ಜೀವ ಶಾಸ್ತ್ರ ಮತ್ತು
ಔಷಧ ಶಾಸ್ತ್ರ ಎರಡೂ ಆಯಾಮಗಳನ್ನು ಕಲಿಸುವ ಶಿಕ್ಷಣ ಶಾಖೆ ಸಾಮಾನ್ಯವಾಗಿ ಕರೆಯುವ ಬಯೋ ಎಂಜಿನಿಯರಿಂಗ್
ಅಥವಾ ಬಯೋ ಮೆಡಿಕಲ್ ಎಂಜಿನಿಯರಿಂಗ್. ಇದನ್ನು ಕಲಿಯಲು ಒಂದಿಷ್ಟು ಕಷ್ಟವೆನಿಸಿದರೂ ಅತ್ಯುತ್ತಮ
ಉದ್ಯೋಗಾವಕಾಶ ಇರುವ ಕ್ಷೇತ್ರ ಇದು. ತನ್ನ ವೈಶಿಷ್ಟ್ಯದಿಂದಾಗಿಯೇ ಇದು ಇತರ ಎಂಜಿನಿಯರಿಂಗ್ ವಿಭಾಗಗಳಿಗಿಂತ
ಭಿನ್ನವಾಗಿದೆ.
ರೋಗಿಗಳಿಗೆ ನೀಡುವ
ಚಿಕಿತ್ಸೆಯ ಗುಣಮಟ್ಟ ಹೆಚ್ಚಿಸಿ ಇನ್ನಷ್ಟು ಪರಿಣಾಮಕಾರಿಯಾಗುವಂತೆ ಮಾಡುವ ಜೀವ ಶಾಸ್ತ್ರ ಮತ್ತು ಔಷಧ
ಶಾಸ್ತ್ರ ಎರಡನ್ನೂ ಒಳಗೊಂಡ ಎಂಜಿನಿಯರಿಂಗ್ ಶಾಕೆ ಬಯೋಮೆಡಿಕಲ್ ಎಂಜಿನಿಯರಿಂಗ್. ಬಯೋ ಮೆಡಿಕಲ್
ಎಂಜಿನಿಯರ್ಗಳು ಸಂಶೋಧಕರು ಮತ್ತು ವೈದ್ಯರ ಜೊತೆಗೂಡಿ ವೈದ್ಯಕೀಯ ಉಪಕರಣಗಳು, ಯಂತ್ರಗಳನ್ನು ಅಭಿವೃದ್ದಿ
ಪಡಿಸಲು ನೆರವಾಗುತ್ತಾರೆ. ರೋಗದ ವಿಶ್ಲೇಷಣೆ, ರೋಗ ಪತ್ತೆ, ಚಿಕಿತ್ಸೆ ಮತ್ತು ರೋಗಿಯ ಚೇತರಿಕೆ ಈ
ರೀತಿ ಎಲ್ಲಾ ಅಂಶಗಳಲ್ಲೂ ಈ ಎಂಜಿನಿಯರಿಂಗ್ ವಿಭಾಗದ ಪಾತ್ರವಿರುತ್ತದೆ. ಉಳಿದ ಎಂಜಿನಿಯರಿಂಗ್ ವಿಭಾಗದಿಂದ
ಭಿನ್ನವಾಗಿರುವ ಇದು, ಆರೋಗ್ಯ ಕಾಳಜಿಯ ಬಗ್ಗೆ ಆಧುನಿಕ ಜೀವ ಶಾಸ್ತ್ರೀಯ ನಿಯಮಗಳನ್ನು ಅಳವಡಿಸಿಕೊಂಡು
ಸಮಸ್ಯೆ ಪರಿಹಾರಕ್ಕೆ ಮುಂದಾಗುತ್ತದೆ.
ಕೋರ್ಸ್ ವಿವರ:
ಡಿಪ್ಲೋಮಾ, ಬ್ಯಾಚುಲರ್ ಡಿಗ್ರಿ ಮತ್ತು ಮಾಸ್ಟರ್ ಡಿಗ್ರಿ, ಪಿಎಚ್ಡಿ ಕೋರ್ಸ್ಗಳು ಬಯೋ ಮೆಡಿಕಲ್
ಎಂಜಿನಿಯರಿಂಗ್ನಲ್ಲಿವೆ. ಡಿಪ್ಲೋಮಾ ಇನ್ ಬಯೋ ಮೆಡಿಕಲ್ ಎಂಜಿನಿಯರಿಂಗ್, ಬ್ಯಾಚುಲರ್ ಆಫ್
ಎಂಜಿನಿಯರಿಂಗ್ ಇನ್ ಬಯೋ ಮೆಡಿಕಲ್ ಎಂಜಿನಿಯರಿಂಗ್, ಬ್ಯಾಚುಲರ್ ಆಫ್ ಟೆಕ್ನಾಲಜಿ ಇನ್ ಬಯೋ
ಮೆಡಿಕಲ್ ಎಂಜಿನಿಯರಿಂಗ್, ಬ್ಯಾಚುಲರ್ ಆಫ್ ಟೆಕ್ನಾಲಜಿ ಇನ್ ಬಯೋಮೆಡಿಕಲ್ ಇನ್ಸ್ಟ್ರುಮೆಂಟೇಶನ್,
ಮಾಸ್ಟರ್ ಆಫ್ ಎಂಜಿನಿಯರಿಂಗ್ ಇನ್ ಬಯೋಮೆಡಿಕಲ್ ಎಂಜಿನಿಯರಿಂಗ್, ಮಾಸ್ಟರ್ ಆಫ್ ಟೆಕ್ನಾಲಜಿ
ಇನ್ ಬಯೋಮೆಡಿಕಲ್ ಎಂಜಿನಿಯರಿಂಗ್, ಡಾಕ್ಟರ್ ಆಫ್ ಫಿಲಾಸಫಿ ಇನ್ ಬಯೋಮೆಡಿಕಲ್ ಎಂಜಿನಿಯರಿಂಗ್
ಮೊದಲಾದ ಕೋರ್ಸ್ಗಳು ಲಭ್ಯವಿದೆ. ಮಣಿಪಾಲದಲ್ಲಿರುವ ಮಣಿಪಾಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ,
ಕಲಬುರ್ಗಿಯಲ್ಲಿರುವ ಸೆಂಟ್ರಲ್ ಯೂನಿವರ್ಸಿಟಿ ಆಫ್ ಕರ್ನಾಟಕ ಸೇರಿದಂತೆ ದೇಶಾದ್ಯಂತ ಹಲವಾರು ಶಿಕ್ಷಣ
ಸಂಸ್ಥೆಗಳು ಈ ಕೋರ್ಸ್ಗಳನ್ನು ಆಫರ್ ಮಾಡುತ್ತವೆ. ಜೀವ ಶಾಸ್ತ್ರ, ಗಣಿತ ಮತ್ತು ರಸಾಯನ ಶಾಸ್ತ್ರ
ವಿಷಯಗಳನ್ನು ತೆಗೆದುಕೊಂಡು 12ನೇ ತರಗತಿ ಉತ್ತೀರ್ಣರಾದವರು ಬ್ಯಾಚುಲರ್ ಡಿಗ್ರಿ ಕೋರ್ಸ್ ಪ್ರವೇಶಕ್ಕೆ
ಅರ್ಹತೆ ಪಡೆಯುತ್ತಾರೆ.
ಅವಶ್ಯಕ ಕೌಶಲ್ಯ:
ವಿದ್ಯಾರ್ಥಿಗಳಿಗೆ ಹಲವಾರು ಅವಶ್ಯಕ ಕೌಶಲ್ಯಗಳು ಬೇಕಾಗುತ್ತವೆ. ಅದರಲ್ಲಿ ಮುಖ್ಯವಾಗಿ ಸೂಕ್ತ ಸಮಯದಲ್ಲಿ
ಸೂಕ್ತ ನಿರ್ಣಯ ತೆಗೆದುಕೊಳ್ಳುವ ಸಾಮರ್ಥ್ಯ, ಅಪರೇಶನ್ ಅನಲೈಸಿಸ್, ವಿಶ್ಲೇಷಣಾತ್ಮಕವಾಗಿ ಯೋಚನೆ
ಮಾಡುವುದು, ತಂತ್ರಜ್ಞಾನ ವಿನ್ಯಾಸ, ಸಿಸ್ಟಂ ಅನಲೈಸಿಸ್, ಕಲಿಕೆಯ ಕಾರ್ಯತಂತ್ರಗಳು, ಸಾಮಾಜಿಕ ಆಯಾಮದ
ಯೋಚನೆ, ಸಮಾಜ ಜೀವನದ ಕುರಿತು ಆಸಕ್ತಿ, ಗುಣಮಟ್ಟದ ನಿಯಂತ್ರಣ ವಿಶ್ಲೇಷಣೆ, ಸಮಯ ಪಾಲನೆ, ಟ್ರಬಲ್
ಶೂಟಿಂಗ್ ಮೊದಲಾದ ಕೌಶಲ್ಯ ಇರಬೇಕು.
ಉದ್ಯೋಗ ಸ್ವರೂಪ:
ಆಸ್ಪತ್ರೆ, ಔಷಧ ತಯಾರಕ ಸಂಸ್ಥೆಗಳು, ವೈದ್ಯಕೀಯ ಉಪಕರಣ ಉತ್ಪಾದನಾ ಸಂಸ್ಥೆ, ಸರಕಾರಿ ಸಂಸ್ಥೆಗಳು,
ಫರ್ಮಾಸ್ಯುಟಿಕಲ್ಗಳಲ್ಲಿ ಬಯೋಮೆಡಿಕಲ್ ಎಂಜಿನಿಯರ್ಗಳಿಗೆ ಉದ್ಯೋಗ ಸಿಗುತ್ತದೆ. ಸಂಶೋಧನೆ ಮತ್ತು
ಸರಕಾರಿ ಸಂಸ್ಥೆ, ವಿಶ್ವವಿದ್ಯಾಲಯಗಳಲ್ಲೂ ಸಾಕಷ್ಟು ಉದ್ಯೋಗಾವಕಾಶ ಇವರಿಗೆ ಇದೆ. ಎರಡು ಪ್ರಮುಖ
ವಿಷಯಗಳಾದ ಜೀವ ಶಾಸ್ತ್ರ ಮತ್ತು ಎಂಜಿನಿಯರಿಂಗ್ನ್ನು ಒಟ್ಟಾಗಿ ಕಲಿಯುವುದರಿಂದ ಇವರಿಗೆ ಬೇಡಿಕೆ
ಹೆಚ್ಚಿದೆ. ಮೆಡಿಕಲ್ ಪ್ರಾಕ್ಟೀಶನರ್, ಹೊಸ ವೈದ್ಯಕೀಯ ಉಪಕರಣಗಳ ಆವಿಷ್ಕಾರ, ಉತ್ಪಾದನಾ ಕಂಪನಿಗಳಿಗೆ
ಇನ್ಸ್ಟ್ರುಮೆಂಟೇಶನ್ ಆಗಿ ಕೂಡ ಕೆಲಸ ಮಾಡಬಹುದು.
ಉದ್ಯೋಗ ವಿವರ:
ನಾನಾ ಹುದ್ದೆಗಳನ್ನು ಬಯೋಮೆಡಿಕಲ್ ಎಂಜಿನಿಯರ್ಗಳು ಪಡೆಯಬಹುದು. ಮುಖ್ಯವಾಗಿ ಕ್ಲಿನಿಕಲ್ ಎಂಜಿನಿಯರ್ಗಳು,
ಬಯೋಮೆಟೀರಿಯಲ್ ಎಂಜಿನಿಯರ್, ರೀಸರ್ಚ್ ಸೈಂಟಿಸ್ಟ್, ಬಯೋಮೆಕ್ಯಾನಿಕ್ಸ್ ಎಂಜಿನಿಯರ್, ಬಯೋಇನ್ಸ್ಟ್ರುಮೆಂಟೇಶನ್
ಎಂಜಿನಿಯರ್, ಸೆಲ್ಯುಲರ್, ಟಿಶ್ಯೂ ಆಂಡ್ ಜೆನಟಿಕ್ ಎಂಜಿನಿಯರ್, ಆರ್ಥೋಪೆಡಿಕ್ ಬಯೋ ಎಂಜಿನಿಯರ್,
ಬೋಧನೆ, ಕ್ಲಾಸಿಕಲ್ ಮೆಕ್ಯಾನಿಕ್ಸ್, ಮೆಡಿಕಲ್ ಇಮೇಜಿಂಗ್ ಮೊದಲಾದ ಹುದ್ದೆಗಳು ಈ ವಿಭಾಗದಲ್ಲಿ
ಬರುತ್ತವೆ. ಸಾಮಾನ್ಯವಾಗಿ ಸರಕಾರಿ ಕ್ಷೇತ್ರದಲ್ಲಿ ಆರಂಭಿಕ ಹಂತದಲ್ಲಿ 20ರಿಂದ 25 ಸಾವಿರ ವೇತನ
ಮಾಸಿಕವಾಗಿ
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ