ವಿಷಯಕ್ಕೆ ಹೋಗಿ

**ಜ್ಞಾನ ಕಾರಂಜಿ**::: ವಡೆಯ ಒಳಗಡೆ ಏನಿದೆ?

ಇವರಿಂದ
ಭಾರತೀಯ ಆಹಾರಪದ್ಧತಿಯೇ ಹಾಗೆ. ಹಳೆರುಚಿಗಳಲ್ಲೇ ಸಹಸ್ರಾರು ವರ್ಷಗಳಿಗಾಗುವಷ್ಟು ರುಚಿಯಿರುತ್ತದೆ. ದೇಶದೆಲ್ಲೆಡೆ ಉಪಾಹಾರದ ಸಮಯದಲ್ಲಿ ಕಾಣಸಿಗುವ ವಡೆ ಇಂದಿನ ಹೊಸರುಚಿಯೆಂದು ಅನೇಕರು ಭಾವಿಸಿರುತ್ತಾರೆ. ನಿಜಕ್ಕೂ ಈ ವಡೆ ಹಳೆರುಚಿ! ಆಯುರ್ವೆದದ ಭಾವಪ್ರಕಾಶಗ್ರಂಥದ ಕೃತಾನ್ನವರ್ಗದಲ್ಲಿ ವೈವಿಧ್ಯಮಯ ವಡೆ ಮಾಡುವ ವಿಧಾನ ಹೇಳಿರುವುದು ಅಚ್ಚರಿ ಮೂಡಿಸುತ್ತದೆ. ತಯಾರಿ ವಿಧಾನಕ್ಕೂ ಮಿಗಿಲಾಗಿ ಆಯುರ್ವೆದ ಬಳಸಿದ ವಟಕಾ ಎಂಚಿ ಶಬ್ದಕ್ಕೂ ಕನ್ನಡದ ವಡೆ ಶಬ್ದಕ್ಕೂ ಸಾಮ್ಯವಿದೆ!
ಉದ್ದಿನ ಹಿಟ್ಟಿಗೆ ಉಪ್ಪು, ಶುಂಠಿ, ಹಿಂಗು ಸೇರಿಸಿ ಉರುಟಾಗಿ ಆ ಹಿಟ್ಟನ್ನು ಎಣ್ಣೆಯಲ್ಲಿ ಹಾಕಿ ಚಿಕ್ಕ ಬೆಂಕಿಯಲ್ಲಿ ಉದ್ದಿನ ವಡೆ ತಯಾರಿಸಿದರೆ ಅದಕ್ಕೆ ಶುಷ್ಕವಟಕ ಎಂದು ಹೆಸರು. ಬಲ, ದೇಹತೂಕ, ರುಚಿ, ಕಫ, ವೀರ್ಯ ಹೆಚ್ಚಿಸುವುದಲ್ಲದೆ ಮಲಬದ್ಧತೆ ನಿವಾರಿಸುವುದು. ವಾತರೋಗ ನಾಶಕವಾಗಿದ್ದು ವಿಶೇಷವಾಗಿ ಮುಖದ ಪಾರ್ಶ್ವವಾಯುವಿನಲ್ಲಿ ಅತ್ಯುಪಯುಕ್ತ. ಅಧಿಕ ಜೀರ್ಣಶಕ್ತಿ ಇರುವವರಿಗೆ ಹಿತಕರವಾಗಿದೆ. ಉದ್ದಿನ ವಡೆಯನ್ನು ಚಿಕ್ಕದಾಗಿ ತುಂಡರಿಸಿ ದಪ್ಪಮಜ್ಜಿಗೆಯಲ್ಲಿ ಸ್ವಲ್ಪಕಾಲ ಮುಳುಗಿಸಿಟ್ಟು ಸೇವಿಸಿದರೆ ವೀರ್ಯಪ್ರಮಾಣ, ಬಲ, ರುಚಿ, ಕಫ ಹೆಚ್ಚಿಸುತ್ತದೆ. ನಿಧಾನವಾಗಿ ಜೀರ್ಣವಾಗಿ ಎದೆಉರಿ ಉಂಟುಮಾಡುತ್ತದೆ. ವಾತವನ್ನು ಶಮನಗೊಳಿಸುತ್ತದೆ. ಇದಕ್ಕೆ ಸಾಸಿವೆ ಹಾಕಿದರೆ ಅತಿರುಚಿಕಾರಿಯಾಗಿದ್ದು ಜೀರ್ಣಕ್ಕೆ ಸುಲಭವಾಗುತ್ತದೆ.
ಮಣ್ಣಿನ ಪಾತ್ರೆಗೆ ಸಾಸಿವೆ ಎಣ್ಣೆಯನ್ನು ಲೇಪಿಸಿ ನೀರುತುಂಬಿ ಸಾಸಿವೆ, ಜೀರಿಗೆ, ಉಪ್ಪು, ಹಿಂಗು, ಶುಂಠಿ, ಅರಶಿಣಗಳನ್ನೆಲ್ಲ ಹುಡಿ ಮಾಡಿ ಹಾಕಿ ಉದ್ದಿನ ವಡೆಯನ್ನು ಮುಳುಗಿಸಿ ಇಡಬೇಕು. ಮಡಕೆಯ ಬಾಯಿಮುಚ್ಚಿ ಮೂರು ದಿನವಿಟ್ಟರೆ ಸಿಗುವ ಹುಳಿಯಾದ ವಡೆಯೇ ಕಾಂಜಿಕಾವಟಕಾ. ಹೊಟ್ಟೆನೋವು, ಮೈಉರಿಗಳನ್ನು ವಿಶೇಷವಾಗಿ ಕಡಿಮೆ ಮಾಡುತ್ತದೆ. ಬಾಯಿರುಚಿ ಉಂಟುಮಾಡುತ್ತದೆ. ಆದರೆ ಕಣ್ಣಿನ ವ್ಯಾಧಿಗಳಿದ್ದಾಗ ಇದು ಹಿತವಲ್ಲ. ಹುಣಸೆಹಣ್ಣನ್ನು ಸೆಕೆ ಬರಿಸಿ ನೀರಿನಲ್ಲಿ ಅರೆದು ಜೀರಿಗೆ, ಹಿಂಗು, ಉಪ್ಪು, ಅರಶಿಣ ಸೇರಿಸಿ ಉದ್ದಿನ ವಡೆಯನ್ನು ಮುಳುಗಿಸಿಟ್ಟರೆ ಅದು ಅಮ್ಲಿಕಾವಟಕ. ವಡೆಯ ಎಲ್ಲ ಗುಣಗಳೂ ಇದ್ದು ವಿಶೇಷವಾಗಿ ಹಸಿವು, ಬಾಯಿರುಚಿ ಹೆಚ್ಚಿಸುತ್ತದೆ. ಹೆಸರುಬೇಳೆಯ ಹಿಟ್ಟಿನಿಂದ ಮಾಡಿದ ವಡೆಯನ್ನು ಮಜ್ಜಿಗೆಯಲ್ಲಿ ಅಲ್ಪಕಾಲವಿಟ್ಟು ತಿನ್ನುವ ಮುದ್ಗವಟಕಾವು ಸುಲಭವಾಗಿ ಜೀರ್ಣವಾಗುತ್ತದೆ. ಶೀತಲಗುಣ ಹೊಂದಿದ್ದು ಮೂರೂ ದೋಷಗಳನ್ನು ಶಮನಗೊಳಿಸುತ್ತದೆ. ನೀಡುವ ಸಂಸ್ಕಾರದಿಂದಾಗಿ ಆರೋಗ್ಯಕ್ಕೆ ಉತ್ತಮವಾಗಿರುತ್ತದೆ.
ಉದ್ದಿನ ಅಥವಾ ಹೆಸರಿನ ಹಿಟ್ಟಿಗೆ ಬೂದುಗುಂಬಳದ ಬಿಳಿತಿರುಳು ಸೇರಿಸಿ ಮಾಡುವ ವಡೆಗೆ ಕೂಷ್ಮಾಂಡಕ ವಟಕಾ ಎನ್ನಲಾಗಿದೆ. ಪಿತ್ತ ಹಾಗೂ ರಕ್ತದ ರೋಗಗಳಲ್ಲಿ ಹಿತಕರವಾಗಿದ್ದು ಸುಲಭವಾಗಿ ಜೀರ್ಣವಾಗುತ್ತದೆ. ಹೆಸರುಕಾಳಿನ ಗುಣಗಳು ಈ ವಡೆಯಲ್ಲೂ ಅಡಗಿರುತ್ತದೆ. ಕಡಲೆಬೇಳೆ ಹಿಟ್ಟಿನಿಂದ ಮಾಡಿದ ವೇಸನ ವಟಕಾವನ್ನು ಸಂಸ್ಕರಿತ ಮಸಾಲಾ ಮಜ್ಜಿಗೆಯಲ್ಲಿ ಮುಳುಗಿಸಿಟ್ಟು ಸೇವಿಸಿದರೆ ಬಾಯಿರುಚಿ, ಬಲ, ದೇಹಪುಷ್ಟಿ ಉಂಟುಮಾಡುತ್ತದೆ. ಆದರೆ ಸ್ವಲ್ಪ ಹೊಟ್ಟೆಯುಬ್ಬರ ಕಾಣಿಸಿಕೊಳ್ಳುವುದು. ಕಡಲೆಬೇಳೆಗೆ ಬೇಸನ್ ಎಂಬ ಹೆಸರು ಎಲ್ಲಿಂದ ಬಂತೆಂದು ಈಗ ಅರ್ಥವಾಗಿರಬಹುದು. ವಡೆ, ಮೊಸರೊಡೆ ಎಂದೊಡೆ ಬಾಯಲ್ಲಿ ನೀರೂರುವುದು ಯಾಕೆಂಬುದೂ ಸ್ಪಷ್ಟವಾಗಿರಬಹುದು.
ಲೇಬಲ್‌ಗಳು:

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

**ಜ್ಞಾನ ಕಾರಂಜಿ**::: ಬೇನಾಮಿ ಆಸ್ತಿ ಪ್ರಕರಣ ವಿಲೇವಾರಿಗೆ ನ್ಯಾಯಾಧಿಕರಣ,

ಇವರಿಂದ
ಬೇನಾಮಿ ಆಸ್ತಿ ವ್ಯವಹಾರಗಳ ಪ್ರಕರಣಗಳ ತ್ವರಿತ ವಿಲೇವಾರಿಗೆ ಪ್ರತ್ಯೇಕ ಪ್ರಾಧಿಕಾರ ಹಾಗೂ ಮೇಲ್ಮನವಿ ನ್ಯಾಯಾಧಿಕರಣ ರಚನೆಗೆ ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಬುಧವಾರ ನಡೆದ ಕೇಂದ್ರ ಸಚಿವ ಸಂಪುಟ ಸಭೆಯಲ್ಲಿ ಇವೆರಡು ಸಂಸ್ಥೆಗಳ ರಚನೆಗೆ ಅನುಮೋದನೆ ನೀಡಲಾಗಿದೆ. ಈಗಾಗಲೇ ದೇಶಾದ್ಯಂತ 34 ವಿಶೇಷ ನ್ಯಾಯಾಲಯಗಳನ್ನು ಆರಂಭಿಸಲಾಗಿದ್ದು, ನೂತನವಾಗಿ ರಚನೆಯಾಗಿರುವ ಸಂಸ್ಥೆಗಳು ಇದಕ್ಕೆ ಪೂರಕವಾಗಿರಲಿವೆ. ಪ್ರಾಧಿಕಾರವು ಕೋಲ್ಕತ, ಮುಂಬೈ ಹಾಗೂ ಚೆನ್ನೈನಲ್ಲಿದ್ದರೆ, ನ್ಯಾಯಾಧಿಕರಣವು ದೆಹಲಿಯಲ್ಲಿರಲಿದೆ. 1988ರಲ್ಲೇ ಬೇನಾಮಿ ವ್ಯವಹಾರಗಳ ನಿಯಂತ್ರಣ ಕಾಯ್ದೆ ರಚನೆಯಾಗಿತ್ತು. ಆದರೆ, ಸೂಕ್ತ ನಿಯಮ ಅಥವಾ ಸಂಸ್ಥೆಗಳನ್ನು ನಂತರ ಅಧಿಕಾರಕ್ಕೆ ಬಂದ ಸರ್ಕಾರಗಳು ರಚಿಸಿರಲಿಲ್ಲ. ಆಶಾ ಕಾರ್ಯಕರ್ತೆಯರಿಗೆ ಉಡುಗೊರೆ: ಅಂಗನವಾಡಿ ಕಾರ್ಯಕರ್ತೆಯರ ಗೌರವಧನ ಏರಿಸಿದ ಬೆನ್ನಲ್ಲೇ ಆಶಾ ಕಾರ್ಯಕರ್ತೆಯರು ಫಲಾನುಭವಿಗಳನ್ನು ಭೇಟಿ ಮಾಡುತ್ತಿದ್ದಕ್ಕೆ ನೀಡುತ್ತಿದ್ದ ಗೌರವಧನದಲ್ಲಿ -ಠಿ; 50 ಏರಿಕೆ ಮಾಡಲಾಗಿದೆ. ಪ್ರಸ್ತುತ ಪ್ರತಿ ಭೇಟಿಗೆ -ಠಿ; 250 ಇದ್ದು, ಇನ್ಮುಂದೆ 300 ದೊರೆಯಲಿದೆ. ಪ್ರತಿ ಆಶಾ ಕಾರ್ಯಕರ್ತೆಯರಿಗೆ ಮಾಸಿಕವಾಗಿ 20 ಭೇಟಿ ಇರಲಿದ್ದು, ಇದರಿಂದ -ಠಿ; 1 ಸಾವಿರ ಹೆಚ್ಚುವರಿ ಗೌರವ ಧನ ದೊರೆಯಲಿದೆ. ಐಐಎಸ್​ಎಸ್ ಸ್ಥಾಪನೆ: ದೇಶದ ವಿವಿಧೆಡೆ ಇಂಡಿಯನ್ ಇನ್​ಸ್ಟಿ ಟ್ಯೂಟ್ ಆಫ್ ಸ್ಕಿಲ್ಸ್ (ಐಐಎಸ್​ಎಸ್) ಆರಂಭಿಸಲು ಕೇಂದ್ರ ಸರ್ಕಾರ ಸಮ್ಮತಿಸಿ...
ಕಾಮೆಂಟ್‌‌ ಪೋಸ್ಟ್‌ ಮಾಡಿ
ಇನ್ನಷ್ಟು ಓದಿ

.. ಭಾರತೀಯ ಕಾವ್ಯ ಮೀಮಾಂಸೆ

ಇವರಿಂದ
ಭಾರತೀಯ ಕಾವ್ಯ ಮೀಮಾಂಸೆ ಭಾರತೀಯ ಕಾವ್ಯಮೀಮಾಂಸೆಗೆ ಸುಮಾರು ಎರಡು ಸಾವಿರ ವರ್ಷಗಳ ದೀರ್ಘ ಇತಿಹಾಸವಿದೆ. ಕವಿ ಮತ್ತು ಕಾವ್ಯದ ಲಕ್ಷಣಗಳು, ಕಾವ್ಯ ಪ್ರಭೇದಗಳು. ಕಾವ್ಯಾಲಂಕಾರಗಳು, ಕಾವ್ಯದ ವಸ್ತು ಇತ್ಯಾದಿ ಕಾವ್ಯನಿರ್ಮಿತಿಗೆ ಸಂಬಂಧಿಸಿದ ಮಹತ್ತ್ವದ ಅಂಶಗಳ ಶಾಸ್ತ್ರೀಯ ನಿರೂಪಣೆಯೇ ಕಾವ್ಯನಿಮೀಮಾಂಸೆ. ಇದನ್ನು ಅಲಂಕಾರ ಶಾಸ್ತ್ರವೆಂದೂ ಕರೆಯಲಾಗುತ್ತದೆ. ಪ್ರಾಚೀನ ಯುಗದಲ್ಲಿ ಅಲಂಕಾರಶಾಸ್ತ್ರವೆಂದರೆ ಪ್ರಧಾನವಾಗಿ ನಾಟ್ಯ ನೃತ್ಯ ಇತ್ಯಾದಿ ರಂಗ ಸಂಸ್ಕರಣ ಅಥವಾ ನಾಟ್ಯಕಲೆಯನ್ನು ಸರ್ವಾಂಗ ಸುಂದರವಾಗಿ ಮಾಡುವ ಒಂದು ಪರಿಷ್ಕಾರ ಶಾಸ್ತ್ರವಾಗಿದ್ದಿತು. ಕಾಲಕ್ರಮೇಣ ಇದು ಕಾವ್ಯಕಲೆಯನ್ನು ಪರಿಷ್ಕರಿಸುವ ಶಾಸ್ತ್ರವಾಗಿ ಪರಿಣಮಿಸಿತು. ಇದರ ಆರಂಭ ಯಾವಾಗಿ ಯಾರಿಂದ ಆಯಿತೆಂದು ಇತ್ಯರ್ಥಪಡಿಸುವುದು ಕಷ್ಟದ ಕೆಲಸ. ಸಾಹಿತ್ಯದಲ್ಲಿ ಸೌಂದರ್ಯೋಪಾಸನೆ ಪ್ರಾರಂಭವಾದಂದಿನಿಂದಲೂ ಪಂಡಿತರು ಮತ್ತು ವಿಮರ್ಶಕರು ಸಾಹಿತ್ಯದಲ್ಲಿ ಸೌಂದರ್ಯ ಅರಸಿ ಈ ಚಿತ್ತ ಸಂಸ್ಕರಣ ಶಾಸ್ತ್ರವನ್ನು ಬೆಳೆಸಿಕೊಂಡು ಬಂದಿದ್ದಾರೆ. ಕ್ರಿ. ಪೂ. 6ನೆಯ ಶತಮಾನದಲ್ಲಿದ ಯಾಸ್ಕಾಚಾರ್ಯ ಉಪಮೆ ರೂಪಕಗಳ ಬಗ್ಗೆ ಉಲ್ಲೇಖಸಿದ್ದಾನೆ. ಕ್ರಿ. ಪೂ. 5ನೆಯ ಶತಕದ ವೇಳೆಗೆ ಪಾಣಿನಿ ನಟರ ವಿಷಯ ಪ್ರಸ್ತಾಪಿಸಿದ್ದಾನೆ. ವೇದಗಳ ಕಾಲದಲ್ಲೂ ಉಪಮಾ ರೂಪಕಾದಿಗಳ ಪ್ರಯೋಗವಿದೆ. ಋಗ್ವೇದದಲ್ಲಿ ಕಂಡುಬರುವ ಯಮಯಮಿಯರ ಸಂವಾದ, ಊರ್ವಶೀ ಪುರೂರವರ ಸಂವಾದ_ಇವುಗಳಿಂದ ವೇದಕಾಲದಲ್ಲಿ ನಾಟಕದ ಅಂಕುರಾರ್ಪಣವಿದ್ದಂತಿದೆ....
ಕಾಮೆಂಟ್‌‌ ಪೋಸ್ಟ್‌ ಮಾಡಿ
ಇನ್ನಷ್ಟು ಓದಿ

**ಜ್ಞಾನ ಕಾರಂಜಿ**::: ನೀತಿ ಆಯೋಗ ಸ್ಥಾಪನೆ

ಇವರಿಂದ
ಕೇಂದ್ರದಲ್ಲಿ ನರೇಂದ್ರ ಮೋದಿ ನೇತೃತ್ವದ ಎನ್​ಡಿಎ ಸರ್ಕಾರ ಅಧಿಕಾರಕ್ಕೆ ಬಂದು ಮೇ 26ಕ್ಕೆ ನಾಲ್ಕು ವರ್ಷ. ಸರ್ಕಾರದ ಈ ಅವಧಿಯ ಪಯಣದಲ್ಲಿನ ಪ್ರಮುಖ ರಂಗಗಳ ಚಿತ್ರಣವನ್ನು ವಿಜಯವಾಣಿ ಸರಣಿಯಾಗಿ ಕಟ್ಟಿಕೊಡಲಿದ್ದು, ಅದರ ಎರಡನೇ ಭಾಗ ಇಲ್ಲಿದೆ. ನೆಹರು ಅವಧಿಯಲ್ಲಿ ರಚನೆಯಾಗಿದ್ದ ಯೋಜನಾ ಆಯೋಗವನ್ನು ರದ್ದುಗೊಳಿಸಿ 2015ರ ಜ.1ರಂದು ನೀತಿ ಆಯೋಗ ರಚಿಸಲಾಯಿತು. ಅಮೃತ್, ಡಿಜಿಟಲ್ ಇಂಡಿಯಾ, ಅಟಲ್ ಇನೋವೇಷನ್, ಸಂಚಾರ ದಟ್ಟಣೆ ನಿಯಂತ್ರಣ ಸೇರಿ ಕೆಲ ಯೋಜನೆಗಳ ನೇರ ಉಸ್ತುವಾರಿಯನ್ನು ನೀತಿ ಆಯೋಗ ವಹಿಸಿಕೊಂಡಿದೆ. ಪ್ರಧಾನಿ ಅಧ್ಯಕ್ಷತೆಯ ಈ ಆಯೋಗದಲ್ಲಿ ರಾಜ್ಯಗಳ ಹಣಕಾಸು ಸಚಿವರು ಸದಸ್ಯರಾಗಿರುತ್ತಾರೆ. 15 ವರ್ಷ ಹಾಗೂ 7 ವರ್ಷಗಳ ಪ್ರತ್ಯೇಕ ಗುರಿಯ ಯೋಜನೆಯ ಜತೆಗೆ, ವಾರ್ಷಿಕ ಕಾರ್ಯಕ್ರಮಗಳ ಬಗ್ಗೆ ಈ ಸಂಸ್ಥೆ ನಿಗಾ ಇಡಲಿದೆ. ಆಡಳಿತಕ್ಕೆ ಹೊಸ ಸ್ಪರ್ಶ ‘ಮಿನಿಮಮ್ ಗವರ್ನಮೆಂಟ್, ಮ್ಯಾಕ್ಸಿಮಮ್ ಗವರ್ನನ್ಸ್’ (ಕನಿಷ್ಠ ಸರ್ಕಾರ ಗರಿಷ್ಠ ಆಡಳಿತ) ಧ್ಯೇಯ ವಾಕ್ಯದೊಂದಿಗೆ ಪ್ರಧಾನಿ ಕಚೇರಿಗೆ ನರೇಂದ್ರ ಮೋದಿ ಕಾಲಿಟ್ಟಿದ್ದರು. ತೆರಿಗೆ ವ್ಯವಸ್ಥೆಯಿಂದ ಹಿಡಿದು ಆಡಳಿತದ ಪ್ರತಿ ಹಂತದಲ್ಲಿಯೂ ಸುಧಾರಣೆ ತರುವ ಭರವಸೆ ನೀಡಿದ್ದರು. ಈ ನಿಟ್ಟಿನಲ್ಲಿ ಸರ್ಕಾರ ಕೆಲ ಹೆಜ್ಜೆಗಳನ್ನು ಇರಿಸಿದೆ. ಓಬೀರಾಯನ ಕಾಲದ ಕಾನೂನು ರದ್ದು ದೇಶದಲ್ಲಿ ಹಳೆಯ ಅನವಶ್ಯಕ ಕಾಯ್ದೆಗಳಿಂದ ಕೋರ್ಟ್ ಖಟ್ಲೆಗಳಲ್ಲಿ ವಿಳಂಬವಾಗುತ್ತದೆ. ಈ ಕಾರಣದಿಂದ ಸುಮಾರು 3 ಸಾವಿರ ...
ಕಾಮೆಂಟ್‌‌ ಪೋಸ್ಟ್‌ ಮಾಡಿ
ಇನ್ನಷ್ಟು ಓದಿ