<< 1.5 ಲಕ್ಷ ಕೋಟಿ ರೂಪಾಯಿ ಮೌಲ್ಯದ 114 ಫೈಟರ್ ಜೆಟ್ >>
ನವದೆಹಲಿ: ರಫೇಲ್ ಯುದ್ಧ ವಿಮಾನ ಖರೀದಿ ವಿವಾದವು ತಾರಕಕ್ಕೇರುತ್ತಿರುವಾಗಲೇ ಕೇಂದ್ರ ಸರ್ಕಾರ 114 ಹೊಸ ಯುದ್ಧ ವಿಮಾನ ಖರೀದಿಗೆ ಮುಂದಾಗಿದೆ.
ವಾಯುಸೇನೆಗೆ ತುರ್ತು ಅಗತ್ಯವಿರುವ 114 ಯುದ್ಧ ವಿಮಾನ ಖರೀದಿಯ -ಠಿ; 1.5 ಲಕ್ಷ ಕೋಟಿ ಮೊತ್ತದ ಯೋಜನೆಗೆ ರಕ್ಷಣಾ ಸಚಿವ ನಿರ್ಮಲಾ ಸೀತಾರಾಮನ್ ನೇತೃತ್ವದ ರಕ್ಷಣಾ ಸ್ವಾಧೀನ ಮಂಡಳಿ ಒಪ್ಪಿಗೆ ಸೂಚಿಸುವ ಸಾಧ್ಯತೆಯಿದೆ. ಮಾಸಾಂತ್ಯದಲ್ಲಿ ನಡೆಯುವ ಸಭೆಯಲ್ಲಿ ಈ ಕುರಿತು ಅಂತಿಮ ನಿರ್ಣಯವಾಗಲಿದೆ. ಎನ್ಡಿಎ ಸರ್ಕಾರದ ಅವಧಿಯ ಅತಿ ದೊಡ್ಡ ರಕ್ಷಣಾ ಖರೀದಿ ಇದಾಗಲಿದೆ. ಈ ಒಪ್ಪಂದವು ಭೌತಿಕವಾಗಿ ಜಾರಿಯಾಗಲು ಕನಿಷ್ಠ 3 ವರ್ಷ ಬೇಕಾಗಬಹುದು ಎಂದು ಅಂದಾಜಿಸಲಾಗಿದೆ. ಒಪ್ಪಂದವಾದ ಬಳಿಕ ವಿಮಾನಗಳು ವಾಯುಸೇನೆಗೆ ಸೇರಲು ಮತ್ತೆ 3 ವರ್ಷ ಬೇಕಾಗುತ್ತದೆ. ಆದರೆ ಚೀನಾ ಹಾಗೂ ಪಾಕಿಸ್ತಾನದ ಗಡಿ ತಂಟೆಯ ಕಾರಣದಿಂದ ಕಡಿಮೆ ಅವಧಿಯಲ್ಲಿ ಯುದ್ಧ ವಿಮಾನ ಭಾರತಕ್ಕೆ ಬರುವಂತಾಗಬೇಕು ಎನ್ನುವುದು ವಾಯುಸೇನೆಯ ಆಗ್ರಹವಾಗಿದೆ.
ರಕ್ಷಣಾ ಸಚಿವರ ನೇತೃತ್ವದ ಮಂಡಳಿ ಖರೀದಿಗೆ ತಾತ್ತಿ್ವಕ ಒಪ್ಪಿಗೆ ನೀಡುತ್ತಿದ್ದಂತೆ, ವಾಯುಸೇನೆ ಟೆಂಡರ್ ಕರೆಯಲಿದೆ. ವಿದೇಶಿ ಕಂಪನಿಗಳ ಟೆಂಡರ್ ಬಿಡ್ ನೋಡಿ, ಅಂತಿಮ ನಿರ್ಧಾರ ಮಾಡಲಾಗುತ್ತದೆ. ಇದಕ್ಕೆ ಕನಿಷ್ಠ 3 ತಿಂಗಳು ಅವಕಾಶ ನೀಡಬೇಕು. ಈ ಪ್ರಕ್ರಿಯೆ ಬಳಿಕ ವಾಯುಸೇನೆಯ ಷರತ್ತು ಹಾಗೂ ಇತರ ವಿಚಾರಗಳನ್ನು ಮುಂದಿಟ್ಟುಕೊಂಡು ಕಂಪನಿಗಳ ಜತೆ ಮಾತುಕತೆ ನಡೆಯಲಿದೆ. ಭಾರತ ಸರ್ಕಾರದ ಎಲ್ಲ ಷರತ್ತು ಒಪ್ಪಿಕೊಂಡ ಬಳಿಕ ಅಂತಿಮ ಒಪ್ಪಂದಕ್ಕೆ ಸಹಿ ಹಾಕಲಾಗುತ್ತದೆ.
ಮೇಕ್ ಇನ್ ಇಂಡಿಯಾ: ವಾಯುಸೇನೆ ಖರೀದಿಸಲಿರುವ 114 ಯುದ್ಧ ವಿಮಾನಗಳಲ್ಲಿ ಕೇವಲ 18 ವಿಮಾನಗಳನ್ನು ನೇರವಾಗಿ ಆಮದು ಮಾಡಿಕೊಳ್ಳಲಾಗುತ್ತದೆ. ಉಳಿದ 96 ಯುದ್ಧ ವಿಮಾನಗಳನ್ನು ಭಾರತದಲ್ಲಿಯೇ ನಿರ್ವಿುಸುವ ಷರತ್ತು ಹಾಕಲಾಗಿದೆ. ಇದರಿಂದ ಭಾರತದಲ್ಲಿ ದೊಡ್ಡ ಪ್ರಮಾಣದ ಕೈಗಾರಿಕೆ ಹಾಗೂ ಉದ್ಯೋಗಕ್ಕೆ ಅನುವು ಮಾಡಿಕೊಡಲಿದೆ. ಈ ಷರತ್ತಿನಿಂದ ಯುದ್ಧ ವಿಮಾನವು ವಾಯುಸೇನೆ ಸೇರುವುದು ವಿಳಂಬವಾಗಲಿದೆ ಎಂದು ಅಧಿಕಾರಿಗಳು ಆತಂಕವ್ಯಕ್ತಪಡಿಸಿದ್ದಾರೆ. ಆದರೆ ಸರ್ಕಾರ ಮೇಕ್ ಇನ್ ಇಂಡಿಯಾಕ್ಕೆ ಒತ್ತು ಕೊಡಲು ನಿರ್ಧರಿಸಿದೆ.
ರೇಸ್ನಲ್ಲಿ ಯಾವ್ಯಾವ ವಿಮಾನಗಳು?
ಮಿಗ್-35(ರಷ್ಯಾ)
ಎಫ್-16, ಎಫ್-18(ಅಮೆರಿಕ)
ಗ್ರಿಪನ್-ಇ(ಸ್ವೀಡನ್)
ಯೂರೋಫೈಟರ್ ಟೈಫೂನ್(ಬ್ರಿಟನ್)
ರಫೇಲ್(ಫ್ರಾನ್ಸ್)
ಖರೀದಿ ಏಕೆ?
ಚೀನಾ ಹಾಗೂ ಪಾಕಿಸ್ತಾನದ ಸಂಭಾವ್ಯ ಯುದ್ಧ ಎದುರಿಸಲು ವಾಯುಸೇನೆಗೆ ಕನಿಷ್ಠ 42 ಸ್ಕ್ವಾಡ್ರನ್ ಅಗತ್ಯವಿದೆ. ಪ್ರತಿ ಸ್ಕ್ವಾಡ್ರನ್ನಲ್ಲಿ 16-18 ಯುದ್ಧ ವಿಮಾನಗಳಿರುತ್ತವೆ.
ಭಾರತೀಯ ವಾಯುಸೇನೆ ಕೇವಲ 31 ಸ್ಕ್ವಾಡ್ರನ್ ಹೊಂದಿದೆ.
ಪಾಕಿಸ್ತಾನವು 23 ಸ್ಕ್ವಾಡ್ರನ್ ಗಳನ್ನು ಹೊಂದಿದೆ.
ಚೀನಾದಲ್ಲಿ 2100 ಯುದ್ಧ ವಿಮಾನಗಳಿವೆ.
ಮಿಗ್ ಶ್ರೇಣಿಯ 4 ಸ್ಕ್ವಾಡ್ರನ್ 2019ರಲ್ಲಿ ನಿವೃತ್ತಿಯಾಗುತ್ತಿವೆ.
ತೇಜಸ್ ಯುದ್ಧ ವಿಮಾನ ತಯಾರಿಕೆಯಲ್ಲಿ ವಿಳಂಬ.
ಮುಂದಿನ ಹಾದಿಯೇನು?
2019ರ ವೇಳೆಗೆ 36 ಸುಖೋಯ್ ಯುದ್ಧವಿಮಾನ ಲಭ್ಯ.
2019-22ರ ಅವಧಿಯಲ್ಲಿ 36 ರಫೇಲ್ ಯುದ್ಧವಿಮಾನ ಬರಲಿವೆ.
123 ತೇಜಸ್ ಯುದ್ಧವಿಮಾನ ನಿರ್ಮಾಣ ಹಂತದಲ್ಲಿದೆ.
ರಫೇಲ್ ಖರೀದಿ ಕತೆ ಏನು?
ಕೇಂದ್ರ ಸರ್ಕಾರವು ಈಗಾಗಲೇ ಫ್ರಾನ್ಸ್ನ ದಸಾಲ್ಟ್ ಕಂಪನಿಯಿಂದ 36 ರಫೇಲ್ ಯುದ್ಧ ವಿಮಾನಗಳನ್ನು 59,000 ಕೋಟಿಗೆ ರೂ.ಗೆ ಖರೀದಿಸುತ್ತಿದೆ. ಇದೇ ಒಪ್ಪಂದ ಮುಂದುವರಿಸಿ ಉಳಿದ 114 ವಿಮಾನಗಳನ್ನು ಖರೀದಿಸಲು ವಾಯುಸೇನೆ ಆಸಕ್ತಿ ತೋರಿದೆ. ಆದರೆ ರಫೇಲ್ ವಿರುದ್ಧ ದೇಶದ ರಾಜಕೀಯ ವಲಯದಲ್ಲಿ ನಡೆಯುತ್ತಿರುವ ಚರ್ಚೆ ಹಿನ್ನೆಲೆಯಲ್ಲಿ ಒಪ್ಪಂದವನ್ನು ವಿಸ್ತರಿಸುವ ಸಾಧ್ಯತೆ ಕಡಿಮೆ ಎನ್ನಲಾಗಿದೆ.
ಈ ಒಪ್ಪಂದವು ಎರಡು ಸರ್ಕಾರಗಳ ಮಧ್ಯೆ ಇರುವುದರಿಂದ ಪಾರದರ್ಶಕ ಹಾಗೂ ಸುರಕ್ಷಿತವಾಗಿತ್ತು. ಕಡಿಮೆ ಅವಧಿಯಲ್ಲಿ ಯುದ್ಧ ವಿಮಾನಗಳ ಪೂರೈಕೆಯೂ ಆಗಲಿದೆ ಎನ್ನುವುದು ಅಧಿಕಾರಿಗಳ ವಾದವಾಗಿದೆ. 2019-22ರ ಅವಧಿಯಲ್ಲಿ ಭಾರತಕ್ಕೆ 36 ರಫೇಲ್ ಯುದ್ಧ ವಿಮಾನಗಳು ಬರಲಿವೆ.
ನವದೆಹಲಿ: ರಫೇಲ್ ಯುದ್ಧ ವಿಮಾನ ಖರೀದಿ ವಿವಾದವು ತಾರಕಕ್ಕೇರುತ್ತಿರುವಾಗಲೇ ಕೇಂದ್ರ ಸರ್ಕಾರ 114 ಹೊಸ ಯುದ್ಧ ವಿಮಾನ ಖರೀದಿಗೆ ಮುಂದಾಗಿದೆ.
ವಾಯುಸೇನೆಗೆ ತುರ್ತು ಅಗತ್ಯವಿರುವ 114 ಯುದ್ಧ ವಿಮಾನ ಖರೀದಿಯ -ಠಿ; 1.5 ಲಕ್ಷ ಕೋಟಿ ಮೊತ್ತದ ಯೋಜನೆಗೆ ರಕ್ಷಣಾ ಸಚಿವ ನಿರ್ಮಲಾ ಸೀತಾರಾಮನ್ ನೇತೃತ್ವದ ರಕ್ಷಣಾ ಸ್ವಾಧೀನ ಮಂಡಳಿ ಒಪ್ಪಿಗೆ ಸೂಚಿಸುವ ಸಾಧ್ಯತೆಯಿದೆ. ಮಾಸಾಂತ್ಯದಲ್ಲಿ ನಡೆಯುವ ಸಭೆಯಲ್ಲಿ ಈ ಕುರಿತು ಅಂತಿಮ ನಿರ್ಣಯವಾಗಲಿದೆ. ಎನ್ಡಿಎ ಸರ್ಕಾರದ ಅವಧಿಯ ಅತಿ ದೊಡ್ಡ ರಕ್ಷಣಾ ಖರೀದಿ ಇದಾಗಲಿದೆ. ಈ ಒಪ್ಪಂದವು ಭೌತಿಕವಾಗಿ ಜಾರಿಯಾಗಲು ಕನಿಷ್ಠ 3 ವರ್ಷ ಬೇಕಾಗಬಹುದು ಎಂದು ಅಂದಾಜಿಸಲಾಗಿದೆ. ಒಪ್ಪಂದವಾದ ಬಳಿಕ ವಿಮಾನಗಳು ವಾಯುಸೇನೆಗೆ ಸೇರಲು ಮತ್ತೆ 3 ವರ್ಷ ಬೇಕಾಗುತ್ತದೆ. ಆದರೆ ಚೀನಾ ಹಾಗೂ ಪಾಕಿಸ್ತಾನದ ಗಡಿ ತಂಟೆಯ ಕಾರಣದಿಂದ ಕಡಿಮೆ ಅವಧಿಯಲ್ಲಿ ಯುದ್ಧ ವಿಮಾನ ಭಾರತಕ್ಕೆ ಬರುವಂತಾಗಬೇಕು ಎನ್ನುವುದು ವಾಯುಸೇನೆಯ ಆಗ್ರಹವಾಗಿದೆ.
ರಕ್ಷಣಾ ಸಚಿವರ ನೇತೃತ್ವದ ಮಂಡಳಿ ಖರೀದಿಗೆ ತಾತ್ತಿ್ವಕ ಒಪ್ಪಿಗೆ ನೀಡುತ್ತಿದ್ದಂತೆ, ವಾಯುಸೇನೆ ಟೆಂಡರ್ ಕರೆಯಲಿದೆ. ವಿದೇಶಿ ಕಂಪನಿಗಳ ಟೆಂಡರ್ ಬಿಡ್ ನೋಡಿ, ಅಂತಿಮ ನಿರ್ಧಾರ ಮಾಡಲಾಗುತ್ತದೆ. ಇದಕ್ಕೆ ಕನಿಷ್ಠ 3 ತಿಂಗಳು ಅವಕಾಶ ನೀಡಬೇಕು. ಈ ಪ್ರಕ್ರಿಯೆ ಬಳಿಕ ವಾಯುಸೇನೆಯ ಷರತ್ತು ಹಾಗೂ ಇತರ ವಿಚಾರಗಳನ್ನು ಮುಂದಿಟ್ಟುಕೊಂಡು ಕಂಪನಿಗಳ ಜತೆ ಮಾತುಕತೆ ನಡೆಯಲಿದೆ. ಭಾರತ ಸರ್ಕಾರದ ಎಲ್ಲ ಷರತ್ತು ಒಪ್ಪಿಕೊಂಡ ಬಳಿಕ ಅಂತಿಮ ಒಪ್ಪಂದಕ್ಕೆ ಸಹಿ ಹಾಕಲಾಗುತ್ತದೆ.
ಮೇಕ್ ಇನ್ ಇಂಡಿಯಾ: ವಾಯುಸೇನೆ ಖರೀದಿಸಲಿರುವ 114 ಯುದ್ಧ ವಿಮಾನಗಳಲ್ಲಿ ಕೇವಲ 18 ವಿಮಾನಗಳನ್ನು ನೇರವಾಗಿ ಆಮದು ಮಾಡಿಕೊಳ್ಳಲಾಗುತ್ತದೆ. ಉಳಿದ 96 ಯುದ್ಧ ವಿಮಾನಗಳನ್ನು ಭಾರತದಲ್ಲಿಯೇ ನಿರ್ವಿುಸುವ ಷರತ್ತು ಹಾಕಲಾಗಿದೆ. ಇದರಿಂದ ಭಾರತದಲ್ಲಿ ದೊಡ್ಡ ಪ್ರಮಾಣದ ಕೈಗಾರಿಕೆ ಹಾಗೂ ಉದ್ಯೋಗಕ್ಕೆ ಅನುವು ಮಾಡಿಕೊಡಲಿದೆ. ಈ ಷರತ್ತಿನಿಂದ ಯುದ್ಧ ವಿಮಾನವು ವಾಯುಸೇನೆ ಸೇರುವುದು ವಿಳಂಬವಾಗಲಿದೆ ಎಂದು ಅಧಿಕಾರಿಗಳು ಆತಂಕವ್ಯಕ್ತಪಡಿಸಿದ್ದಾರೆ. ಆದರೆ ಸರ್ಕಾರ ಮೇಕ್ ಇನ್ ಇಂಡಿಯಾಕ್ಕೆ ಒತ್ತು ಕೊಡಲು ನಿರ್ಧರಿಸಿದೆ.
ರೇಸ್ನಲ್ಲಿ ಯಾವ್ಯಾವ ವಿಮಾನಗಳು?
ಮಿಗ್-35(ರಷ್ಯಾ)
ಎಫ್-16, ಎಫ್-18(ಅಮೆರಿಕ)
ಗ್ರಿಪನ್-ಇ(ಸ್ವೀಡನ್)
ಯೂರೋಫೈಟರ್ ಟೈಫೂನ್(ಬ್ರಿಟನ್)
ರಫೇಲ್(ಫ್ರಾನ್ಸ್)
ಖರೀದಿ ಏಕೆ?
ಚೀನಾ ಹಾಗೂ ಪಾಕಿಸ್ತಾನದ ಸಂಭಾವ್ಯ ಯುದ್ಧ ಎದುರಿಸಲು ವಾಯುಸೇನೆಗೆ ಕನಿಷ್ಠ 42 ಸ್ಕ್ವಾಡ್ರನ್ ಅಗತ್ಯವಿದೆ. ಪ್ರತಿ ಸ್ಕ್ವಾಡ್ರನ್ನಲ್ಲಿ 16-18 ಯುದ್ಧ ವಿಮಾನಗಳಿರುತ್ತವೆ.
ಭಾರತೀಯ ವಾಯುಸೇನೆ ಕೇವಲ 31 ಸ್ಕ್ವಾಡ್ರನ್ ಹೊಂದಿದೆ.
ಪಾಕಿಸ್ತಾನವು 23 ಸ್ಕ್ವಾಡ್ರನ್ ಗಳನ್ನು ಹೊಂದಿದೆ.
ಚೀನಾದಲ್ಲಿ 2100 ಯುದ್ಧ ವಿಮಾನಗಳಿವೆ.
ಮಿಗ್ ಶ್ರೇಣಿಯ 4 ಸ್ಕ್ವಾಡ್ರನ್ 2019ರಲ್ಲಿ ನಿವೃತ್ತಿಯಾಗುತ್ತಿವೆ.
ತೇಜಸ್ ಯುದ್ಧ ವಿಮಾನ ತಯಾರಿಕೆಯಲ್ಲಿ ವಿಳಂಬ.
ಮುಂದಿನ ಹಾದಿಯೇನು?
2019ರ ವೇಳೆಗೆ 36 ಸುಖೋಯ್ ಯುದ್ಧವಿಮಾನ ಲಭ್ಯ.
2019-22ರ ಅವಧಿಯಲ್ಲಿ 36 ರಫೇಲ್ ಯುದ್ಧವಿಮಾನ ಬರಲಿವೆ.
123 ತೇಜಸ್ ಯುದ್ಧವಿಮಾನ ನಿರ್ಮಾಣ ಹಂತದಲ್ಲಿದೆ.
ರಫೇಲ್ ಖರೀದಿ ಕತೆ ಏನು?
ಕೇಂದ್ರ ಸರ್ಕಾರವು ಈಗಾಗಲೇ ಫ್ರಾನ್ಸ್ನ ದಸಾಲ್ಟ್ ಕಂಪನಿಯಿಂದ 36 ರಫೇಲ್ ಯುದ್ಧ ವಿಮಾನಗಳನ್ನು 59,000 ಕೋಟಿಗೆ ರೂ.ಗೆ ಖರೀದಿಸುತ್ತಿದೆ. ಇದೇ ಒಪ್ಪಂದ ಮುಂದುವರಿಸಿ ಉಳಿದ 114 ವಿಮಾನಗಳನ್ನು ಖರೀದಿಸಲು ವಾಯುಸೇನೆ ಆಸಕ್ತಿ ತೋರಿದೆ. ಆದರೆ ರಫೇಲ್ ವಿರುದ್ಧ ದೇಶದ ರಾಜಕೀಯ ವಲಯದಲ್ಲಿ ನಡೆಯುತ್ತಿರುವ ಚರ್ಚೆ ಹಿನ್ನೆಲೆಯಲ್ಲಿ ಒಪ್ಪಂದವನ್ನು ವಿಸ್ತರಿಸುವ ಸಾಧ್ಯತೆ ಕಡಿಮೆ ಎನ್ನಲಾಗಿದೆ.
ಈ ಒಪ್ಪಂದವು ಎರಡು ಸರ್ಕಾರಗಳ ಮಧ್ಯೆ ಇರುವುದರಿಂದ ಪಾರದರ್ಶಕ ಹಾಗೂ ಸುರಕ್ಷಿತವಾಗಿತ್ತು. ಕಡಿಮೆ ಅವಧಿಯಲ್ಲಿ ಯುದ್ಧ ವಿಮಾನಗಳ ಪೂರೈಕೆಯೂ ಆಗಲಿದೆ ಎನ್ನುವುದು ಅಧಿಕಾರಿಗಳ ವಾದವಾಗಿದೆ. 2019-22ರ ಅವಧಿಯಲ್ಲಿ ಭಾರತಕ್ಕೆ 36 ರಫೇಲ್ ಯುದ್ಧ ವಿಮಾನಗಳು ಬರಲಿವೆ.
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ