು ಸಾವಿರ ರೂಪಾಯಿ ಯಿಂದ ಗರಿಷ್ಠ 1.5 ಲಕ್ಷ ರೂಪಾಯಿ ವರೆಗೆ ಜಮಾ ಮಾಡಲು ಅವಕಾಶವಿದೆ.
ಹೂಡಿಕೆ ಮಾಡಿದ ಮೊತ್ತಕ್ಕೆ ವಾರ್ಷಿಕವಾಗಿ ಬಡ್ಡಿ, ಚಕ್ರಬಡ್ಡಿ ನೀಡಲಾಗುತ್ತದೆ. ಪ್ರಸಕ್ತ ಹಣಕಾಸು
ವರ್ಷದಲ್ಲಿ (2014-15)
ಶೇ 9.10ರಷ್ಟು ಆಕರ್ಷಕ ಬಡ್ಡಿ ದರವನ್ನು ನಿಗದಿಪಡಿಸಲಾಗಿದೆ
(ಬ್ಯಾಂಕ್ಗಳಲ್ಲಿ ಠೇವಣಿಗಳಿಗೆ ನೀಡಲಾಗುತ್ತಿರುವ ಗರಿಷ್ಠ ಬಡ್ಡಿ ಶೇ 8.75ರಿಂದ ಶೇ 8.90ರಷ್ಟಿದೆ ಅಷ್ಟೆ).
ಸುಕನ್ಯಾ ಸಮೃದ್ಧಿ
ಉಳಿತಾಯ ಖಾತೆಯು ಆರಂಭಿಸಿದ ದಿನದಿಂದ
21 ವರ್ಷದವರೆಗೂ
ಚಾಲ್ತಿಯಲ್ಲಿರುತ್ತದೆ. ಒಂದು ವೇಳೆ ಅವಧಿ ಪೂರ್ಣಗೊಂಡ ನಂತರವೂ ಖಾತೆಯನ್ನು ಚಾಲ್ತಿಯಲ್ಲಿ
ಇಟ್ಟುಕೊಂಡರೆ, ಖಾತೆಯಲ್ಲಿ ಆ
ಸಂದರ್ಭದಲ್ಲಿ ಇರುವ ಹಣಕ್ಕೆ ಬಡ್ಡಿ ನೀಡಲಾಗುತ್ತದೆ. ಯಾವ ಹೆಣ್ಣು ಮಗುವಿನ ಹೆಸರಿನಲ್ಲಿ ಖಾತೆ
ತೆರೆಯಲಾಗಿದೆಯೋ ಆಕೆಗೆ 18 ವರ್ಷ ಪೂರ್ಣಗೊಂಡ
ನಂತರ, ಆಕೆಯು ತನ್ನ ಖಾತೆಯಲ್ಲಿ ಜಮಾ
ಆದ ಹಣದಲ್ಲಿ ಅರ್ಧ ಭಾಗವನ್ನು ಉನ್ನತ ಶಿಕ್ಷಣ, ಮದುವೆಯ ಉದ್ದೇಶಕ್ಕೆ ಪಡೆದುಕೊಳ್ಳಬಹುದು.
ಅಲ್ಲದೇ 18 ವರ್ಷ ಪೂರ್ಣಗೊಂಡ ನಂತರ ವಿವಾಹ ಜರುಗಿದರೆ, ಅವಧಿ ಪೂರ್ಣಗೊಳ್ಳುವುದಕ್ಕೂ ಮುನ್ನವೇ ಸುಕನ್ಯ
ಸಮೃದ್ಧಿ ಉಳಿತಾಯ ಖಾತೆಯನ್ನು ಮುಕ್ತಾಯಗೊಳಿಸಬಹುದಾಗಿದೆ. ಖಾತೆ ಪ್ರಾರಂಭಿಸಿದ ನಂತರ 14 ವರ್ಷಗಳ ಕಾಲ ಮಾಸಿಕ ಕಂತುಗಳಲ್ಲಿ ಹಣ ಪಾವತಿಸಬೇಕು.
ಮಧ್ಯದಲ್ಲಿ ಹಣ ಪಾವತಿ ಮಾಡದೇ ಇದ್ದರೆ ₹ 50 ದಂಡ ವಿಧಿಸಲಾಗುತ್ತದೆ.
ವರ್ಗಾವಣೆಗೆ ಅವಕಾಶ
ಸರ್ಕಾರಿ ನೌಕರರು,
ಒಂದು ಊರಿನಿಂದ ಬೇರೊಂದು
ಊರಿಗೆ ವರ್ಗವಾಗುವವರು, ವಲಸೆ ಹೋಗುವವರು
ತಮ್ಮ ಅಗತ್ಯಕ್ಕೆ ತಕ್ಕಂತೆ ಈ ಸುಕನ್ಯ ಸಮೃದ್ಧಿ ಉಳಿತಾಯ ಖಾತೆಯನ್ನು ಬೇರೆ ಊರಿಗೆ ವರ್ಗಾವಣೆ
ಮಾಡಿಸಿಕೊಳ್ಳಬಹುದು. ಉದಾಹರಣೆಗೆ ಸದ್ಯ
ಬೆಂಗಳೂರಿನಲ್ಲಿ ವಾಸವಿದ್ದರೆ ಇಲ್ಲಿನ ಯಾವುದಾದರೂ ಅಂಚೆ ಕಚೇರಿಯಲ್ಲಿ ಉಳಿತಾಯ ಖಾತೆ
ಆರಂಭಿಸಬಹುದಾಗಿದೆ. ಕಾಲಾನಂತರ ಮೈಸೂರು ಅಥವಾ ಬೇರೆ ಯಾವುದೇ ಊರಿಗೆ ವರ್ಗಾವಣೆಯಾದರೆ, ಅಲ್ಲಿಗೆ ಉಳಿತಾಯ ಖಾತೆಯನ್ನು ವರ್ಗಾವಣೆ
ಮಾಡಿಸಿಕೊಳ್ಳಬಹುದು. ಇದಕ್ಕೆ ಮುಕ್ತ ಅವಕಾಶವಿದೆ.
ಆದಾಯ ತೆರಿಗೆ ವಿನಾಯಿತಿ
ತಮ್ಮ ಮುದ್ದಿನ ಮಗಳ
ಭವಿಷ್ಯಕ್ಕಾಗಿ ಈ ಸುಕನ್ಯ ಸಮೃದ್ಧಿ ಹೂಡಿಕೆ ಯೋಜನೆಯಲ್ಲಿ ತೊಡಗಿಸುವ ಅಪ್ಪ, ಅಮ್ಮ, ಅದಷ್ಟೂ ಮೊತ್ತಕ್ಕೆ ಆದಾಯ ತೆರಿಗೆ ಕಾಯ್ದೆ ಸೆಕ್ಷನ್ 80ಸಿ ಅಡಿ ಆಯಾ ಹಣಕಾಸು ವರ್ಷದಲ್ಲಿ ಆದಾಯ ತೆರಿಗೆಯಿಂದ
ವಿನಾಯಿತಿ ಪಡೆಯಲು ಅವಕಾಶವಿದೆ. ವಾರ್ಷಿಕ ಉಳಿತಾಯ
ಮತ್ತು ಅವಧಿ ಪೂರ್ಣಗೊಂಡ ನಂತರ ದೊರೆಯುವ ಒಟ್ಟು ಹಣಕ್ಕೆ ತೆರಿಗೆ ಪಾವತಿಸುವ ಅಗತ್ಯವಿಲ್ಲ.
ಅಧಿಕ ಬಡ್ಡಿ
ಬ್ಯಾಂಕುಗಳಲ್ಲಿ
ಯಾವುದೇ ರೀತಿಯ ಉಳಿತಾಯ ಅಥವಾ ನಿಗದಿತ ಠೇವಣಿ ರೂಪದಲ್ಲಿ ಹಣ ಇಟ್ಟರೆ ಸದ್ಯದ ಪರಿಸ್ಥಿತಿಯಲ್ಲಿ
ಶೇ 8.90ಕ್ಕಿಂತ ಅಧಿಕ ಬಡ್ಡಿ
ದೊರೆಯುವುದಿಲ್ಲ. ಆದರೆ, ಸುಕನ್ಯಾ ಸಮೃದ್ಧಿ
ಯೋಜನೆಯಡಿ ಶೇ 9.10ರಷ್ಟು ಬಡ್ಡಿ
ದೊರೆಯುತ್ತದೆ. ಆಯಾ ಆರ್ಥಿಕ
ವರ್ಷದಲ್ಲಿ ಬಡ್ಡಿದರ ಪರಿಷ್ಕರಣೆ ಆಗುತ್ತಿರುತ್ತದೆ. ಬ್ಯಾಂಕ್ಗಳಿಗಾದರೆ ಬಡ್ಡಿದರವನ್ನು
ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಪ್ರತಿ ತೈಮಾಸಿಕದ ಹಣಕಾಸು ನೀತಿ ಪರಾಮರ್ಶೆ ವೇಳೆ
ನಿಗದಿಪಡಿಸಿದರೆ, ಈ ಸುಕನ್ಯ ಸಮೃದ್ಧಿ
ಉಳಿತಾಯ ಯೋಜನೆಗಾದರೆ ಕೇಂದ್ರ ಹಣಕಾಸು ಸಚಿವಾಲಯವೇ ವರ್ಷಕ್ಕೊಮ್ಮೆ ಬಡ್ಡಿದರವನ್ನು
ನಿಗದಿಪಡಿಸಲಿದೆ.
ಖಾತೆ ತೆರೆಯುವುದು
ಹೇಗೆ?
ಸಮೀಪದ ಯಾವುದೇ
ಅಂಚೆ ಕಚೇರಿಯಲ್ಲಿ ಸುಕನ್ಯಾ ಸಮೃದ್ಧಿ ಉಳಿತಾಯ ಖಾತೆಯನ್ನು ತೆರೆಯಬಹುದು. ದೇಶದ ಎಲ್ಲ ಅಂಚೆ ಕಚೇರಿಗಳಲ್ಲಿ ಈಗಾಗಲೇ ಈ ಖಾತೆ
ತೆರೆಯಲು ಬೇಕಾದ ವ್ಯವಸ್ಥೆ ಮಾಡಲಾಗಿದೆ. ಪ್ರಮುಖ ಕಚೇರಿಗಳು ಹಾಗೂ ಜನಸಂಚಾರ ಹೆಚ್ಚಿಗೆ ಇರುವ
ಕಡೆ ಈ ಯೋಜನೆಯ ಬಗ್ಗೆ ಅರಿವು ಮೂಡಿಸಲು ಹಾಗೂ ಖಾತೆ ಮಾಡಿಸಿಕೊಳ್ಳಲು ಅಂಚೆ ಕಚೇರಿಗಳು
ಶಿಬಿರಗಳನ್ನು ಆಯೋಜಿಸುತ್ತಿವೆ.
ವಿಶೇಷ ಕೌಂಟರ್
ಸುಕನ್ಯಾ ಸಮೃದ್ಧಿ
ಉಳಿತಾಯ ಖಾತೆ ತೆರೆಯಲು ಬಯಸುವ ಗ್ರಾಹಕರಿಗೆ ಅನುಕೂಲವಾಗಲಿ ಎಂಬ ಉದ್ದೇಶದಿಂದ ಬೆಂಗಳೂರಿನ
ಪ್ರಧಾನ ಅಂಚೆ ಕಚೇರಿಯಲ್ಲಿ (ಜಿಪಿಒ) ವಿಶೇಷ ಕೌಂಟರ್ ತೆರೆಯಲಾಗಿದೆ. ಸದ್ಯಕ್ಕೆ ಇಲ್ಲಿ ಮಾತ್ರ
(ಎಲೆಕ್ಟ್ರಾನಿಕ್ ಕ್ಲಿಯರೆನ್ಸ್ ಸಿಸ್ಟಂ (ಇಸಿಎಸ್: ಹಣ ಪಾವತಿಯ ವಿದ್ಯುನ್ಮಾನ
ವ್ಯವಸ್ಥೆ) ಮೂಲಕ ಹಣ
ಪಾವತಿಸಲೂ ಅವಕಾಶ ಇದೆ. ಇಲ್ಲಿ ಖಾತೆ ತೆರೆಯುವ ಗ್ರಾಹಕರು ಮುಂದಿನ ದಿನಗಳಲ್ಲಿ ಆನ್ಲೈನ್
ಮೂಲಕವೂ ಹಣ ಪಾವತಿಸಬಹುದು.
ಪ್ರತಿ ತಿಂಗಳು
ಅಥವಾ ಬಯಸಿದಾಗ ಹಣ ಕಟ್ಟಲು ಅಂಚೆ ಕಚೇರಿಗೆ ಬರುವ ಅಗತ್ಯವೇನೂ ಇರುವುದಿಲ್ಲ. ಮನೆಯಲ್ಲಿ
ಅಂತರ್ಜಾಲ ಸಂಪರ್ಕವಿರುವ ಕಂಪ್ಯೂಟರ್ ಮುಂದೆ ಕುಳಿತು ಒಮ್ಮೆ ಮೌಸ್ ಕ್ಲಿಕ್ ಮಾಡುವ ಮೂಲಕ ಕ್ಷಣಾರ್ಧದಲ್ಲಿ ಹಣವನ್ನು ತಮ್ಮ
ಪುತ್ರಿಯ ‘ಸುಕನ್ಯ ಸಮೃದ್ಧಿ’
ಖಾತೆಗೆ ವರ್ಗಾಯಿಸಬಹುದು.
ಖಾತೆ ಸ್ಥಗಿತಕ್ಕೆ
ಅವಕಾಶ
ಖಾತೆದಾರರು
ಆಕಸ್ಮಿಕವಾಗಿ ಮರಣ ಹೊಂದಿದರೆ ಕೂಡಲೇ ಖಾತೆಯನ್ನು ಸ್ಥಗಿತಗೊಳಿಸಬಹುದು. ಅಂತಹ ಸಂದರ್ಭದಲ್ಲಿ ಮರಣ
ಪ್ರಮಾಣ ಪತ್ರವನ್ನು ಹಾಜರುಪಡಿಸಬೇಕು. ಮರಣ ಹೊಂದುವವರೆಗೂ ಪಾವತಿಯಾಗಿರುವ ಹಣಕ್ಕೆ ಬಡ್ಡಿಯನ್ನು ಸೇರಿಸಿ, ಹೆಣ್ಣು ಮಗುವಿನ ತಂದೆ – ತಾಯಿ ಅಥವಾ ಪೋಷಕರಿಗೆ ಮರುಪಾವತಿ ಮಾಡಲಾಗುತ್ತದೆ.
ಹಣ ಇದ್ದಾಗ
ಪಾವತಿ...
ವಾರ್ಷಿಕವಾಗಿ
ಕನಿಷ್ಠ ₹ 1 ಸಾವಿರ ಹಾಗೂ
ಗರಿಷ್ಠ ₹ 1.5 ಲಕ್ಷವನ್ನು ಈ
ಸುಕನ್ಯ ಸಮೃದ್ಧಿಉಳಿತಾಯ ಖಾತೆಗೆ ಜಮಾ ಮಾಡಬಹುದಾಗಿದೆ. ಸುಕನ್ಯಾ ಸಮೃದ್ಧಿ ಖಾತೆ ತೆರೆದವರು
ಪ್ರತಿ ತಿಂಗಳು ಹಣ ಕಟ್ಟಲೇಬೇಕು ಎಂಬ ನಿಯಮವೇನೂ ಇಲ್ಲ. ವರ್ಷದಲ್ಲಿ ಯಾವಾಗ ಬೇಕಾದರೂ, ಹಣ ಹೊಂದಿಕೆಯಾದಾಗ ಪಾವತಿಸಬಹುದಾಗಿದೆ. ಅಷ್ಟೇ ಅಲ್ಲ,
ಕೈಯಲ್ಲಿ ಹಣ ಇದ್ದರೆ
ನಿತ್ಯವೂ ಎಷ್ಟಾದರಷ್ಟು ಮೊತ್ತವನ್ನು ಈ ಉಳಿತಾಯ ಖಾತೆಗೆ ಜಮಾ ಮಾಡುತ್ತಾ ಹೋಗಬಹುದಾಗಿದೆ. ಇದುವೇ
ಈ ವಿಶೇಷ ಉಳಿತಾಯ ಯೋಜನೆಯ ಬಹುಬಗೆ ಪ್ರಯೋಜನವಾಗಿದೆ.
ಆದರೆ, ಈ ರೀತಿ ಚಿಲ್ಲರೆಯಾಗಿ ಜಮಾ ಮಾಡಿದರೂ ಆ ಮೊತ್ತವು ಆಯಾ
ಹಣಕಾಸು ವರ್ಷದಲ್ಲಿ ಗರಿಷ್ಠ ₹ 1.50 ಲಕ್ಷದ ಮಿತಿಯನ್ನು
ಮೀರುವಂತಿಲ್ಲ. ಆಟೊ ಚಾಲಕರು, ಸಣ್ಣಪುಟ್ಟ
ವ್ಯಾಪಾರ ವಹಿವಾಟಿನಲ್ಲಿ ತೊಡಗಿರುವವರು ನಿತ್ಯ ₹ 100, ₹ 200 ಹಾಗೂ ₹ 300.... ಹೀಗೆ ತಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ಹಣವನ್ನು ಜಮಾ
ಮಾಡಬಹುದು. ಇದರಿಂದ ಮುಂದೆ ಪುತ್ರಿಯ ವಿದ್ಯಾಭ್ಯಾಸ, ಮದುವೆ ಮೊದಲಾದ ಅಗತ್ಯಗಳಿಗೆ ತುಂಬಾ ಅನುಕೂಲವಾಗಲಿದೆ
ಎಂಬುದು ಅಂಚೆ ಇಲಾಖೆ ಅಧಿಕಾರಿಯೊಬ್ಬರ ಕಿವಿಮಾತು.
ಹರಿಯಾಣದಲ್ಲಿ
ಚಾಲನೆ
ಬೇರೆ ರಾಜ್ಯಗಳಿಗೆ
ಹೋಲಿಸಿದರೆ ಹರಿಯಾಣದಲ್ಲಿ ಹೆಣ್ಣು ಮಕ್ಕಳ ಭ್ರೂಣಹತ್ಯೆ ಪ್ರಮಾಣ ಜಾಸ್ತಿ ಇದೆ. ಇದನ್ನು
ತಡೆಯಬೇಕು ಎಂಬ ಉದ್ದೇಶದಿಂದ ಪ್ರಧಾನಿ ನರೇಂದ್ರ ಮೋದಿ ಅವರು 2015ರ ಜನವರಿ 22ರಂದು ಸುಕನ್ಯಾ ಸಮೃದ್ಧಿ ಯೋಜನೆಗೆ ಹರಿಯಾಣದಲ್ಲಿಯೇ
ಚಾಲನೆ ನೀಡಿದರು.
ಕರ್ನಾಟಕದಲ್ಲಿ
ಫೆಬ್ರುವರಿ 7ರಂದು ಈ ಯೋಜನೆಗೆ
ಚಾಲನೆ ಸಿಕ್ಕಿದ್ದು, ಉತ್ತಮ
ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಇದುವರೆಗೆ ಎಷ್ಟು ಮಂದಿ ಖಾತೆ ತೆರೆದಿದ್ದಾರೆ ಎಂಬ ನಿಖರ ಮಾಹಿತಿ
ಸದ್ಯಕ್ಕೆ ಇಲ್ಲ. ಆದರೆ, ಖಾತೆ ತೆರೆಯಲು
ಜನರು ಮುಂದೆ ಬರುತ್ತಿರುವುದಂತೂ ನಿಜ ಎಂದು ಅಂಚೆ ಇಲಾಖೆಯ ಅಧಿಕಾರಿಯೊಬ್ಬರು ತಿಳಿಸಿದರು.
ಸಮೀಪದ ಅಂಚೆ ಕಚೇರಿ
ಅಥವಾ ಬೆಂಗಳೂರಿನ ಪ್ರಧಾನ ಅಂಚೆ ಕಚೇರಿಯನ್ನು ಸಂಪರ್ಕಿಸಿ ಹೆಚ್ಚಿನ ಮಾಹಿತಿ ಪಡೆಯಬಹುದು (ಬೆಂಗಳೂರು ದೂ: 080–22392597/98). ಹೆಣ್ಣು ಮಕ್ಕಳನ್ನು
ಸಬಲೀಕರಣ ಗೊಳಿಸುವ ಮತ್ತು ಅವರಿಗೆ ಆರ್ಥಿಕ ಭದ್ರತೆ ಒದಗಿಸುವ ಉದ್ದೇಶದಿಂದ ಕೇಂದ್ರ ಸರ್ಕಾರ ‘ಬೇಟಿ ಬಚಾವೋ, ಬೇಟಿ ಪಡಾವೋ’ (ಹೆಣ್ಣು ಮಗುವನ್ನು ಉಳಿಸಿ, ಹೆಣ್ಣು ಮಗುವನ್ನು ಓದಿಸಿ) ಎಂಬ ರಾಷ್ಟ್ರೀಯ
ಯೋಜನೆಯನ್ನು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಆರಂಭಿಸಿದೆ.
ಅದರ ಅಂಗವಾಗಿ ‘ಸುಕನ್ಯಾ ಸಮೃದ್ಧಿ’ ಹೆಸರಿನ ಉಳಿತಾಯ ಖಾತೆಯನ್ನು ಹೊಸದಾಗಿ
ಪರಿಚಯಿಸಲಾಗಿದೆ. ಇದು ದೀರ್ಘಕಾಲೀನ ಹಣ ಹೂಡಿಕೆ ಯೋಜನೆಯಾಗಿದೆ. ಹಾಗಾಗಿಯೇ ದೊಡ್ಡ ಮೊತ್ತದ
ಉಳಿತಾಯಕ್ಕಾಗಿ ಹಾಗೂ ಹೆಣ್ಣು ಮಕ್ಕಳ ಆರ್ಥಿಕ ಸ್ವಾವಲಂಬನೆಗಾಗಿ ಒಂದು ಕುಟುಂಬ ಅಥವಾ ಅಪ್ಪ ಅಮ್ಮ
ಆಯ್ಕೆ ಮಾಡಿಕೊಳ್ಳಬಹುದಾದ ಅತ್ಯುತ್ತಮ ಹಣಕಾಸು ಯೋಜನೆಯಾಗಿದೆ.
ಹೆಣ್ಣು ಭ್ರೂಣ
ಹತ್ಯೆಯನ್ನು ತಡೆಯುವುದರ ಜೊತೆಗೆ ಅವರನ್ನು ಕುಟುಂಬಕ್ಕೆ ಹೊರೆಯಾಗದಂತೆ ಮಾಡಬೇಕು ಎಂಬ
ಉದ್ದೇಶದಿಂದ ಪ್ರಧಾನಿ ನರೇಂದ್ರ ಮೋದಿ ಅವರು, ‘ಬೇಟಿ ಬಚಾವೋ, ಬೇಟಿ ಪಡಾವೋ’
ಯೋಜನೆಗೆ ಹೆಚ್ಚಿನ ಒತ್ತು
ನೀಡಿದ್ದಾರೆ. ಇದನ್ನು ಆಂದೋಲನ ರೂಪದಲ್ಲಿ ರಾಷ್ಟ್ರವ್ಯಾಪಿಯಾಗಿ ಹಮ್ಮಿಕೊಂಡಿದ್ದು, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ, ಹಣಕಾಸು, ಭಾರತೀಯ ಅಂಚೆ ಇಲಾಖೆ ಸೇರಿದಂತೆ ವಿವಿಧ ಇಲಾಖೆಗಳ
ಸಹಯೋಗದೊಂದಿಗೆ ಯೋಜನೆಯ ಮಹತ್ವದ ಬಗ್ಗೆ ಅರಿವು ಮೂಡಿಸಲು ವ್ಯಾಪಕ ಪ್ರಚಾರ ನಡೆದಿದೆ.
‘ಸುಕನ್ಯಾ ಸಮೃದ್ಧಿ’
ಉಳಿತಾಯ ಖಾತೆಗೆ ಈಗಾಗಲೇ
ಚಾಲನೆ ದೊರೆತಿದ್ದು, ನವಜಾತ ಶಿಶುವಿನಿಂದ
ಹಿಡಿದು ಹತ್ತು ವರ್ಷದೊಳಗಿನ ಹೆಣ್ಣು ಮಕ್ಕಳ ಹೆಸರಿನಲ್ಲಿ ಈ ಖಾತೆಯನ್ನು ತೆರೆಯಬಹುದು. ಯಾವುದೇ
ಅಂಚೆ ಕಚೇರಿಯಲ್ಲಿ ಖಾತೆ ತೆರೆಯಲು ಅವಕಾಶ ಇದೆ. ಖಾತೆ ತೆರೆಯುವ ಸಂದರ್ಭದಲ್ಲಿ ಮಗುವಿನ ಜನನ
ಪ್ರಮಾಣ ಪತ್ರ ಮತ್ತು ಪೋಷಕರ ಗುರುತಿನ ದೃಢೀಕರಣ ಪತ್ರ, ವಿಳಾಸ ಖಾತರಿ ಮೊದಲಾದ ‘ಕೆವೈಸಿ’ (ನಿಮ್ಮ ಗ್ರಾಹಕರನ್ನು ಅರಿಯಿರಿ) ಮಾನದಂಡದ
ದಾಖಲೆಗಳನ್ನು ಸಲ್ಲಿಸಬೇಕಿದೆ.
ನಿಗದಿತ ವಯೋಮಿತಿ
ಹೊರತುಪಡಿಸಿದರೆ ಖಾತೆ ತೆರೆಯಲು ಬೇರಾವುದೇ ನಿರ್ಬಂಧಗಳಿಲ್ಲ. ಸರ್ಕಾರಿ- ಮತ್ತು ಖಾಸಗಿ
ವಾಣಿಜ್ಯೋದ್ಯಮ ಸಂಸ್ಥೆಗಳ ನೌಕರರು, ವ್ಯಾಪಾರ, ಸ್ವಂತ ಉದ್ದಿಮೆ ಸೇರಿದಂತೆ ಯಾವುದೇ ವೃತ್ತಿಯಲ್ಲಿ
ತೊಡಗಿಸಿಕೊಂಡಿರುವವರು ಹೆಣ್ಣು ಮಕ್ಕಳ ಹೆಸರಿನಲ್ಲಿ ಉಳಿತಾಯ ಖಾತೆ ತೆರೆಯಬಹುದು. ತಂದೆ - ತಾಯಿ
ಅಥವಾ ಪೋಷಕರು ಒಂದು ಹೆಣ್ಣು ಮಗುವಿನ ಹೆಸರಿನಲ್ಲಿ ಒಂದೇ ಖಾತೆಯನ್ನು ತೆರೆಯಬಹುದು. ಹೆಚ್ಚೆಂದರೆ
ಇಬ್ಬರು ಹೆಣ್ಣು ಮಕ್ಕಳ ಹೆಸರಿನಲ್ಲಿ ಬೇರೆ ಬೇರೆ ಖಾತೆಗಳನ್ನು ತೆರೆಯಬಹುದು ಅಷ್ಟೆ.
ಪ್ರತಿಯೊಂದು
ಹಣಕಾಸು ವರ್ಷದಲ್ಲಿ ಕನಿಷ್ಠ ಒಂದು ಸಾವಿರ ರೂಪಾಯಿ ಯಿಂದ ಗರಿಷ್ಠ 1.5 ಲಕ್ಷ ರೂಪಾಯಿ ವರೆಗೆ ಜಮಾ ಮಾಡಲು ಅವಕಾಶವಿದೆ. ಹೂಡಿಕೆ
ಮಾಡಿದ ಮೊತ್ತಕ್ಕೆ ವಾರ್ಷಿಕವಾಗಿ ಬಡ್ಡಿ, ಚಕ್ರಬಡ್ಡಿ ನೀಡಲಾಗುತ್ತದೆ. ಪ್ರಸಕ್ತ ಹಣಕಾಸು ವರ್ಷದಲ್ಲಿ (2014-15)
ಶೇ 9.10ರಷ್ಟು ಆಕರ್ಷಕ ಬಡ್ಡಿ ದರವನ್ನು ನಿಗದಿಪಡಿಸಲಾಗಿದೆ
(ಬ್ಯಾಂಕ್ಗಳಲ್ಲಿ ಠೇವಣಿಗಳಿಗೆ ನೀಡಲಾಗುತ್ತಿರುವ ಗರಿಷ್ಠ ಬಡ್ಡಿ ಶೇ 8.75ರಿಂದ ಶೇ 8.90ರಷ್ಟಿದೆ ಅಷ್ಟೆ).
ಸುಕನ್ಯಾ ಸಮೃದ್ಧಿ
ಉಳಿತಾಯ ಖಾತೆಯು ಆರಂಭಿಸಿದ ದಿನದಿಂದ
21 ವರ್ಷದವರೆಗೂ
ಚಾಲ್ತಿಯಲ್ಲಿರುತ್ತದೆ. ಒಂದು ವೇಳೆ ಅವಧಿ ಪೂರ್ಣಗೊಂಡ ನಂತರವೂ ಖಾತೆಯನ್ನು ಚಾಲ್ತಿಯಲ್ಲಿ
ಇಟ್ಟುಕೊಂಡರೆ, ಖಾತೆಯಲ್ಲಿ ಆ
ಸಂದರ್ಭದಲ್ಲಿ ಇರುವ ಹಣಕ್ಕೆ ಬಡ್ಡಿ ನೀಡಲಾಗುತ್ತದೆ. ಯಾವ ಹೆಣ್ಣು ಮಗುವಿನ ಹೆಸರಿನಲ್ಲಿ ಖಾತೆ
ತೆರೆಯಲಾಗಿದೆಯೋ ಆಕೆಗೆ 18 ವರ್ಷ ಪೂರ್ಣಗೊಂಡ
ನಂತರ, ಆಕೆಯು ತನ್ನ ಖಾತೆಯಲ್ಲಿ ಜಮಾ
ಆದ ಹಣದಲ್ಲಿ ಅರ್ಧ ಭಾಗವನ್ನು ಉನ್ನತ ಶಿಕ್ಷಣ, ಮದುವೆಯ ಉದ್ದೇಶಕ್ಕೆ ಪಡೆದುಕೊಳ್ಳಬಹುದು.
ಅಲ್ಲದೇ 18 ವರ್ಷ ಪೂರ್ಣಗೊಂಡ ನಂತರ ವಿವಾಹ ಜರುಗಿದರೆ, ಅವಧಿ ಪೂರ್ಣಗೊಳ್ಳುವುದಕ್ಕೂ ಮುನ್ನವೇ ಸುಕನ್ಯ
ಸಮೃದ್ಧಿ ಉಳಿತಾಯ ಖಾತೆಯನ್ನು ಮುಕ್ತಾಯಗೊಳಿಸಬಹುದಾಗಿದೆ. ಖಾತೆ ಪ್ರಾರಂಭಿಸಿದ ನಂತರ 14 ವರ್ಷಗಳ ಕಾಲ ಮಾಸಿಕ ಕಂತುಗಳಲ್ಲಿ ಹಣ ಪಾವತಿಸಬೇಕು.
ಮಧ್ಯದಲ್ಲಿ ಹಣ ಪಾವತಿ ಮಾಡದೇ ಇದ್ದರೆ ₹ 50 ದಂಡ ವಿಧಿಸಲಾಗುತ್ತದೆ.
ವರ್ಗಾವಣೆಗೆ ಅವಕಾಶ
ಸರ್ಕಾರಿ ನೌಕರರು,
ಒಂದು ಊರಿನಿಂದ ಬೇರೊಂದು
ಊರಿಗೆ ವರ್ಗವಾಗುವವರು, ವಲಸೆ ಹೋಗುವವರು
ತಮ್ಮ ಅಗತ್ಯಕ್ಕೆ ತಕ್ಕಂತೆ ಈ ಸುಕನ್ಯ ಸಮೃದ್ಧಿ ಉಳಿತಾಯ ಖಾತೆಯನ್ನು ಬೇರೆ ಊರಿಗೆ ವರ್ಗಾವಣೆ
ಮಾಡಿಸಿಕೊಳ್ಳಬಹುದು. ಉದಾಹರಣೆಗೆ ಸದ್ಯ
ಬೆಂಗಳೂರಿನಲ್ಲಿ ವಾಸವಿದ್ದರೆ ಇಲ್ಲಿನ ಯಾವುದಾದರೂ ಅಂಚೆ ಕಚೇರಿಯಲ್ಲಿ ಉಳಿತಾಯ ಖಾತೆ
ಆರಂಭಿಸಬಹುದಾಗಿದೆ. ಕಾಲಾನಂತರ ಮೈಸೂರು ಅಥವಾ ಬೇರೆ ಯಾವುದೇ ಊರಿಗೆ ವರ್ಗಾವಣೆಯಾದರೆ, ಅಲ್ಲಿಗೆ ಉಳಿತಾಯ ಖಾತೆಯನ್ನು ವರ್ಗಾವಣೆ
ಮಾಡಿಸಿಕೊಳ್ಳಬಹುದು. ಇದಕ್ಕೆ ಮುಕ್ತ ಅವಕಾಶವಿದೆ.
ಆದಾಯ ತೆರಿಗೆ
ವಿನಾಯಿತಿ
ತಮ್ಮ ಮುದ್ದಿನ ಮಗಳ
ಭವಿಷ್ಯಕ್ಕಾಗಿ ಈ ಸುಕನ್ಯ ಸಮೃದ್ಧಿ ಹೂಡಿಕೆ ಯೋಜನೆಯಲ್ಲಿ ತೊಡಗಿಸುವ ಅಪ್ಪ, ಅಮ್ಮ, ಅದಷ್ಟೂ ಮೊತ್ತಕ್ಕೆ ಆದಾಯ ತೆರಿಗೆ ಕಾಯ್ದೆ ಸೆಕ್ಷನ್ 80ಸಿ ಅಡಿ ಆಯಾ ಹಣಕಾಸು ವರ್ಷದಲ್ಲಿ ಆದಾಯ ತೆರಿಗೆಯಿಂದ
ವಿನಾಯಿತಿ ಪಡೆಯಲು ಅವಕಾಶವಿದೆ. ವಾರ್ಷಿಕ ಉಳಿತಾಯ
ಮತ್ತು ಅವಧಿ ಪೂರ್ಣಗೊಂಡ ನಂತರ ದೊರೆಯುವ ಒಟ್ಟು ಹಣಕ್ಕೆ ತೆರಿಗೆ ಪಾವತಿಸುವ ಅಗತ್ಯವಿಲ್ಲ.
ಅಧಿಕ ಬಡ್ಡಿ
ಬ್ಯಾಂಕುಗಳಲ್ಲಿ
ಯಾವುದೇ ರೀತಿಯ ಉಳಿತಾಯ ಅಥವಾ ನಿಗದಿತ ಠೇವಣಿ ರೂಪದಲ್ಲಿ ಹಣ ಇಟ್ಟರೆ ಸದ್ಯದ ಪರಿಸ್ಥಿತಿಯಲ್ಲಿ
ಶೇ 8.90ಕ್ಕಿಂತ ಅಧಿಕ ಬಡ್ಡಿ
ದೊರೆಯುವುದಿಲ್ಲ. ಆದರೆ, ಸುಕನ್ಯಾ ಸಮೃದ್ಧಿ
ಯೋಜನೆಯಡಿ ಶೇ 9.10ರಷ್ಟು ಬಡ್ಡಿ
ದೊರೆಯುತ್ತದೆ. ಆಯಾ ಆರ್ಥಿಕ
ವರ್ಷದಲ್ಲಿ ಬಡ್ಡಿದರ ಪರಿಷ್ಕರಣೆ ಆಗುತ್ತಿರುತ್ತದೆ. ಬ್ಯಾಂಕ್ಗಳಿಗಾದರೆ ಬಡ್ಡಿದರವನ್ನು
ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಪ್ರತಿ ತೈಮಾಸಿಕದ ಹಣಕಾಸು ನೀತಿ ಪರಾಮರ್ಶೆ ವೇಳೆ
ನಿಗದಿಪಡಿಸಿದರೆ, ಈ ಸುಕನ್ಯ ಸಮೃದ್ಧಿ
ಉಳಿತಾಯ ಯೋಜನೆಗಾದರೆ ಕೇಂದ್ರ ಹಣಕಾಸು ಸಚಿವಾಲಯವೇ ವರ್ಷಕ್ಕೊಮ್ಮೆ ಬಡ್ಡಿದರವನ್ನು
ನಿಗದಿಪಡಿಸಲಿದೆ.
ಖಾತೆ ತೆರೆಯುವುದು
ಹೇಗೆ?
ಸಮೀಪದ ಯಾವುದೇ
ಅಂಚೆ ಕಚೇರಿಯಲ್ಲಿ ಸುಕನ್ಯಾ ಸಮೃದ್ಧಿ ಉಳಿತಾಯ ಖಾತೆಯನ್ನು ತೆರೆಯಬಹುದು. ದೇಶದ ಎಲ್ಲ ಅಂಚೆ ಕಚೇರಿಗಳಲ್ಲಿ ಈಗಾಗಲೇ ಈ ಖಾತೆ
ತೆರೆಯಲು ಬೇಕಾದ ವ್ಯವಸ್ಥೆ ಮಾಡಲಾಗಿದೆ. ಪ್ರಮುಖ ಕಚೇರಿಗಳು ಹಾಗೂ ಜನಸಂಚಾರ ಹೆಚ್ಚಿಗೆ ಇರುವ
ಕಡೆ ಈ ಯೋಜನೆಯ ಬಗ್ಗೆ ಅರಿವು ಮೂಡಿಸಲು ಹಾಗೂ ಖಾತೆ ಮಾಡಿಸಿಕೊಳ್ಳಲು ಅಂಚೆ ಕಚೇರಿಗಳು
ಶಿಬಿರಗಳನ್ನು ಆಯೋಜಿಸುತ್ತಿವೆ.
ವಿಶೇಷ ಕೌಂಟರ್
ಸುಕನ್ಯಾ ಸಮೃದ್ಧಿ
ಉಳಿತಾಯ ಖಾತೆ ತೆರೆಯಲು ಬಯಸುವ ಗ್ರಾಹಕರಿಗೆ ಅನುಕೂಲವಾಗಲಿ ಎಂಬ ಉದ್ದೇಶದಿಂದ ಬೆಂಗಳೂರಿನ
ಪ್ರಧಾನ ಅಂಚೆ ಕಚೇರಿಯಲ್ಲಿ (ಜಿಪಿಒ) ವಿಶೇಷ ಕೌಂಟರ್ ತೆರೆಯಲಾಗಿದೆ. ಸದ್ಯಕ್ಕೆ ಇಲ್ಲಿ ಮಾತ್ರ
(ಎಲೆಕ್ಟ್ರಾನಿಕ್ ಕ್ಲಿಯರೆನ್ಸ್ ಸಿಸ್ಟಂ (ಇಸಿಎಸ್: ಹಣ ಪಾವತಿಯ ವಿದ್ಯುನ್ಮಾನ
ವ್ಯವಸ್ಥೆ) ಮೂಲಕ ಹಣ
ಪಾವತಿಸಲೂ ಅವಕಾಶ ಇದೆ. ಇಲ್ಲಿ ಖಾತೆ ತೆರೆಯುವ ಗ್ರಾಹಕರು ಮುಂದಿನ ದಿನಗಳಲ್ಲಿ ಆನ್ಲೈನ್
ಮೂಲಕವೂ ಹಣ ಪಾವತಿಸಬಹುದು.
ಪ್ರತಿ ತಿಂಗಳು
ಅಥವಾ ಬಯಸಿದಾಗ ಹಣ ಕಟ್ಟಲು ಅಂಚೆ ಕಚೇರಿಗೆ ಬರುವ ಅಗತ್ಯವೇನೂ ಇರುವುದಿಲ್ಲ. ಮನೆಯಲ್ಲಿ
ಅಂತರ್ಜಾಲ ಸಂಪರ್ಕವಿರುವ ಕಂಪ್ಯೂಟರ್ ಮುಂದೆ ಕುಳಿತು ಒಮ್ಮೆ ಮೌಸ್ ಕ್ಲಿಕ್ ಮಾಡುವ ಮೂಲಕ ಕ್ಷಣಾರ್ಧದಲ್ಲಿ ಹಣವನ್ನು ತಮ್ಮ
ಪುತ್ರಿಯ ‘ಸುಕನ್ಯ ಸಮೃದ್ಧಿ’
ಖಾತೆಗೆ ವರ್ಗಾಯಿಸಬಹುದು.
ಖಾತೆ ಸ್ಥಗಿತಕ್ಕೆ
ಅವಕಾಶ
ಖಾತೆದಾರರು
ಆಕಸ್ಮಿಕವಾಗಿ ಮರಣ ಹೊಂದಿದರೆ ಕೂಡಲೇ ಖಾತೆಯನ್ನು ಸ್ಥಗಿತಗೊಳಿಸಬಹುದು. ಅಂತಹ ಸಂದರ್ಭದಲ್ಲಿ ಮರಣ
ಪ್ರಮಾಣ ಪತ್ರವನ್ನು ಹಾಜರುಪಡಿಸಬೇಕು. ಮರಣ ಹೊಂದುವವರೆಗೂ ಪಾವತಿಯಾಗಿರುವ ಹಣಕ್ಕೆ ಬಡ್ಡಿಯನ್ನು ಸೇರಿಸಿ, ಹೆಣ್ಣು ಮಗುವಿನ ತಂದೆ – ತಾಯಿ ಅಥವಾ ಪೋಷಕರಿಗೆ ಮರುಪಾವತಿ ಮಾಡಲಾಗುತ್ತದೆ.
ಹಣ ಇದ್ದಾಗ
ಪಾವತಿ...
ವಾರ್ಷಿಕವಾಗಿ
ಕನಿಷ್ಠ ₹ 1 ಸಾವಿರ ಹಾಗೂ
ಗರಿಷ್ಠ ₹ 1.5 ಲಕ್ಷವನ್ನು ಈ
ಸುಕನ್ಯ ಸಮೃದ್ಧಿಉಳಿತಾಯ ಖಾತೆಗೆ ಜಮಾ ಮಾಡಬಹುದಾಗಿದೆ. ಸುಕನ್ಯಾ ಸಮೃದ್ಧಿ ಖಾತೆ ತೆರೆದವರು
ಪ್ರತಿ ತಿಂಗಳು ಹಣ ಕಟ್ಟಲೇಬೇಕು ಎಂಬ ನಿಯಮವೇನೂ ಇಲ್ಲ. ವರ್ಷದಲ್ಲಿ ಯಾವಾಗ ಬೇಕಾದರೂ, ಹಣ ಹೊಂದಿಕೆಯಾದಾಗ ಪಾವತಿಸಬಹುದಾಗಿದೆ. ಅಷ್ಟೇ ಅಲ್ಲ,
ಕೈಯಲ್ಲಿ ಹಣ ಇದ್ದರೆ
ನಿತ್ಯವೂ ಎಷ್ಟಾದರಷ್ಟು ಮೊತ್ತವನ್ನು ಈ ಉಳಿತಾಯ ಖಾತೆಗೆ ಜಮಾ ಮಾಡುತ್ತಾ ಹೋಗಬಹುದಾಗಿದೆ. ಇದುವೇ
ಈ ವಿಶೇಷ ಉಳಿತಾಯ ಯೋಜನೆಯ ಬಹುಬಗೆ ಪ್ರಯೋಜನವಾಗಿದೆ.
ಆದರೆ, ಈ ರೀತಿ ಚಿಲ್ಲರೆಯಾಗಿ ಜಮಾ ಮಾಡಿದರೂ ಆ ಮೊತ್ತವು ಆಯಾ
ಹಣಕಾಸು ವರ್ಷದಲ್ಲಿ ಗರಿಷ್ಠ ₹ 1.50 ಲಕ್ಷದ ಮಿತಿಯನ್ನು
ಮೀರುವಂತಿಲ್ಲ. ಆಟೊ ಚಾಲಕರು, ಸಣ್ಣಪುಟ್ಟ
ವ್ಯಾಪಾರ ವಹಿವಾಟಿನಲ್ಲಿ ತೊಡಗಿರುವವರು ನಿತ್ಯ ₹ 100, ₹ 200 ಹಾಗೂ ₹ 300.... ಹೀಗೆ ತಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ಹಣವನ್ನು ಜಮಾ
ಮಾಡಬಹುದು. ಇದರಿಂದ ಮುಂದೆ ಪುತ್ರಿಯ ವಿದ್ಯಾಭ್ಯಾಸ, ಮದುವೆ ಮೊದಲಾದ ಅಗತ್ಯಗಳಿಗೆ ತುಂಬಾ ಅನುಕೂಲವಾಗಲಿದೆ
ಎಂಬುದು ಅಂಚೆ ಇಲಾಖೆ ಅಧಿಕಾರಿಯೊಬ್ಬರ ಕಿವಿಮಾತು.
ಹರಿಯಾಣದಲ್ಲಿ
ಚಾಲನೆ
ಬೇರೆ ರಾಜ್ಯಗಳಿಗೆ
ಹೋಲಿಸಿದರೆ ಹರಿಯಾಣದಲ್ಲಿ ಹೆಣ್ಣು ಮಕ್ಕಳ ಭ್ರೂಣಹತ್ಯೆ ಪ್ರಮಾಣ ಜಾಸ್ತಿ ಇದೆ. ಇದನ್ನು
ತಡೆಯಬೇಕು ಎಂಬ ಉದ್ದೇಶದಿಂದ ಪ್ರಧಾನಿ ನರೇಂದ್ರ ಮೋದಿ ಅವರು 2015ರ ಜನವರಿ 22ರಂದು ಸುಕನ್ಯಾ ಸಮೃದ್ಧಿ ಯೋಜನೆಗೆ ಹರಿಯಾಣದಲ್ಲಿಯೇ
ಚಾಲನೆ ನೀಡಿದರು.
ಕರ್ನಾಟಕದಲ್ಲಿ
ಫೆಬ್ರುವರಿ 7ರಂದು ಈ ಯೋಜನೆಗೆ
ಚಾಲನೆ ಸಿಕ್ಕಿದ್ದು, ಉತ್ತಮ
ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಇದುವರೆಗೆ ಎಷ್ಟು ಮಂದಿ ಖಾತೆ ತೆರೆದಿದ್ದಾರೆ ಎಂಬ ನಿಖರ ಮಾಹಿತಿ
ಸದ್ಯಕ್ಕೆ ಇಲ್ಲ. ಆದರೆ, ಖಾತೆ ತೆರೆಯಲು
ಜನರು ಮುಂದೆ ಬರುತ್ತಿರುವುದಂತೂ ನಿಜ ಎಂದು ಅಂಚೆ ಇಲಾಖೆಯ ಅಧಿಕಾರಿಯೊಬ್ಬರು ತಿಳಿಸಿದರು.
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ