**ಜ್ಞಾನ ಕಾರಂಜಿ**::: ಸ್ವರ್ಣ ಗೆದ್ದ ತೇಜಿಂದರ್

ರಾಷ್ಟ್ರೀಯ ಹಾಗೂ ಏಷ್ಯನ್ ಗೇಮ್್ಸ ದಾಖಲೆಯೊಂದಿಗೆ ಅಬ್ಬರಿಸಿದ ತೇಜಿಂದರ್ ಪಾಲ್ ಸಿಂಗ್ ಟೂರ್ ಪುರುಷರ ಶಾಟ್​ಪುಟ್ ವಿಭಾಗದಲ್ಲಿ ಸ್ವರ್ಣ ಪದಕ ಸಾಧನೆ ಮಾಡಿದ್ದಾರೆ. ಇದು ಹಾಲಿ ಏಷ್ಯನ್ ಗೇಮ್ಸ್​ನಲ್ಲಿ ಭಾರತದ 7ನೇ ಸ್ವರ್ಣ ಪದಕ. ಶನಿವಾರ ನಡೆದ ಸ್ಪರ್ಧೆಗಳಲ್ಲಿ ಭಾರತ 1 ಚಿನ್ನ, ಹಾಗೂ ಮೂರು ಕಂಚಿನ ಪದಕ ಸಾಧನೆ ಮಾಡಿದ್ದಲ್ಲದೆ, ಪದಕ ಪಟ್ಟಿಯಲ್ಲಿ 8ನೇ ಸ್ಥಾನಕ್ಕೇರಿತು. ಮೂರೂ ಕಂಚಿನ ಪದಕಗಳು ಸ್ಕಾ್ವಷ್ ವಿಭಾಗದಲ್ಲಿ ಬಂದರೆ, ಇದೇ ಮೊದಲ ಬಾರಿಗೆ ಏಷ್ಯನ್ ಗೇಮ್್ಸ ಕಣದಲ್ಲಿ ಆಡಿಸಲಾಗುತ್ತಿರುವ ಕಾರ್ಡ್ ಗೇಮ್ ಬ್ರಿಜ್​ನಲ್ಲಿ ಎರಡು ಪದಕ ಖಚಿತಗೊಂಡಿದೆ. ಗೆಲೊರಾ ಬಂಗ್ ಕನೋ ಸ್ಟೇಡಿಯಂನಲ್ಲಿ ಶನಿವಾರ ಆರಂಭವಾದ ಅಥ್ಲೆಟಿಕ್ಸ್ ಸ್ಪರ್ಧೆಯ ಮೊದಲ ದಿನವೇ ಮಿಂಚಿನ ನಿರ್ವಹಣೆ ನೀಡಿರುವ ಭಾರತ ಬಂಗಾರದ ಬೇಟೆ ಆಡುವಲ್ಲೂ ಯಶ ಕಂಡಿತು. 23 ವರ್ಷದ ಪಂಜಾಬ್ ಅಥ್ಲೀಟ್ ತೇಜಿಂದರ್ ಪಾಲ್ ಸಿಂಗ್ ಟೂರ್, ಮೊದಲ ಯತ್ನದಲ್ಲಿಯೇ 9 ಸ್ಪರ್ಧಿಗಳ ಫೈನಲ್​ನಲ್ಲಿ ಅಗ್ರಸ್ಥಾನಕ್ಕೇರಿದರೆ, 5ನೇ ಯತ್ನದಲ್ಲಿ ಏಷ್ಯನ್ ಗೇಮ್ಸ್​ನ ದಾಖಲೆಯನ್ನು ಮುರಿದರು. 20.75 ಮೀಟರ್ ದೂರ ಶಾಟ್​ಪುಟ್​ಅನ್ನು ಎಸೆಯುವ ಮೂಲಕ ಅಗ್ರಸ್ಥಾನವನ್ನು ಖಚಿತ ಮಾಡಿಕೊಂಡರು. 2ನೇ ಸ್ಥಾನ ಪಡೆದ ಚೀನಾದ ಯಾಂಗ್ ಲು, ತೇಜಿಂದರ್​ಗಿಂತ 1.23 ಮೀಟರ್ ಕಡಿಮೆ ಅಂತರಕ್ಕೆ ಶಾಟ್​ಪುಟ್ ಎಸೆದಿದ್ದರು. ಯಾಂಗ್ 19.52 ಮೀಟರ್ ಸಾಧನೆಯೊಂದಿಗೆ ಬೆಳ್ಳಿ ಪಡೆದರೆ, 19.40 ಮೀಟರ್ ಸಾಧನೆ ಮಾಡಿದ ಕಜಾಕಿಸ್ತಾನದ ಇವಾನೊವ್ ಕಂಚಿನ ಪದಕ ಗಳಿಸಿದರು. 2010ರ ಏಷ್ಯನ್ ಗೇಮ್್ಸ ನಲ್ಲಿ ಸೌದಿ ಅರೇಬಿಯಾದ ಸುಲ್ತಾನ್ ಅಲ್ ಹೆಬಾಶಿ 20.57 ಮೀಟರ್ ದೂರ ಎಸೆದು ಚಿನ್ನ ಗೆದ್ದಿದ್ದು ಈವರೆಗಿನ ಏಷ್ಯನ್ ಗೇಮ್್ಸ ದಾಖಲೆಯಾಗಿ ಉಳಿದಿತ್ತು. ತೇಜಿಂದರ್ ಈ ದಾಖಲೆಯನ್ನು ಅಳಿಸಿದ್ದಾರೆ. ಕೇವಲ 0.17 ಮೀಟರ್ ದೂರದಿಂದ ಏಷ್ಯನ್ ದಾಖಲೆಯನ್ನು ಒಲಿಸಿಕೊಳ್ಳುವ ಅವಕಾಶ ಕೈ ತಪ್ಪಿತು. 2009ರಲ್ಲಿ ದೋಹಾದಲ್ಲಿ ನಡೆದ ಕೂಟದಲ್ಲಿ ಸುಲ್ತಾನ್ ಅಲ್ ಹೆಬಾಶಿ 21.13 ಮೀಟರ್ ದೂರ ಶಾಟ್​ಪುಟ್ ಎಸೆದಿದ್ದು ಏಷ್ಯನ್ ದಾಖಲೆಯಾಗಿದ್ದರೆ, ವಿಶ್ವದಾಖಲೆ ಅಮೆರಿಕದ ರ್ಯಾಂಡಿ ಬಾರ್ನೆಸ್ (23.12ಮೀ) ಹೆಸರಲ್ಲಿದೆ. ತೇಜಿಂದರ್ ಪಾಲ್, ಸ್ಪರ್ಧೆಯ ವೇಳೆ 3ನೇ ಎಸೆತವನ್ನು ಮಾತ್ರವೇ ಫೌಲ್ ಮಾಡಿದರೆ, 2ನೇ ಎಸೆತದಲ್ಲಿ 19.15 ಮೀಟರ್ ದೂರ ಎಸೆದಿದ್ದೇ ಅವರ ಕನಿಷ್ಠವಾಗಿತ್ತು. 6ನೇ ಹಾಗೂ ಕೊನೇ ಎಸೆತದಲ್ಲಿ 20 ಮೀಟರ್ ಸಾಧನೆ ಮಾಡಿದ್ದರು. ಸ್ಪರ್ಧೆಯಲ್ಲಿದ್ದ ಯಾರೊಬ್ಬರೂ ತೇಜಿಂದರ್ ಪಾಲ್ ಮೊದಲ ಯತ್ನದಲ್ಲಿಯೇ ಮಾಡಿದ್ದ 19.96 ಮೀ. ಸಾಧನೆಯನ್ನು ಹಿಂದಿಕ್ಕಲು ಯಶಸ್ವಿಯಾಗಲಿಲ್ಲ. ಸ್ಕಾ್ವಷ್​ನಲ್ಲಿ 3 ಕಂಚಿನ ಸಮಾಧಾನ
ಸ್ಕಾ್ವಷ್ ತಂಡದ ಏಷ್ಯನ್ ಗೇಮ್್ಸ ಸಿಂಗಲ್ಸ್ ವಿಭಾಗದ ಅಭಿಯಾನ ಮೂರು ಕಂಚಿನ ಪದಕದೊಂದಿಗೆ ಅಂತ್ಯ ಕಂಡಿದೆ. ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಸೌರವ್ ಘೋಶಾಲ್ ಹಾಗೂ ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ದೀಪಿಕಾ ಪಲ್ಲಿಕಲ್, ಜೋಶ್ನಾ ಚಿನ್ನಪ್ಪ ಸೆಮಿಫೈನಲ್ ಹಂತದಲ್ಲಿ ಸೋಲು ಕಂಡಿದ್ದರಿಂದ ಭಾರತ ಕಂಚಿನ ಸಮಾಧಾನ ಕಂಡಿತು. ಇದರಿಂದಾಗಿ ಏಷ್ಯನ್ ಗೇಮ್್ಸ
ನಲ್ಲಿ ಶನಿವಾರ ಭಾರತ 3 ಕಂಚಿನ ಪದಕಗಳನ್ನಷ್ಟೇ ಗೆಲ್ಲುವಲ್ಲಿ ಯಶ ಕಂಡಿದ್ದು, ಸ್ವರ್ಣ ಹಾಗೂ ಬೆಳ್ಳಿಯ ಪದಕಗಳ ಯಾವ ಪ್ರಯತ್ನವೂ ಯಶ ಕೊಡಲಿಲ್ಲ. 2014ರಲ್ಲಿ ಬೆಳ್ಳಿ ಪದಕ ಜಯಿಸಿದ್ದ ಸೌರವ್ ಘೋಶಾಲ್ ಈ ಬಾರಿಯೂ ಫೈನಲ್​ಗೇರುವ ಮೂಲಕ ಬೆಳ್ಳಿಯನ್ನಾದರೂ ಉಳಿಸಿಕೊಳ್ಳುವ ಹಾದಿಯಲ್ಲಿದ್ದರು. ಸೆಮಿಫೈನಲ್ ಪಂದ್ಯದಲ್ಲಿ ಎರಡು ಗೇಮ್ಳ ಮುನ್ನಡೆಯಲ್ಲಿದ್ದ ಭಾರತದ ಅಗ್ರ ಆಟಗಾರ ನಂತರದ ಮೂರೂ ಗೇಮ್ಲ್ಲಿ ಹಿನ್ನಡೆ ಕಂಡು 12-10, 13-11, 6-11, 6-11, 6-11 ರಿಂದ ಹಾಂಕಾಂಗ್​ನ ಚುನ್ ಮಿಂಗ್ ಔ ವಿರುದ್ಧ ಆಘಾತಕಾರಿ ಸೋಲು ಕಂಡರು. ಸಿಂಗಲ್ಸ್ ವಿಭಾಗದಲ್ಲಿ ಭಾರತದ ಮೂವರೂ ಸ್ಪರ್ಧಿಗಳು ಸೋಲು ಕಂಡರೂ, ಸ್ಕಾ್ವಷ್​ನ ಸಿಂಗಲ್ಸ್ ವಿಭಾಗದಲ್ಲಿ ಭಾರತದ ಈವರೆಗಿನ ಅತ್ಯುತ್ತಮ ನಿರ್ವಹಣೆ ಇದಾಗಿದೆ. ಇದಕ್ಕೂ ಮುನ್ನ 2014ರ ಗೇಮ್್ಸ ನಲ್ಲಿ 2 ಪದಕ ಗೆದ್ದಿದ್ದೇ ಸಾಧನೆಯಾಗಿತ್ತು. ಇಂಚೋನ್ ಏಷ್ಯಾಡ್​ನಲ್ಲಿ ಸೌರವ್ ಘೋಶಾಲ್ ಬೆಳ್ಳಿ ಪದಕ ಜಯಿಸಿದ್ದರೆ, ದೀಪಿಕಾ ಪಲ್ಲಿಕಲ್ ಕಂಚಿನ ಪದಕ ಗೆದ್ದಿದ್ದರು. 2 ಗೇಮ್ ಮುನ್ನಡೆಯಲ್ಲಿದ್ದ ಸೌರವ್, 3ನೇ ಗೇಮ್ಲ್ಲಿ 6-5ರ ಮುನ್ನಡೆ ಕಂಡಿದ್ದರು. ಆದರೆ, ಚುಂಗ್ ವಿರುದ್ಧ ಸತತ 6 ಅಂಕ ಕಳೆದುಕೊಂಡ ಬಳಿಕ ಸೌರವ್ ಚೇತರಿಸಿಕೊಳ್ಳಲು ಸಾಧ್ಯವಾಗಲೇ ಇಲ್ಲ. ಆ ನಂತರದ ಎರಡೂ ಗೇಮ್ ಸೋತು ನಿರಾಸೆ ಎದುರಿಸಿದರು. ಇದಕ್ಕೂ ಮುನ್ನ ನಡೆದ ಮಹಿಳಾ ವಿಭಾಗದ ಸೆಮಿಫೈನಲ್​ಗಳಲ್ಲೂ ನಿರಾಸೆ ಎದುರಾಯಿತು. ದೀಪಿಕಾ ಪಲ್ಲಿಕಲ್ 7-11, 9-11, 6-11 ರಿಂದ ದಿಗ್ಗಜ ಆಟಗಾರ್ತಿ ಮಲೇಷ್ಯಾದ ನಿಕೋಲಾ ಡೇವಿಡ್ ವಿರುದ್ಧ ಸೋತರು. ಇನ್ನೊಂದು ಪಂದ್ಯದಲ್ಲಿ ಜೋಶ್ನಾ ಚಿನ್ನಪ್ಪ ತಮಗಿಂತ ರ್ಯಾಂಕಿಂಗ್​ನಲ್ಲಿ ಕೆಳ ಸ್ಥಾನದಲ್ಲಿರುವ ಮಲೇಷ್ಯಾದ ಆಟಗಾರ್ತಿ ಶಿವಶಂಕರಿ ಸುಬ್ರಮಣ್ಯಂ ವಿರುದ್ಧ 10-12, 6-11, 9-11 ರಿಂದ ಸೋಲು ಕಂಡರು.
ಹೊಸ ಕ್ರೀಡೆ ಬ್ರಿಜ್​ನಲ್ಲಿ 2 ಪದಕ ಖಚಿತ
ಕಾರ್ಡ್​ಗೇಮ್ ಬ್ರಿಜ್​ನಲ್ಲಿ ಭಾರತಕ್ಕೆ ಎರಡು ಪದಕ ಖಚಿತಗೊಂಡಿದೆ. ಪುರುಷರ ತಂಡ ಹಾಗೂ ಮಿಶ್ರ ತಂಡ ವಿಭಾಗದಲ್ಲಿ ಭಾರತ ಸೆಮಿಫೈನಲ್​ಗೇರಿದ್ದು, ಸೋಲು ಕಂಡರೂ ಪದಕ ಸಿಗಲಿದೆ. ಅರ್ಹತಾ ಸುತ್ತಿನ ಅಂತ್ಯಕ್ಕೆ ಪುರುಷರ ತಂಡ 4ನೇ ಸ್ಥಾನಿಯಾಗಿ ಸೆಮಿಫೈನಲ್​ಗೇರಿದರೆ, ಮಿಶ್ರ ವಿಭಾಗದಲ್ಲಿ ಭಾರತ ಅಗ್ರಸ್ಥಾನದೊಂದಿಗೆ ಉಪಾಂತ್ಯಕ್ಕೇರಿದೆ. ಜಗ್ಗಿ ಶಿವದಾಸನಿ, ರಾಜೇಶ್ವರಿ ತಿವಾರಿ, ಅಜಯ್ ಖಾರೆ, ರಾಜು ತೊಲಾನಿ, ದೇವವೃತ ಮಜುಂದಾರ್ ಹಾಗೂ ಅಮಿತ್ ಮಿಖರ್ಜಿ 6 ಸದಸ್ಯರ ಭಾರತ ಪುರುಷರ ತಂಡದಲ್ಲಿದ್ದರೆ, ಮಿಶ್ರ ತಂಡ ವಿಭಾಗದಲ್ಲಿ ಕಿರಣ್ ನಾದರ್, ಹೇಮಾ ದಿಯೋರಾ, ಹಿಮಾನಿ ಖಾಂಡೆಲ್​ವಲ್, ಬಾಚಿರಾಜು ಸತ್ಯನಾರಾಯಣ, ಗೋಪಿನಾಥ್ ಮನ್ನಾ ಹಾಗೂ ರಾಜೀವ್ ಖಾಂಡೆಲ್​ವಲ್ ಇದ್ದಾರೆ.