ವಿಷಯಕ್ಕೆ ಹೋಗಿ

gnanakaranji vishesha from honala

ಎರಡು ಸಾವಿರ ವರ‍್ಶಗಳ ಹಿಂದೆ ಇಸ್ರೇಲ್ ದೇಶದ ಬೇತ್ಲೆಹೆಂ ಎಂಬಲ್ಲಿ ಜನಿಸಿದ ಯೇಸುಕ್ರಿಸ್ತ, ತನ್ನ ಕ್ರಾಂತಿಕಾರಿ ಬೋದನೆಗಳಿಂದ ಅಲ್ಲಿನ ದರ‍್ಮಶಾಸ್ತ್ರಿಗಳ ಹಾಗು ಪುರೋಹಿತಶಾಹಿ ವರ‍್ಗದವರ ದ್ವೇಶ ಕಟ್ಟಿಕೊಂಡು ಮರಣದಂಡನೆಗೆ ಗುರಿಯಾದ. ಕ್ರಿಸ್ತನ ಮರಣ ಮತ್ತು ಪುನರುತ್ತಾನವನ್ನು ಕ್ರೈಸ್ತರು ಏಳುದಿನಗಳ ಕಾಲ ಆತನನ್ನು ನೆನೆಸಿಕೊಳ್ಳುತ್ತಾ ಆಚರಿಸುತ್ತಾರೆ. ಗರಿಗಳ ಬಾನುವಾರದಿಂದ ಹಿಡಿದು ಸಬ್ಬತ್ ಶನಿವಾರದವರೆಗಿನ ಈ ಏಳು ದಿನಗಳು ಕ್ರೈಸ್ತರಿಗೆ ಅತ್ಯಂತ ಪ್ರಮುಕ ಹಾಗು ಪವಿತ್ರ ದಿನಗಳಾಗಿವೆ. ಎರಡು ಸಾವಿರ ವರ‍್ಶಗಳ ಹಿಂದೆ ಕ್ರಿಸ್ತನ ಬದುಕಿನಲ್ಲಿ ನಡೆದ, ಅದರಲ್ಲೂ ವಿಶೇಶವಾಗಿ ಆತನ ಜೀವನದ ಕೊನೆಯ ಏಳುದಿನಗಳಲ್ಲಿ ನಡೆದ ಆ ಗಟನೆಗಳನ್ನು ಮೆಲುಕು ಹಾಕುವುದೇ ಈ ಪವಿತ್ರ ವಾರದ ಆಚರಣೆ. ಈ ಪವಿತ್ರ ವಾರ ಮುಗಿದ ಮರುದಿನ ಅಂದರೆ ಬಾನುವಾರವೇ ಈಸ್ಟರ್.
************************************************
ಈ ಏಳು ದಿನಗಳು ಅತವ ಸಪ್ತಾಹವೆಂದರೆ...
ಕ್ರೈಸ್ತರ ಪವಿತ್ರವಾರ ಪ್ರಾರಂಬವಾಗುವುದು 'ಗರಿಗಳ ಬಾನುವಾರ'ದಿಂದ. ಏಸು ಕ್ರಿಸ್ತರ ಜೆರುಸಲೇಂ ಪ್ರವೇಶವನ್ನು ಜೆರುಸಲೇಮಿನ ಜನರು ವಿಜಯೋತ್ಸವವೆಂದು ಆಚರಿಸಿದ ಈ ಸಂದರ‍್ಬವೇ ಗರಿಗಳ ಬಾನುವಾರ. ಯೇಸುಕ್ರಿಸ್ತನಲ್ಲಿ ಒಬ್ಬ ನಾಯಕನನ್ನು ಕಂಡ ಜೆರುಸಲೇಮಿನ ಜನರು, ಈ ವಿಜಯೋತ್ಸವದ ಅಂಗವಾಗಿ ಗರಿಗಳನ್ನು ಹಿಡಿದು ಕ್ರಿಸ್ತ ಬರುವ ದಾರಿಯಲ್ಲಿ ಬಟ್ಟೆಗಳನ್ನು ಹಾಸಿ, ಒಡ್ಡೋಲಗದೊಂದಿಗೆ ಮೆರವಣಿಗೆಯಲ್ಲಿ ಆತನನ್ನು ಕರೆತಂದದ್ದನ್ನು ಸಾಂಕೇತಿಕವಾಗಿ ಇಂದಿಗೂ ಚರ‍್ಚುಗಳಲ್ಲಿ ಆಚರಿಸಲಾಗುತ್ತದೆ. ಮೆರವಣಿಗೆಗೆ ಯೇಸುಕ್ರಿಸ್ತ ಕುದುರೆಯೋ ಅತವ ಆನೆಯನ್ನೋ ಆರಿಸಿಕೊಳ್ಳಲಿಲ್ಲ. ಬದಲಿಗೆ ಆತ ಆರಿಸಿಕೊಂಡಿದ್ದು ಒಂದು ಹೇಸರಗತ್ತೆಯನ್ನು. ಇದು ಸಮಾಜದಲ್ಲಿ ಕಡೆಗಣಿಸಲ್ಪಟ್ಟವರನ್ನು ಮುಕ್ಯವಾಹಿನಿಗೆ ತರಬೇಕು ಎನ್ನುವ ಮತ್ತು ತನ್ನನ್ನು ರಾಜಕೀಯ ನಾಯಕನೆಂದು ಪರಿಬಾವಿಸಿದ್ದ ಜನರಿಗೆ ತಾನು ಶಾಂತಿ ಸ್ತಾಪಿಸ ಬಂದ ದೇವಪುತ್ರ ಎಂಬ ಸಂದೇಶದ ಸೂಚಕವೆಂದು ನಂಬಲಾಗುತ್ತದೆ.
************************************************
ಯೇಸು ಜೆರುಸಲೇಮಿನ ಮಹಾದೇವಾಲಯಕ್ಕೆ ಬಂದಾಗ ದಂದೆಕೋರರು ಮಹಾದೇವಾಲಯವನ್ನು ಮಾರುಕಟ್ಟೆಯನ್ನಾಗಿಯೂ, ಕಳ್ಳಕಾಕರ ಗುಹೆಯನ್ನಾಗಿಯೂ ಮಾಡಿದ್ದರು. ಯೇಸುಕ್ರಿಸ್ತ ಅಲ್ಲಿಂದ ಅವರೆಲ್ಲರನ್ನು ಓಡಿಸಿ, ದೇವಾಲಯವನ್ನು ಚೊಕ್ಕಗೊಳಿಸುತ್ತಾನೆ. ತದನಂತರ ದೀನದಲಿತರ, ಕುಶ್ಟರೋಗಿಗಳ ಜೊತೆ ಬೋಜನ ಮಾಡುವ ಕ್ರಿಸ್ತ ಸಮಾನತೆಯ ಸಂದೇಶ ಸಾರುತ್ತಾನೆ. ಪಾಪಿ ಹೆಣ್ಣೊಬ್ಬಳು ಯೇಸುಕ್ರಿಸ್ತನ ಪಾದಗಳನ್ನು ಸುಗಂದ ತೈಲ ಹಚ್ಚಿ, ತನ್ನ ಕಣ್ಣೀರಿನಿಂದ ತೊಳೆಯುತ್ತಾಳೆ. ಇದನ್ನು ಕಂಡ ಪುರೋಹಿತಶಾಹಿ ಪರಿಸಾಯರು ಕುಹಕವಾಡಿದಾಗ, ಕ್ರಿಸ್ತ ಅದನ್ನು ಕಂಡಿಸಿ, ಶುದ್ದ ಮನಸ್ಸಿನಿಂದ ಮಾಡಿದ ಕಾರ‍್ಯಗಳೆಲ್ಲವೂ ಶ್ರೇಶ್ಟವಾದುದೆಂದು ಹೇಳುತ್ತಾನೆ.
************************************************
ಪವಿತ್ರ ಗುರುವಾರದಂದು ಕ್ರಿಸ್ತ ತನ್ನ ಕಟ್ಟಕಡೆಯ ಬೋಜನವನ್ನು [ದಿ ಲಾಸ್ಟ್ ಸಪ್ಪರ್] ತನ್ನ ಶಿಶ್ಯರೊಂದಿಗೆ ಮಾಡುತ್ತಾನೆ. ತನ್ನ ದೇಹ ಮತ್ತು ರಕ್ತವನ್ನು ಸಾಂಕೇತಿಕವಾಗಿ ನೀಡುವ ಈ ಸಂಸ್ಕಾರವೇ, ಇಂದಿಗೂ ಪ್ರತಿದಿನ ಕ್ರೈಸ್ತರು ಬಾಗವಹಿಸುವ ಪೂಜೆಗಳಲ್ಲಿ ಆತನ ಸ್ಮರಣೆಯಂತೆ ನೆರವೇರಿಸಲಾಗುತ್ತದೆ. ಇದಲ್ಲದೆ ಇದೇ ದಿನದಂದು ಯೇಸುಕ್ರಿಸ್ತ ತನ್ನ ಶಿಶ್ಯರ ಪಾದಗಳನ್ನು ತೊಳೆದು ಇಡೀ ಮನುಕುಲಕ್ಕೆ ಸೋದರತ್ವದ ಶ್ರೇಶ್ಟ ಮೌಲ್ಯಗಳನ್ನು ಹೇಳಿಕೊಡುತ್ತಾನೆ. ಕ್ರಿಸ್ತ ಅಂದು ಪ್ರಾರಂಬಿಸಿದ ಈ ಆಚರಣೆ ಇಂದಿಗೂ ಕ್ರೈಸ್ತರು ತಮ್ಮ ಮನೆಗಳಲ್ಲಿ ಚಿಕ್ಕಮಕ್ಕಳ ಪಾದ ತೊಳೆಯುವುದರಲ್ಲಿಯೂ ಮತ್ತು ಚರ‍್ಚಿನಲ್ಲಿ ಗುರುಗಳು ಊರಿನ ಹನ್ನೆರಡು ಮಂದಿ ಹಿರಿಯರ ಪಾದಗಳನ್ನು ತೊಳೆಯುವುದರಲ್ಲಿಯೂ ಪ್ರಸ್ತುತವಾಗಿದೆ.
************************************************
ಇನ್ನು ಪವಿತ್ರ ಶುಕ್ರವಾರ ಅತವ ಶುಬ ಶುಕ್ರವಾರ(Good Friday) ಯೇಸುಕ್ರಿಸ್ತ ಶಿಲುಬೆಯ ಮೇಲೆ ಪ್ರಾಣತ್ಯಾಗ ಮಾಡಿದ ದಿನ. ಯೇಸು ಮರಣ ಹೊಂದಿದ ಈ ಶುಕ್ರವಾರವನ್ನು "ಶುಬ" ಶುಕ್ರವಾರವೆನ್ನುವುದು ವಿಚಿತ್ರವಾಗಿ ಕಂಡರೂ ಕ್ರೈಸ್ತರಿಗೆ ಅಂದು ಶುಬವೇ. ಕಾರಣ ಕ್ರಿಸ್ತ ಮನುಕುಲದ ಪಾಪ ಪರಿಹಾರಕ್ಕಾಗಿ ಪ್ರಾಣತ್ಯಾಗ ಮಾಡಿದ ದಿನ. ಅವಮಾನ, ಅಪಮಾನಗಳ ಸಂಕೇತವಾಗಿದ್ದ ಶಿಲುಬೆ, ಕ್ರೈಸ್ತರಿಗೆ ರಕ್ಶಣೆಯ ಸಂಕೇತವಾಯಿತೆಂದು ನಂಬುತ್ತಾರೆ. ಶುಬ ಶುಕ್ರವಾರದಂದು ಯಾವುದೇ ಚರ‍್ಚಿನ ಗಂಟೆ ಮೊಳಗುವುದಿಲ್ಲ, ಮೊಂಬತ್ತಿ ಉರಿಯುವುದಿಲ್ಲ, ಅಲಂಕಾರಗಳಂತೂ ಇಲ್ಲವೇ ಇಲ್ಲ. ಎಲ್ಲೆಲ್ಲಿಯೂ ನೀರವ ಮೌನ ಕವಿದಿರುತ್ತದೆ.
************************************************
ಯೇಸುಕ್ರಿಸ್ತ ಮರಣ ಹೊಂದಿದ ನಂತರದ ಮೂರನೇ ದಿನವೇ ಈಸ್ಟರ್. ಕ್ರಿಸ್ತ ಸಾವಿನಿಂದ ಎದ್ದು, ಪುನರುತ್ತಾನ ಹೊಂದಿ, ಮರಣವನ್ನೇ ಜಯಿಸಿದರು ಎಂದು ಕ್ರೈಸ್ತರು ವಿಶ್ವಾಸಿಸುತ್ತಾರೆ. ಇದು ಕ್ರೈಸ್ತರ ಅತಿದೊಡ್ಡ ಹಬ್ಬ. ನಲ್ವತ್ತು ದಿನಗಳು ಅಂದರೆ ವಿಬೂತಿ ಬುದವಾರದಿಂದ ಹಿಡಿದು ಪವಿತ್ರ ಶನಿವಾರದವರೆಗೂ ಉಪವಾಸ ಮತ್ತು ಮಾಂಸ ಸೇವಿಸದ ದಿನಗಳನ್ನು ಆಚರಿಸಿದ ಕ್ರೈಸ್ತರಿಗೆ ಇಂದು ಯೇಸುಕ್ರಿಸ್ತನ ಪುನರುತ್ತಾನದ ಸಂಬ್ರಮ ಸಡಗರ. ಈ ಈಸ್ಟರ್ ಹಬ್ಬದಲ್ಲಿ ಹೊಸ ಉಡುಪುಗಳನ್ನು ತೊಟ್ಟು, ಬಗೆ ಬಗೆಯಾದ ಬಾಡೂಟವನ್ನು ಮಾಡಿ, ನೆಂಟರಿಶ್ಟರಿಗೆ ಬಡಿಸಿ, ತಾವೂ ಸವಿಯುವ ಕ್ರೈಸ್ತರಿಗೆ ಅಂದು ಎಲ್ಲಿಲ್ಲದ ಸಂಬ್ರಮ.
ಈಸ್ಟರ್ ಹಬ್ಬ ಇದಶ್ಟೇ ಅಲ್ಲದೆ ಯೇಸುಕ್ರಿಸ್ತ ಮರಣವನ್ನು ಜಯಿಸಿದಂತೆ, ಕ್ರೈಸ್ತರೂ ಕೂಡ ಸೈತಾನನ ಶೋದನೆಗಳನ್ನು ಮೆಟ್ಟಿನಿಂತು, ಒಳ್ಳೆಯ ನಡತೆ ಹೊಂದಬೇಕೆಂದು ಪ್ರತಿಯೊಬ್ಬ ಕ್ರೈಸ್ತನಿಗೂ ಕರೆ ನೀಡುವ ಹಬ್ಬವಾಗಿದೆ.

ಕಾಮೆಂಟ್‌ಗಳು

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

**ಜ್ಞಾನ ಕಾರಂಜಿ**::: ಜುಲೈ 1ರಿಂದ ಬೆಂಗಳೂರು ವಿಜ್ಞಾನೋತ್ಸವ

41 ವರ್ಷಗಳಿಂದ ಒಮ್ಮೆಯೂ ತಪ್ಪದಂತೆ, ವ್ರತದಂತೆ ನಡೆದುಕೊಂಡು ಬಂದಿರುವ ಬೆಂಗಳೂರು ವಿಜ್ಞಾನೋತ್ಸವ ಜುಲೈ ಒಂದರಿಂದ ಆಗಸ್ಟ್ 2ರವರೆಗೂ ನಡೆಯಲಿದೆ. ಭಾರತೀಯ ಕ್ಷಿಪಣಿ ಕ್ಷೇತ್ರದಲ್ಲಿ ಮಿಸೈಲ್ ವುಮನ್ (ಅಗ್ನಿ ಕನ್ಯೆ!) ಎಂದೇ ಖ್ಯಾತರಾಗಿರುವ ಡಾ.ಟೆಸ್ಸಿ ಥಾಮಸ್ ‘ಬಾಹ್ಯಾಕಾಶ ತಂತ್ರಜ್ಞಾನದ ಪ್ರಗತಿ’ ಕುರಿತು ಉಪನ್ಯಾಸ ನೀಡಲಿರುವುದು ಉತ್ಸವದ ವಿಶೇಷಗಳಲ್ಲಿ ಒಂದು. ಕೇರಳದ ತುಂಬಾ ಉಡಾವಣಾ ಕೇಂದ್ರದ ಸಮೀಪದಲ್ಲೇ ಹುಟ್ಟಿ ರಾಕೆಟ್ ಉಡಾವಣೆಯನ್ನು ನೋಡನೋಡುತ್ತ, ಒಂದಲ್ಲ ಒಂದು ದಿವಸ ಅಲ್ಲೇ ಉದ್ಯೋಗಿಯಾಗುವ ಕನಸು ಕಾಣುತ್ತ ಭವಿಷ್ಯದಲ್ಲಿ ನನಸಾಗಿಸಿಕೊಂಡ ಹಿರಿಮೆ ಹೆಮ್ಮೆ ಟೆಸ್ಸಿಯವರದು. ‘ಅಗ್ನಿ-4’ ಕ್ಷಿಪಣಿ ಯೋಜನಾ ನಿರ್ದೇಶಕರಾಗಿ ಕಾರ್ಯ ನಿರ್ವಹಿಸಿ ಸಾಮರ್ಥ್ಯ ಮೆರೆದ ಟೆಸ್ಸಿ ಬಾಹ್ಯಾಕಾಶ ಕ್ಷೇತ್ರದಲ್ಲಿ ಅಗ್ನಿ ಕನ್ಯೆ ಎಂದೇ ಹೆಸರಾದವರು. ಇವರ ಸಾಮರ್ಥ್ಯ ಬೆಳಕಿಗೆ ಕಾರಣರಾದವರು ಎ.ಪಿ.ಜೆ. ಅಬ್ದುಲ್ ಕಲಾಂ! ಜುಲೈ 21ರಂದು ಟೆಸ್ಸಿ ಉಪನ್ಯಾಸ ನೀಡಲಿದ್ದಾರೆ. ವಿಜ್ಞಾನೋತ್ಸವಕ್ಕೆ ವೇದಿಕೆ ಕಲ್ಪಿಸಿರುವ ನ್ಯಾಷನಲ್ ಎಜುಕೇಷನ್ ಸೊಸೈಟಿಗೀಗ 100ರ ಸಂಭ್ರಮ, ಅದೇ ರೀತಿ ಡಾ.ಎಚ್. ನರಸಿಂಹಯ್ಯನವರ ಜನ್ಮ ಶತಾಬ್ದಿಯನ್ನೂ ಈ ಶಿಕ್ಷಣ ಸಂಸ್ಥೆ ಈಗಾಗಲೇ ಆರಂಭಿಸಿದೆ. ಹಾಗಾಗಿ ಈ ಸಲದ ವಿಜ್ಞಾನೋತ್ಸವ ಹೆಚ್ಚು ಮಹತ್ವ ಪಡೆದುಕೊಂಡಿದೆ ಎನ್ನುವುದು ನ್ಯಾಷನಲ್ ಎಜುಕೇಷನ್ ಸೊಸೈಟಿಯ ಹಾಲಿ ಅಧ್ಯಕ್ಷ ಡಾ. ಎ.ಎಚ್.ರಾಮರಾವ್ ಅನಿಸಿಕೆ. ಉದ್ಘಾಟನಾ ಉಪನ್ಯಾಸದ ವಸ್ತು ...

**ಜ್ಞಾನ ಕಾರಂಜಿ**::: ಬೇನಾಮಿ ಆಸ್ತಿ ಪ್ರಕರಣ ವಿಲೇವಾರಿಗೆ ನ್ಯಾಯಾಧಿಕರಣ,

ಬೇನಾಮಿ ಆಸ್ತಿ ವ್ಯವಹಾರಗಳ ಪ್ರಕರಣಗಳ ತ್ವರಿತ ವಿಲೇವಾರಿಗೆ ಪ್ರತ್ಯೇಕ ಪ್ರಾಧಿಕಾರ ಹಾಗೂ ಮೇಲ್ಮನವಿ ನ್ಯಾಯಾಧಿಕರಣ ರಚನೆಗೆ ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಬುಧವಾರ ನಡೆದ ಕೇಂದ್ರ ಸಚಿವ ಸಂಪುಟ ಸಭೆಯಲ್ಲಿ ಇವೆರಡು ಸಂಸ್ಥೆಗಳ ರಚನೆಗೆ ಅನುಮೋದನೆ ನೀಡಲಾಗಿದೆ. ಈಗಾಗಲೇ ದೇಶಾದ್ಯಂತ 34 ವಿಶೇಷ ನ್ಯಾಯಾಲಯಗಳನ್ನು ಆರಂಭಿಸಲಾಗಿದ್ದು, ನೂತನವಾಗಿ ರಚನೆಯಾಗಿರುವ ಸಂಸ್ಥೆಗಳು ಇದಕ್ಕೆ ಪೂರಕವಾಗಿರಲಿವೆ. ಪ್ರಾಧಿಕಾರವು ಕೋಲ್ಕತ, ಮುಂಬೈ ಹಾಗೂ ಚೆನ್ನೈನಲ್ಲಿದ್ದರೆ, ನ್ಯಾಯಾಧಿಕರಣವು ದೆಹಲಿಯಲ್ಲಿರಲಿದೆ. 1988ರಲ್ಲೇ ಬೇನಾಮಿ ವ್ಯವಹಾರಗಳ ನಿಯಂತ್ರಣ ಕಾಯ್ದೆ ರಚನೆಯಾಗಿತ್ತು. ಆದರೆ, ಸೂಕ್ತ ನಿಯಮ ಅಥವಾ ಸಂಸ್ಥೆಗಳನ್ನು ನಂತರ ಅಧಿಕಾರಕ್ಕೆ ಬಂದ ಸರ್ಕಾರಗಳು ರಚಿಸಿರಲಿಲ್ಲ. ಆಶಾ ಕಾರ್ಯಕರ್ತೆಯರಿಗೆ ಉಡುಗೊರೆ: ಅಂಗನವಾಡಿ ಕಾರ್ಯಕರ್ತೆಯರ ಗೌರವಧನ ಏರಿಸಿದ ಬೆನ್ನಲ್ಲೇ ಆಶಾ ಕಾರ್ಯಕರ್ತೆಯರು ಫಲಾನುಭವಿಗಳನ್ನು ಭೇಟಿ ಮಾಡುತ್ತಿದ್ದಕ್ಕೆ ನೀಡುತ್ತಿದ್ದ ಗೌರವಧನದಲ್ಲಿ -ಠಿ; 50 ಏರಿಕೆ ಮಾಡಲಾಗಿದೆ. ಪ್ರಸ್ತುತ ಪ್ರತಿ ಭೇಟಿಗೆ -ಠಿ; 250 ಇದ್ದು, ಇನ್ಮುಂದೆ 300 ದೊರೆಯಲಿದೆ. ಪ್ರತಿ ಆಶಾ ಕಾರ್ಯಕರ್ತೆಯರಿಗೆ ಮಾಸಿಕವಾಗಿ 20 ಭೇಟಿ ಇರಲಿದ್ದು, ಇದರಿಂದ -ಠಿ; 1 ಸಾವಿರ ಹೆಚ್ಚುವರಿ ಗೌರವ ಧನ ದೊರೆಯಲಿದೆ. ಐಐಎಸ್​ಎಸ್ ಸ್ಥಾಪನೆ: ದೇಶದ ವಿವಿಧೆಡೆ ಇಂಡಿಯನ್ ಇನ್​ಸ್ಟಿ ಟ್ಯೂಟ್ ಆಫ್ ಸ್ಕಿಲ್ಸ್ (ಐಐಎಸ್​ಎಸ್) ಆರಂಭಿಸಲು ಕೇಂದ್ರ ಸರ್ಕಾರ ಸಮ್ಮತಿಸಿ...

**ಜ್ಞಾನ ಕಾರಂಜಿ**::: ಕೇಂದ್ರದಿಂದ ಶೀಘ್ರ 3 ಹೊಸ ಕೃಷಿ ಯೋಜನೆ

ನವದೆಹಲಿ: ಖಾರಿಫ್ ಬೆಳೆಗಳಿಗೆ ಕನಿಷ್ಠ ಬೆಂಬಲ ಬೆಲೆ ಹೆಚ್ಚಿಸಿದ ಬೆನ್ನಿಗೆ ಕೇಂದ್ರ ಸರ್ಕಾರ ರೈತರಿಗೆ ನೆರವಾಗುವ ಮತ್ತಷ್ಟು ನೂತನ ನೀತಿಗಳನ್ನು ಘೋಷಿಸಲಿದೆ ಎಂದು ಮೂಲಗಳು ತಿಳಿಸಿವೆ. ಮಧ್ಯವರ್ತಿಗಳ ಹಾವಳಿಯನ್ನು ಸಂಪೂರ್ಣ ತೆಗೆದುಹಾಕುವ ಮೂರು ಹೊಸ ಸಂಗ್ರಹಣೆ ಯೋಜನೆಗಳನ್ನು ಸರ್ಕಾರ ಶೀಘ್ರವೇ ಜಾರಿಗೆ ತರಲಿದೆ ಎನ್ನಲಾಗಿದೆ. ದರ ಕೊರತೆ ಯೋಜನೆ : ಸರ್ಕಾರಿ ಮಂಡಿಗಳಲ್ಲಿ ಬೆಳೆಗಳ ಮಾರುಕಟ್ಟೆ ದರ, ಕನಿಷ್ಠ ಬೆಂಬಲ ಬೆಲೆಗಿಂತ ಹೆಚ್ಚಿದ್ದರೆ ಸರ್ಕಾರದ ಕಡೆಯಿಂದ ರೈತರಿಗೆ ಪರಿಹಾರ ವಿತರಣೆ. ಮಾರುಕಟ್ಟೆ ಖಾತ್ರಿ ಯೋಜನೆ: ಕೇಂದ್ರದ ಅನುಮತಿ ರಹಿತವಾಗಿ ನಿರ್ದಿಷ್ಟ ಬೆಳೆಗಳನ್ನು ನೇರವಾಗಿ ಖರೀದಿಸಲು ರಾಜ್ಯ ಸರ್ಕಾರಗಳಿಗೆ ಅಧಿಕಾರ. ಆಯಾ ರಾಜ್ಯಗಳಲ್ಲಿನ ಬೆಳೆಗಳ ಬೇಡಿಕೆಗೆ ತಕ್ಕಂತೆ ಖರೀದಿ ಪ್ರಮಾಣ ನಿಗದಿಪಡಿಸಲು ಸ್ವಾತಂತ್ರ್ಯ. ಖಾಸಗಿ ಸಂಗ್ರಹಣೆ ಯೋಜನೆ: ಖಾಸಗಿ ಖರೀದಿದಾರರಿಗೆ ಕನಿಷ್ಠ ಬೆಂಬಲ ಬೆಲೆಗೆ ಬೆಳೆಗಳನ್ನು ನೇರವಾಗಿ ರೈತರಿಂದ ಖರೀದಿಸಲು ಸರ್ಕಾರದಿಂದ ಪ್ರೋತ್ಸಾಹ.