ಆಸ್ಟ್ರೇಲಿಯಾ): ಭಾರತದ ಪಾಲಿಗೆ ಸ್ಮರಣೀಯವಾಗಿಸಿದ
ಗೋಲ್ಡ್ಕೋಸ್ಟ್ ಕಾಮನ್ವೆಲ್ತ್
ಗೇಮ್ಸ್ಗೆ ಇಂದು ವಿಜೃಂಭಣೆಯ
ತೆರೆಬೀಳಲಿದ್ದು, ಕೊನೆ ಪಂದ್ಯದಲ್ಲಿ ಪುರುಷರ
ಬ್ಯಾಡ್ಮಿಂಟನ್ ಡಬಲ್ಸ್ ಫೈನಲ್ ಪಂದ್ಯದಲ್ಲಿ
ಭಾರತಕ್ಕೆ ಬೆಳ್ಳಿ ಪದಕ ಲಭಿಸಿದೆ.
ಸಾತ್ವಿಕ್
ರಾಂಕಿರೆಡ್ಡಿ(17) ಮತ್ತು ಚಿರಾಗ್ ಶೆಟ್ಟಿ(20)
ಪುರುಷರ ಬ್ಯಾಡ್ಮಿಂಟನ್ ಡಬಲ್ಸ್ ಪಂದ್ಯದಲ್ಲಿ ಇಂಗ್ಲೆಂಡ್ನ ಮಾರ್ಕಸ್ ಎಲ್ಲಿಸ್
ಮತ್ತು ಕ್ರಿಸ್ ಲ್ಯಾಂಡ್ರಿಡ್ಜ್ ವಿರುದ್ಧ
13-21, 16-21 ಅಂತರದ ಸೋಲು ಕಂಡರೂ, ದೇಶಕ್ಕೆ
ಬೆಳ್ಳಿ ಪದಕ ತಂದು ಕೊಟ್ಟಿದ್ದಾರೆ.
ಸೆಮಿಫೈನಲ್
ಪಂದ್ಯದಲ್ಲಿ ಶ್ರೀಲಂಕಾದ ದಿಯಾಸ್ ಮತ್ತು ಬುವಾನೆಕಾ
ಜೋಡಿಯನ್ನು ಮಣಿಸಿ ಫೈನಲ್ ಪ್ರವೇಶಿದ್ದ
ರೆಡ್ಡಿ-ಶೆಟ್ಟಿ ಜೋಡಿ ವಿಶ್ವ
ಬ್ಯಾಡ್ಮಿಂಟನ್ ಡಬಲ್ಸ್ ರ್ಯಾಂಕಿಂಗ್ನಲ್ಲಿ
21ನೇ ಸ್ಥಾನದಲ್ಲಿದ್ದಾರೆ.
ಈ ಸಾಲಿನ ಕಾಮನ್ವೆಲ್ತ್
ಗೇಮ್ಸ್ನಲ್ಲಿ ಬ್ಯಾಡ್ಮಿಂಟನ್ ನಲ್ಲಿಯೇ
ಆರು ಪದಕಗಳು ಬಂದಿದ್ದು, ಪಿ.ಗೋಪಿಚಂದ್ ಸಾರಥ್ಯ ವಹಿಸಿದ್ದರು.ಕಾಮನ್ವೆಲ್ತ್ ಗೇಮ್ಸ್: ಟೇಬಲ್
ಟೆನಿಸ್ ಸಿಂಗಲ್ಸ್ನಲ್ಲಿ ಐತಿಹಾಸಿಕ ಚಿನ್ನದ
ಪದಕ, ಗೋಲ್ಡ್ ಕೋಸ್ಟ್(ಆಸ್ಟ್ರೇಲಿಯಾ):
ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ ಮಹಿಳೆಯರ
ಸಿಂಗಲ್ಸ್ ಟೇಬಲ್ ಟೆನಿಸ್ನಲ್ಲಿ
ಚಿನ್ನದ ಪದಕ ಲಭ್ಯವಾಗಿದ್ದು, ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ ಚಿನ್ನ
ಗೆದ್ದ ಮೊದಲ ಭಾರತೀಯ ಮಹಿಳೆ
ಎನ್ನುವ ಕೀರ್ತಿಗೆ ಮನಿಕಾ ಬಾತ್ರಾ ಪಾತ್ರರಾಗಿದ್ದಾರೆ.
ಶನಿವಾರ
ನಡೆದ ಮಹಿಳೆಯರ ಟೇಬಲ್ ಟೆನಿಸ್
ಸಿಂಗಲ್ಸ್ ವಿಭಾಗದ ಫೈನಲ್ನಲ್ಲಿ
ಆಡಿದ ಮನಿಕಾ ಬಾತ್ರಾ, ಸಿಂಗಾಪೂರ್ನ ಮೆಂಗ್ಯೂ ಅವರ
ವಿರುದ್ಧ 4-0 ಅಂತರದ ಜಯ ಸಾಧಿಸಿ,
ಭಾರತಕ್ಕೆ ಚಿನ್ನವನ್ನು ತಂದುಕೊಟ್ಟಿದ್ದಾರೆ.
ಶುಕ್ರವಾರ
ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ವಿಶ್ವದ ನಾಲ್ಕನೇ ಶ್ರೇಯಾಂಕಿತ
ಆಟಗಾರ್ತಿ ಸಿಂಗೂಪೂರ್ನ ಪೆಂಗ್ ಟಿಯಾನ್ವಿ
ವಿರುದ್ಧ ಉತ್ತಮ ಪ್ರದರ್ಶನ ನೀಡಿದ
ಮನಿಕಾ, 4-3 ಅಂತರದಿಂದ ಮಣಿಸಿ ನಿರ್ಣಾಯಕ ಜಯ
ಸಾಧಿಸಿ ಫೈನಲ್ ತಲುಪಿದ್ದರು.
ಇನ್ನು ಸಿಂಗಲ್ಸ್ನಲ್ಲಿ ಚಿನ್ನ ಗೆದ್ದಿರುವ
ಮನಿಕಾ, ಮಹಿಳಾ ಡಬಲ್ಸ್ ವಿಭಾಗದಲ್ಲಿ
22 ವರ್ಷದ ಮೌಮಾ ದಾಸ್ ಅವರೊಂದಿಗೆ
ಆಡಿ ಭಾರತಕ್ಕೆ ಬೆಳ್ಳಿ ಪದಕವನ್ನು ತಂದುಕೊಟ್ಟಿದ್ದರು.
ನಾಲ್ಕನೇ
ಪದಕ ಗೆದ್ದಿರುವ ಮೌಮಾ ಭಾನುವಾರ ನಡೆಯಲಿರುವ
ಮಿಶ್ರ ಡಬಲ್ಸ್ ಪಂದ್ಯದಲ್ಲಿ ಕಂಚಿನ
ಪದಕಕ್ಕಾಗಿ ಸೆಣಸಾಡಲಿದ್ದಾರೆ.
ಪುರುಷರ
ಡಬಲ್ಸ್ ಟೇಬಲ್ ಟೆನಿಸ್ನಲ್ಲಿ
ಕಂಚು
ಪುರುಷರ
ಡಬಲ್ಸ್ ಟೇಬಲ್ ಟೆನಿಸ್ನಲ್ಲಿ
ಭಾರತದ ಹರ್ಮೀತ್ ದೇಸಾಯಿ ಮತ್ತು
ಸನಿಲ್ ಶಂಕರ್ ಶೆಟ್ಟಿ ಕಂಚಿನ
ಪದಕ ಪಡೆದಿದ್ದಾರೆ.
ಆಕ್ಸ್ಫರ್ಡ್ ಸ್ಟುಡಿಯೋದಲ್ಲಿ ನಡೆದ
ಪಂದ್ಯದಲ್ಲಿ ಸಿಂಗಾಪೂರ್ನ ಪಾಂಗ್ ಯೆವ್
ಎನ್ ಕೊಯನ್ ಮತ್ತು ಪೊಹ್
ಶಾವೊ ಫೆಂಗ್ ಎಥನ್ ವಿರುದ್ಧ
3-0 ಅಂತದಲ್ಲಿ ಜಯ ಗಳಿಸಿದರು. (ಏಜೆನ್ಸೀಸ್)
, ಆಲ್ ಇಂಡಿಯಾ ಫೈನಲ್ನಲ್ಲಿ
ಸ್ವರ್ಣ ಗೆದ್ದ ಸೈನಾ, ಬೆಳ್ಳಿಗೆ
ಮುತ್ತಿಟ್ಟ ಸಿಂಧು, ಗೋಲ್ಡ್ಕೋಸ್ಟ್
(ಆಸ್ಟ್ರೇಲಿಯಾ): ಕಾಮನ್ವೆಲ್ತ್ 2018 ಕೂಟದ
ಅಂತಿಮ ದಿನವಾದ ಇಂದು ಬ್ಯಾಡ್ಮಿಂಟನ್
ತಾರೆಗಳಾದ ಸೈನಾ ನೆಹ್ವಾಲ್ ಹಾಗೂ
ಪಿ.ವಿ.ಸಿಂಧು ಆಲ್
ಇಂಡಿಯಾ ಮಹಿಳಾ ಸಿಂಗಲ್ಸ್ ಫೈನಲ್ಸ್ನಲ್ಲಿ ಚಿನ್ನ ಹಾಗೂ
ಬೆಳ್ಳಿ ಪದಕಗಳಿಗೆ ಮುತ್ತಿಟ್ಟಿದ್ದಾರೆ.
ವಿಶ್ವ ರ್ಯಾಂಕಿಂಗ್ನಲ್ಲಿ
12ನೇ ಸ್ಥಾನದಲ್ಲಿರುವ ಸೈನಾ, 3ನೇ ರ್ಯಾಂಕ್ನ ಪಿ.ವಿ.ಸಿಂಧುವನ್ನು 21-18, 23-21 ಅಂತರದ ನೇರ
ಸೆಟ್ಗಳಿಂದ ಮಣಿಸಿ ಕಾಮನ್ವಲ್ತ್ ಗೇಮ್ಸ್ನಲ್ಲಿ
ಎರಡನೇ ಚಿನ್ನದ ಪದಕವನ್ನು ಮುಡಿಗೇರಿಸಿಕೊಂಡಿದ್ದಾರೆ.
ಭಾರತೀಯ
ತಾರೆಗಳಾದ ಸೈನಾ ಹಾಗೂ ಸಿಂಧುವಿನ
ಈ ಮ್ಯಾಚ್ ಅತ್ಯಂತ
ಕುತೂಹಲ ಕೆರಳಿಸಿತ್ತು. ಇದಕ್ಕೂ ಮುಂಚೆ ಈ
ಜೋಡಿ ಕಳೆದ ವರ್ಷ ನ್ಯಾಷನಲ್
ಬ್ಯಾಡ್ಮಿಂಟನ್ ಚಾಂಪಿಯನ್ಶಿಪ್ನಲ್ಲಿ ಮುಖಾಮುಖಿಯಾಗಿತ್ತು.
ಆಗಲೂ ಸಿಂಧು ವಿರುದ್ಧ 21-17, 27-25 ಅಂತರದಲ್ಲಿ ಮಣಿಸುವ
ಮೂಲಕ ಜಯ ಸಾಧಿಸಿ ಸೈನಾ
ನೆಹ್ವಾಲ್ ಚಾಂಪಿಯನ್ಶಿಪ್ ಪಟ್ಟ ತನ್ನದಾಗಿಸಿಕೊಂಡಿದ್ದರು.
ನಿನ್ನೆಯಷ್ಟೇ(ಶನಿವಾರ) ಪದಕಗಳ ಭರ್ಜರಿ
ಬೇಟೆಯಾಡಿದ್ದ ಭಾರತ ಕ್ರೀಡಾಪಟುಗಳು ಅಂತಿಮ
ದಿನವೂ ಹೆಚ್ಚೆಚ್ಚು ಪದಕಗಳನ್ನು ಗೆಲ್ಲುವ ನಿರೀಕ್ಷೆ ಹುಟ್ಟಿಸಿದ್ದಾರೆ.
ಕೂಟದ ಹನ್ನೊಂದನೇ ದಿನವಾದ ಭಾನುವಾರ, ಬ್ಯಾಂಡ್ಮಿಂನ್ನಲ್ಲಿ ಸೈನಾ ಹಾಗೂ
ಸಿಂಧುವಿನ ಎರಡು ಪದಕ ಹೊರತು
ಪಡಿಸಿ ಭಾರತ ಮತ್ತೆರಡು ಪದಕಗಳನ್ನು
ತನ್ನದಾಗಿಸಿಕೊಳ್ಳಲಿದೆ. ಪುರುಷರ ಸಿಂಗಲ್ಸ್ನಲ್ಲಿ
ಕಿಡಂಬಿ ಶ್ರೀಕಾಂತ್ ಹಾಗೂ ಪುರುಷರ ಡಬಲ್ಸ್ನಲ್ಲಿ ಸಾತ್ವಿಕ್ ಹಾಗೂ
ಚಿರಾಗ್ ಶೆಟ್ಟಿ ಜೋಡಿ ಈಗಾಗಲೇ
ಫೈನಲ್ ಪ್ರವೇಶಿಸುವ ಕಾರಣ ಚಿನ್ನ ಅಥವಾ
ಬೆಳ್ಳಿ ಪದಕ ಬರುವುದು ಖಚಿತ.
ಈ ಮೂಲಕ ಕಾಮನ್ವೆಲ್ತ್ ಗೇಮ್ಸ್ನ
ಎಲ್ಲ 11 ದಿನವೂ ಭಾರತ ಕನಿಷ್ಠ
1 ಸ್ವರ್ಣವನ್ನಾದರೂ ಗೆದ್ದ ಸಾಧನೆ ಮಾಡಿದೆ.
,
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ