ವಿಷಯಕ್ಕೆ ಹೋಗಿ

ಗಾಂಜಾದ ಅದ್ಬುತ ಬಾಟಲ್ ಹೌಸ್ by ನಡೆ-ನುಡಿ – ಕೆ.ವಿ.ಶಶಿದರ.

ಗಾಂಜಾದ ಬಾಟಲ್ ಹೌಸ್ Bottle house
ಪ್ರವಾಸಿಗರನ್ನು ವಿಸ್ಮಯಗೊಳಿಸುವ ಅನೇಕ ಆಕರ‍್ಶಣೆಗಳನ್ನು ಅಜರ್ ಬೈಜಾನ್ ದೇಶ ತನ್ನ ಮಡಿಲಲ್ಲಿ ಹುದುಗಿಸಿಕೊಂಡಿದೆ. ಇಂತಹ ನೂರಾರು ವಿಸ್ಮಯಗಳಲ್ಲಿ ಅಜರ್ ಬೈಜಾನ್‍ನ ಗಾಂಜಾ ನಗರದಲ್ಲಿರುವ ಬಾಟಲ್ ಹೌಸ್ ಕೂಡ ಒಂದು. ಇದು ಪೂರ‍್ಣವಾಗಿ ಗಾಜಿನ ಬಾಟಲ್‍ಗಳಿಂದ ಕಟ್ಟಲಾದ ಕಟ್ಟಡ. ಇದರ ರೂವಾರಿ ಸ್ತಳೀಯ ವಾಸ್ತು ಶಿಲ್ಪಿ ಇಬ್ರಾಹಿಂ ಜಪರೋವ್.
ಸುಮಾರು 48,000 ಬಾಟಲ್‍ಗಳನ್ನು ಬಳಸಿ ಈ ಮನೆ ಕಟ್ಟಲಾಗಿದೆ
ಇಬ್ರಾಹಿಂ ಜಪರೋವ್ ಎರಡನೇ ಮಾಹಾಯುದ್ದದಲ್ಲಿ ಕಾಣೆಯಾದ ತನ್ನ ಕಿರಿಯ ಸಹೋದರ ಹಾಗೂ ಇತರರ ಸವಿನೆನಪಿಗಾಗಿ ಈ ಮನೆ ಕಟ್ಟಿರುವುದು ವಿಶೇಶ. ಈ ಮನೆ ಕಟ್ಟಲು ಆತ ಬಳಕೆ ಮಾಡಿಕೊಂಡಿದ್ದು ಒಟ್ಟಾರೆ 48,000 ಗಾಜಿನ ಬಾಟಲ್‍ಗಳನ್ನು. ವಿಶೇಶವಾದ ದ್ರಾವಣವೊಂದನ್ನು ಬಳಸಿ ಅಲ್ಲಾಡದಂತೆ ಬಾಟಲ್‍ಗಳನ್ನು ಒಂದರ ಮೇಲೊಂದು ಹಾಗೂ ಒಂದರ ಪಕ್ಕ ಒಂದು ಇಬ್ರಾಹಿಂ ಜೋಡಿಸಿದ. ಇಟ್ಟಿಗೆಯಂತೆ ಒಂದೇ ದಪ್ಪ ಮತ್ತು ಎತ್ತರದ ಗಾಜಿನ ಬಾಟಲ್‍ಗಳು ಸಿಗುವುದು ಕಶ್ಟ. ಆತನಿಗೆ ದೊರೆತ ವಿವಿದ ಸುತ್ತಳತೆ, ಉದ್ದ, ದಪ್ಪ ಹಾಗೂ ಬಣ್ಣದ ಬಾಟಲ್‍ಗಳನ್ನು, ಚಾಕಚಕ್ಯತೆಯಿಂದ ಮನೆ ಕಟ್ಟಲು ಬಳಸಿಕೊಂಡ. ಇದರ ಜೊತೆಗೆ ಒಡೆದ ಕನ್ನಡಿಯ ಚೂರು, ಗಾಜು, ಹರಳು, ಮೊಸಾಯಿಕ್ ತುಣುಕುಗಳು ಎಲ್ಲವನ್ನೂ ಆತ ಉಪಯೋಗಿಸಿಕೊಂಡ. ತನ್ನ ಕನಸಿನ ಮನೆ ಒಳ ಹೊಕ್ಕರೆ ಮೋಡಿಯಾಗುವಂತಹ ವಾತವರಣ ಸ್ರುಶ್ಟಿಯಾಗಬೇಕೆಂದು ಇಬ್ರಾಹಿಂ ಬಯಸಿದ್ದ.
ಬಾಟಲ್ ಹೌಸ್ Bottle house
ಮನೆಯ ಎದುರು ಬಾಗಿಲ ಮೇಲಿನ ಕಾಲಿ ಜಾಗವನ್ನು ತನ್ನೂರಿನ ಹೆಸರಿನಿಂದ ಅಲಂಕರಿಸಿದ್ದಾನೆ. ‘ಗಾಂಜಾ’ ಎಂಬ ಪದವನ್ನು ಅಲ್ಲಿ ಬರೆಯಲು ಆತ ಬಳಸಿದ್ದು ಬಾಟಲಿಗಳ ದಪ್ಪವಾದ ತಳಬಾಗವನ್ನು. ಮನೆಯ ಮೇಲ್ಚಾವಣಿಯಲ್ಲಿ ವಾಸ್ತು ಶಿಲ್ಪಿ ಇಬ್ರಾಹಿಂ, ತಾನು ರಚಿಸಿರುವ ಕ್ರುತಿಗಳ ಬಾವಚಿತ್ರಗಳನ್ನು ಅನಾವರಣಗೊಳಿಸಿದ್ದಾನೆ. ಇದರ ಮೂಲಕ ಇಬ್ರಾಹಿಂ 1945ರ ನಂತರದ ಹಾಗೂ ಮಾಸ್ಕೋ ಒಲಂಪಿಕ್ ನಡೆದ 1980ರ ಅವದಿಯವರಗೆ ದೇಶದ ಚರಿತ್ರೆ ಮತ್ತು ತನ್ನ ಕುಟುಂಬದ ಯಶೋಗಾತೆಯನ್ನು ಚಿತ್ರಿಸಿದ್ದಾನೆ. ತನಗೆ ಸಿಕ್ಕ ಎಲ್ಲಾ ವಸ್ತುಗಳನ್ನು ಅತ್ಯಂತ ಎಚ್ಚರಿಕೆಯಿಂದ ಹಾಗೂ ಜಾಣ್ಮೆಯಿಂದ ಉಪಯೋಗಿಸಿ ಅದ್ಬುತವಾದ ಕತೆಯನ್ನು ಹೇಳಿದ್ದಾನೆ. ಕಟ್ಟಡದ ಪ್ರತಿ ಇಂಚನ್ನೂ ಸಹ ಆತ ಸದ್ಬಳಕೆ ಮಾಡಿಕೊಂಡಿದ್ದಾನೆ.
ಇಂತಹ ಅದ್ಬುತ ಮನೆಯನ್ನು ಕಟ್ಟಲು ತೆಗೆದುಕೊಂಡ ಹೊತ್ತು ಕೇವಲ ಒಂದು ವರುಶ
ಇಬ್ರಾಹಿಂ ಇಪ್ಪತ್ತು ವರುಶಗಳ ಕಾಲ ಇಂತಹದೊಂದು ಮನೆ ಕಟ್ಟುವ ಯೋಜನೆಯನ್ನು ತನ್ನ ಮನಸಿನಲ್ಲೇ ಉಳಿಸಿಕೊಂಡಿದ್ದ. ಕಿರಿಯ ಸಹೋದರನ ನೆನಪಿಗಾಗಿ ಇದು ಕಾರ‍್ಯರೂಪಕ್ಕೆ ಬಂತು. ಈ ಬಾಟಲ್ ಹೌಸ್ ಕಟ್ಟುವ ಕೆಲಸ 1966ರಲ್ಲಿ ಆರಂಬವಾಗಿ 1967ರಲ್ಲಿ ಮುಗಿಯಿತು. ಇಂತಹದೊಂದು ಮನೆ ಕಟ್ಟುವುದರಿಂದ ಪ್ರಸಿದ್ದಿ ಪಡೆಯಬೇಕೆಂಬ ಹೆಬ್ಬಯಕೆಯೇನು ಆತನಿಗೆ ಇರಲಿಲ್ಲ. ಅತ ಬಯಸಿದ್ದು ಮನೆ ನೋಡಲು ವಿಶೇಶವಾಗಿ ಮತ್ತು ವಾಸಿಸಲು ಹಿತಕರವಾಗಿ ಸುಕಕರವಾಗಿ ಇರಬೇಕೆಂದು ಮಾತ್ರ.
ಮನೆ ಕಟ್ಟಲು ಉಪಯೋಗಿಸಿದ್ದ ಬಣ್ಣದ ಬಾಟಲ್‍ಗಳ ಮೇಲೆ ಸೂರ‍್ಯಕಿರಣಗಳು ಬಿದ್ದಾಗ ಪ್ರತಿಪಲಿಸುವುದು ನಿಸರ‍್ಗದತ್ತ ಗುಣ. ಇಲ್ಲಿ ಬಳಸಿರುವ ವಿವಿದ ಬಣ್ಣದ ಗಾಜಿನಿಂದ ಹೊರಹೊಮ್ಮುವ ಬಣ್ಣಗಳ ಮಿಳಿತವೇ ಅತ್ಯಂತ ಮನಮೋಹಕ ದ್ರುಶ್ಯ. ಈ ಸ್ರುಶ್ಟಿಯೇ ಕಣ್ಣಿಗೆ ಹಬ್ಬ. ಇದೇ ಮನೆಯ ಪ್ರಮುಕ ಆಕರ‍್ಶಣೆ. ಇದು ನೋಡುಗರನ್ನು ಮಂತ್ರ ಮುಗ್ದರನ್ನಾಗಿಸುವುದಲ್ಲದೆ ಮನಸ್ಸನ್ನು ಸಹ ಸೋರೆಗೊಳ್ಳುತ್ತದೆ.
ಗಾಂಜಾದ ಬಾಟಲ್ ಹೌಸ್ ಪೂರ‍್ಣ ಕಾಸಗಿ ಸ್ವತ್ತು. ಹಾಗಾಗಿ ಇದಕ್ಕೆ ಸಂದರ‍್ಶನ ಸಮಯವನ್ನೂ, ಶುಲ್ಕವನ್ನೂ ಅವರುಗಳು ನಿಗದಿಪಡಿಸಿಲ್ಲ.

ಕಾಮೆಂಟ್‌ಗಳು

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

**ಜ್ಞಾನ ಕಾರಂಜಿ**::: ಜುಲೈ 1ರಿಂದ ಬೆಂಗಳೂರು ವಿಜ್ಞಾನೋತ್ಸವ

41 ವರ್ಷಗಳಿಂದ ಒಮ್ಮೆಯೂ ತಪ್ಪದಂತೆ, ವ್ರತದಂತೆ ನಡೆದುಕೊಂಡು ಬಂದಿರುವ ಬೆಂಗಳೂರು ವಿಜ್ಞಾನೋತ್ಸವ ಜುಲೈ ಒಂದರಿಂದ ಆಗಸ್ಟ್ 2ರವರೆಗೂ ನಡೆಯಲಿದೆ. ಭಾರತೀಯ ಕ್ಷಿಪಣಿ ಕ್ಷೇತ್ರದಲ್ಲಿ ಮಿಸೈಲ್ ವುಮನ್ (ಅಗ್ನಿ ಕನ್ಯೆ!) ಎಂದೇ ಖ್ಯಾತರಾಗಿರುವ ಡಾ.ಟೆಸ್ಸಿ ಥಾಮಸ್ ‘ಬಾಹ್ಯಾಕಾಶ ತಂತ್ರಜ್ಞಾನದ ಪ್ರಗತಿ’ ಕುರಿತು ಉಪನ್ಯಾಸ ನೀಡಲಿರುವುದು ಉತ್ಸವದ ವಿಶೇಷಗಳಲ್ಲಿ ಒಂದು. ಕೇರಳದ ತುಂಬಾ ಉಡಾವಣಾ ಕೇಂದ್ರದ ಸಮೀಪದಲ್ಲೇ ಹುಟ್ಟಿ ರಾಕೆಟ್ ಉಡಾವಣೆಯನ್ನು ನೋಡನೋಡುತ್ತ, ಒಂದಲ್ಲ ಒಂದು ದಿವಸ ಅಲ್ಲೇ ಉದ್ಯೋಗಿಯಾಗುವ ಕನಸು ಕಾಣುತ್ತ ಭವಿಷ್ಯದಲ್ಲಿ ನನಸಾಗಿಸಿಕೊಂಡ ಹಿರಿಮೆ ಹೆಮ್ಮೆ ಟೆಸ್ಸಿಯವರದು. ‘ಅಗ್ನಿ-4’ ಕ್ಷಿಪಣಿ ಯೋಜನಾ ನಿರ್ದೇಶಕರಾಗಿ ಕಾರ್ಯ ನಿರ್ವಹಿಸಿ ಸಾಮರ್ಥ್ಯ ಮೆರೆದ ಟೆಸ್ಸಿ ಬಾಹ್ಯಾಕಾಶ ಕ್ಷೇತ್ರದಲ್ಲಿ ಅಗ್ನಿ ಕನ್ಯೆ ಎಂದೇ ಹೆಸರಾದವರು. ಇವರ ಸಾಮರ್ಥ್ಯ ಬೆಳಕಿಗೆ ಕಾರಣರಾದವರು ಎ.ಪಿ.ಜೆ. ಅಬ್ದುಲ್ ಕಲಾಂ! ಜುಲೈ 21ರಂದು ಟೆಸ್ಸಿ ಉಪನ್ಯಾಸ ನೀಡಲಿದ್ದಾರೆ. ವಿಜ್ಞಾನೋತ್ಸವಕ್ಕೆ ವೇದಿಕೆ ಕಲ್ಪಿಸಿರುವ ನ್ಯಾಷನಲ್ ಎಜುಕೇಷನ್ ಸೊಸೈಟಿಗೀಗ 100ರ ಸಂಭ್ರಮ, ಅದೇ ರೀತಿ ಡಾ.ಎಚ್. ನರಸಿಂಹಯ್ಯನವರ ಜನ್ಮ ಶತಾಬ್ದಿಯನ್ನೂ ಈ ಶಿಕ್ಷಣ ಸಂಸ್ಥೆ ಈಗಾಗಲೇ ಆರಂಭಿಸಿದೆ. ಹಾಗಾಗಿ ಈ ಸಲದ ವಿಜ್ಞಾನೋತ್ಸವ ಹೆಚ್ಚು ಮಹತ್ವ ಪಡೆದುಕೊಂಡಿದೆ ಎನ್ನುವುದು ನ್ಯಾಷನಲ್ ಎಜುಕೇಷನ್ ಸೊಸೈಟಿಯ ಹಾಲಿ ಅಧ್ಯಕ್ಷ ಡಾ. ಎ.ಎಚ್.ರಾಮರಾವ್ ಅನಿಸಿಕೆ. ಉದ್ಘಾಟನಾ ಉಪನ್ಯಾಸದ ವಸ್ತು ...

**ಜ್ಞಾನ ಕಾರಂಜಿ**::: ಬೇನಾಮಿ ಆಸ್ತಿ ಪ್ರಕರಣ ವಿಲೇವಾರಿಗೆ ನ್ಯಾಯಾಧಿಕರಣ,

ಬೇನಾಮಿ ಆಸ್ತಿ ವ್ಯವಹಾರಗಳ ಪ್ರಕರಣಗಳ ತ್ವರಿತ ವಿಲೇವಾರಿಗೆ ಪ್ರತ್ಯೇಕ ಪ್ರಾಧಿಕಾರ ಹಾಗೂ ಮೇಲ್ಮನವಿ ನ್ಯಾಯಾಧಿಕರಣ ರಚನೆಗೆ ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಬುಧವಾರ ನಡೆದ ಕೇಂದ್ರ ಸಚಿವ ಸಂಪುಟ ಸಭೆಯಲ್ಲಿ ಇವೆರಡು ಸಂಸ್ಥೆಗಳ ರಚನೆಗೆ ಅನುಮೋದನೆ ನೀಡಲಾಗಿದೆ. ಈಗಾಗಲೇ ದೇಶಾದ್ಯಂತ 34 ವಿಶೇಷ ನ್ಯಾಯಾಲಯಗಳನ್ನು ಆರಂಭಿಸಲಾಗಿದ್ದು, ನೂತನವಾಗಿ ರಚನೆಯಾಗಿರುವ ಸಂಸ್ಥೆಗಳು ಇದಕ್ಕೆ ಪೂರಕವಾಗಿರಲಿವೆ. ಪ್ರಾಧಿಕಾರವು ಕೋಲ್ಕತ, ಮುಂಬೈ ಹಾಗೂ ಚೆನ್ನೈನಲ್ಲಿದ್ದರೆ, ನ್ಯಾಯಾಧಿಕರಣವು ದೆಹಲಿಯಲ್ಲಿರಲಿದೆ. 1988ರಲ್ಲೇ ಬೇನಾಮಿ ವ್ಯವಹಾರಗಳ ನಿಯಂತ್ರಣ ಕಾಯ್ದೆ ರಚನೆಯಾಗಿತ್ತು. ಆದರೆ, ಸೂಕ್ತ ನಿಯಮ ಅಥವಾ ಸಂಸ್ಥೆಗಳನ್ನು ನಂತರ ಅಧಿಕಾರಕ್ಕೆ ಬಂದ ಸರ್ಕಾರಗಳು ರಚಿಸಿರಲಿಲ್ಲ. ಆಶಾ ಕಾರ್ಯಕರ್ತೆಯರಿಗೆ ಉಡುಗೊರೆ: ಅಂಗನವಾಡಿ ಕಾರ್ಯಕರ್ತೆಯರ ಗೌರವಧನ ಏರಿಸಿದ ಬೆನ್ನಲ್ಲೇ ಆಶಾ ಕಾರ್ಯಕರ್ತೆಯರು ಫಲಾನುಭವಿಗಳನ್ನು ಭೇಟಿ ಮಾಡುತ್ತಿದ್ದಕ್ಕೆ ನೀಡುತ್ತಿದ್ದ ಗೌರವಧನದಲ್ಲಿ -ಠಿ; 50 ಏರಿಕೆ ಮಾಡಲಾಗಿದೆ. ಪ್ರಸ್ತುತ ಪ್ರತಿ ಭೇಟಿಗೆ -ಠಿ; 250 ಇದ್ದು, ಇನ್ಮುಂದೆ 300 ದೊರೆಯಲಿದೆ. ಪ್ರತಿ ಆಶಾ ಕಾರ್ಯಕರ್ತೆಯರಿಗೆ ಮಾಸಿಕವಾಗಿ 20 ಭೇಟಿ ಇರಲಿದ್ದು, ಇದರಿಂದ -ಠಿ; 1 ಸಾವಿರ ಹೆಚ್ಚುವರಿ ಗೌರವ ಧನ ದೊರೆಯಲಿದೆ. ಐಐಎಸ್​ಎಸ್ ಸ್ಥಾಪನೆ: ದೇಶದ ವಿವಿಧೆಡೆ ಇಂಡಿಯನ್ ಇನ್​ಸ್ಟಿ ಟ್ಯೂಟ್ ಆಫ್ ಸ್ಕಿಲ್ಸ್ (ಐಐಎಸ್​ಎಸ್) ಆರಂಭಿಸಲು ಕೇಂದ್ರ ಸರ್ಕಾರ ಸಮ್ಮತಿಸಿ...

**ಜ್ಞಾನ ಕಾರಂಜಿ**::: ಕೇಂದ್ರದಿಂದ ಶೀಘ್ರ 3 ಹೊಸ ಕೃಷಿ ಯೋಜನೆ

ನವದೆಹಲಿ: ಖಾರಿಫ್ ಬೆಳೆಗಳಿಗೆ ಕನಿಷ್ಠ ಬೆಂಬಲ ಬೆಲೆ ಹೆಚ್ಚಿಸಿದ ಬೆನ್ನಿಗೆ ಕೇಂದ್ರ ಸರ್ಕಾರ ರೈತರಿಗೆ ನೆರವಾಗುವ ಮತ್ತಷ್ಟು ನೂತನ ನೀತಿಗಳನ್ನು ಘೋಷಿಸಲಿದೆ ಎಂದು ಮೂಲಗಳು ತಿಳಿಸಿವೆ. ಮಧ್ಯವರ್ತಿಗಳ ಹಾವಳಿಯನ್ನು ಸಂಪೂರ್ಣ ತೆಗೆದುಹಾಕುವ ಮೂರು ಹೊಸ ಸಂಗ್ರಹಣೆ ಯೋಜನೆಗಳನ್ನು ಸರ್ಕಾರ ಶೀಘ್ರವೇ ಜಾರಿಗೆ ತರಲಿದೆ ಎನ್ನಲಾಗಿದೆ. ದರ ಕೊರತೆ ಯೋಜನೆ : ಸರ್ಕಾರಿ ಮಂಡಿಗಳಲ್ಲಿ ಬೆಳೆಗಳ ಮಾರುಕಟ್ಟೆ ದರ, ಕನಿಷ್ಠ ಬೆಂಬಲ ಬೆಲೆಗಿಂತ ಹೆಚ್ಚಿದ್ದರೆ ಸರ್ಕಾರದ ಕಡೆಯಿಂದ ರೈತರಿಗೆ ಪರಿಹಾರ ವಿತರಣೆ. ಮಾರುಕಟ್ಟೆ ಖಾತ್ರಿ ಯೋಜನೆ: ಕೇಂದ್ರದ ಅನುಮತಿ ರಹಿತವಾಗಿ ನಿರ್ದಿಷ್ಟ ಬೆಳೆಗಳನ್ನು ನೇರವಾಗಿ ಖರೀದಿಸಲು ರಾಜ್ಯ ಸರ್ಕಾರಗಳಿಗೆ ಅಧಿಕಾರ. ಆಯಾ ರಾಜ್ಯಗಳಲ್ಲಿನ ಬೆಳೆಗಳ ಬೇಡಿಕೆಗೆ ತಕ್ಕಂತೆ ಖರೀದಿ ಪ್ರಮಾಣ ನಿಗದಿಪಡಿಸಲು ಸ್ವಾತಂತ್ರ್ಯ. ಖಾಸಗಿ ಸಂಗ್ರಹಣೆ ಯೋಜನೆ: ಖಾಸಗಿ ಖರೀದಿದಾರರಿಗೆ ಕನಿಷ್ಠ ಬೆಂಬಲ ಬೆಲೆಗೆ ಬೆಳೆಗಳನ್ನು ನೇರವಾಗಿ ರೈತರಿಂದ ಖರೀದಿಸಲು ಸರ್ಕಾರದಿಂದ ಪ್ರೋತ್ಸಾಹ.