**ಜ್ಞಾನ ಕಾರಂಜಿ**::: ಮುಂದಿದೆ ಇನ್ನೆರಡು ವಿಲೀನ,

ಮುಂದಿನ ಹಂತದಲ್ಲಿ ಪಂಜಾಬ್ ನ್ಯಾಷನಲ್ ಬ್ಯಾಂಕ್ (ಪಿಎನ್​ಬಿ), ಇಂಡಿಯನ್ ಬ್ಯಾಂಕ್ ಮತ್ತು ಇಂಡಿಯನ್ ಓವರ್​ಸೀಸ್ ಬ್ಯಾಂಕ್​ಗಳ ಒಗ್ಗೂಡಿಸುವುದು ಮತ್ತು ಕೆನರಾ, ಸಿಂಡಿಕೇಟ್ ಮತ್ತು ಯುಕೋ ಬ್ಯಾಂಕ್​ಗಳನ್ನು ವಿಲೀನ ಮಾಡುವ ಪ್ರಸ್ತಾವನೆ ಕೇಂದ್ರ ಸರ್ಕಾರದ ಮುಂದಿದೆ.
ಈ ಮಧ್ಯೆ, ಬ್ಯಾಂಕ್ ಆಫ್ ಬರೋಡಾ ವಿಜಯಾ, ದೇನಾ ಬ್ಯಾಂಕ್​ಗಳ ವಿಲೀನ ನಿರ್ಧಾರದ ಬೆನ್ನಿಗೆ ಷೇರುಪೇಟೆಯಲ್ಲಿ ಬ್ಯಾಂಕಿಂಗ್ ಷೇರು ಕುಸಿತ ಕಂಡಿದೆ. ಬ್ಯಾಂಕ್ ಆಫ್ ಬರೋಡಾದ ಷೇರು ಮೌಲ್ಯ ಶೇ. 17 ಕುಸಿದಿದ್ದು, ನಿಫ್ಟಿ ವಹಿವಾಟು ಆರಂಭವಾದ 50 ನಿಮಿಷಗಳಲ್ಲೆ ಸುಮಾರು -ಠಿ; 500 ಕೋಟಿ ನಷ್ಟವಾಯಿತು. ವಿಜಯಾ ಬ್ಯಾಂಕ್ ಷೇರು ಶೇ. 7ರಷ್ಟು ಇಳಿಕೆಯಾಗಿದೆ. ಆದರೆ, ದೇನಾ ಬ್ಯಾಂಕ್ ಷೇರು ಮೌಲ್ಯ ಶೇ. 19 ವೃದ್ಧಿ ಕಂಡಿದೆ.
ಬ್ಯಾಂಕ್ ಆಫ್ ಬರೋಡಾ, ವಿಜಯಾ ಮತ್ತು ದೇನಾ ಬ್ಯಾಂಕ್​ಗಳ ವಿಲೀನದ ಪ್ರಕ್ರಿಯೆ ಪೂರ್ಣವಾಗಲು 3ರಿಂದ 6 ತಿಂಗಳು ಹಿಡಿಯುವುದರಿಂದ ಈ ವರ್ಷದಲ್ಲಿ ಮತ್ತೆ ಬ್ಯಾಂಕ್​ಗಳ ವಿಲೀನದ ಘೋಷಣೆ ಹೊರಬೀಳುವುದು ಅನುಮಾನ. ಮುಂದಿನ ವರ್ಷ ಲೋಕಸಭಾ ಚುನಾವಣೆಗೂ ಮುಂಚೆ ಅಥವಾ ನಂತರ ಮತ್ತೆ ಚುರುಕುಗೊಳ್ಳಬಹುದು ಎಂದು ಮೂಲಗಳು ತಿಳಿಸಿವೆ.
ಇನ್ನೆರಡು ಪ್ರಸ್ತಾವನೆ: ಮುಂದಿನ ಹಂತದಲ್ಲಿ ವಿಲೀನವಾಗಲಿದೆ ಎನ್ನಲಾಗಿರುವ ಪಿಎನ್​ಬಿ ಹಾಲಿ ವಹಿವಾಟು -ಠಿ; 10,45,650 ಕೋಟಿ ಇದ್ದರೆ, ಇಂಡಿಯನ್ ಬ್ಯಾಂಕ್​ನ ವಹಿವಾಟು -ಠಿ;3,74,550 ಕೋಟಿ ಮತ್ತು ಇಂಡಿಯನ್ ಓವರ್​ಸೀಸ್ ಬ್ಯಾಂಕ್​ನ ವಹಿವಾಟು -ಠಿ;3,61,928 ಕೋಟಿಯಷ್ಟಿದೆ. ಪಿಎನ್​ಬಿ -ಠಿ;6,30,311 ಕೋಟಿ, ಇಂಡಿಯನ್ ಬ್ಯಾಂಕ್ -ಠಿ; 2,10,170 ಕೋಟಿ ಹಾಗೂ ಇಂಡಿಯನ್ ಓವರ್​ಸೀಸ್ ಬ್ಯಾಂಕ್ -ಠಿ; 2,13,168 ಕೋಟಿ ಠೇವಣಿ ಸಂಗ್ರಹ ಇದೆ.
ವಿಲೀನದ ಪರಿಶೀಲನೆಯಲ್ಲಿರುವ ಕೆನರಾ, ಸಿಂಡಿಕೇಟ್ ಮತ್ತು ಯುಕೋ ಬ್ಯಾಂಕ್​ಗಳ ವಾರ್ಷಿಕ ವಹಿವಾಟು ಕ್ರಮವಾಗಿ -ಠಿ; 8,63,359 ಕೋಟಿ, -ಠಿ; 4,74,976 ಕೋಟಿ ಮತ್ತು -ಠಿ; 2,76,784 ಇದೆ. ಕೆನರಾ ಬ್ಯಾಂಕ್​ನಲ್ಲಿ -ಠಿ; 5,00,866, ಸಿಂಡಿಕೇಟ್ ಬ್ಯಾಂಕ್​ನಲ್ಲಿ -ಠಿ; 4,05,939 ಮತ್ತು ಯುಕೋ ಬ್ಯಾಂಕ್​ನಲ್ಲಿ -ಠಿ; 1,78,211 ಕೋಟಿ ಠೇವಣಿ ಸಂಗ್ರಹ ಇದೆ.
ಏ. 1ರಿಂದ ಕಾರ್ಯಾರಂಭ
ಬ್ಯಾಂಕ್ ಆಫ್ ಬರೋಡಾ, ವಿಜಯಾ ಮತ್ತು ದೇನಾ ಬ್ಯಾಂಕ್​ಗಳ ವಿಲೀನದಿಂದ ರಚನೆಯಾಗುವ ಹೊಸ ಬ್ಯಾಂಕ್ ಮುಂದಿನ ಆರ್ಥಿಕ ವರ್ಷದಿಂದ (ಏಪ್ರಿಲ್ 1) ಕಾರ್ಯಾರಂಭ ಮಾಡಲಿದೆ.
‘ಮೂಡಿ’ಸ್ ಶ್ಲಾಘನೆ
ಭಾರತದಲ್ಲಿ ಬ್ಯಾಂಕ್​ಗಳ ವಿಲೀನ ಪ್ರಕ್ರಿಯೆ ಆರಂಭವಾಗಿ ರುವುದು ಸ್ವಾಗತಾರ್ಹ ಬೆಳವಣಿಗೆ. ಇದರಿಂದ ಬ್ಯಾಂಕ್​ಗಳ ಕಾರ್ಯ ಕ್ಷಮತೆ ಹೆಚ್ಚುವ ಜತೆಗೆ ದೇಶದ ಆರ್ಥಿಕ ಪ್ರಗತಿಯೂ ಆಗಲಿದೆ ಎಂದು ಜಾಗತಿಕ ಕ್ರೆಡಿಟ್ ರ‍್ಯಾಂಕಿಂಗ್ ಸಂಸ್ಥೆ ಮೂಡಿ’ಸ್ ಇನ್ವೆಸ್ಟರ್ಸ್ ಸರ್ವೀಸ್ ಹೇಳಿದೆ.
ಜೇಟ್ಲಿ ಜತೆ ಬ್ಯಾಂಕ್ ಮುಖ್ಯಸ್ಥರ ಸಭೆ
ಸಾರ್ವಜನಿಕ ವಲಯದ ಬ್ಯಾಂಕ್​ಗಳ ಮುಖ್ಯಸ್ಥರನ್ನು ಕೇಂದ್ರ ವಿತ್ತ ಸಚಿವ ಅರುಣ್ ಜೇಟ್ಲಿ ಸೆ. 25ರಂದು ಭೇಟಿ ಮಾಡಲಿದ್ದಾರೆ. ಬ್ಯಾಂಕ್​ಗಳ ಹಣಕಾಸು ನಿರ್ವಹಣೆ ಕುರಿತ ಅವರು ಪರಿಶೀಲನಾ ಸಭೆ ನಡೆಸಲಿದ್ದಾರೆ. ಅನುತ್ಪಾದಕ ಆಸ್ತಿ ತಗ್ಗಿಸಲು ಕೈಗೊಂಡ ಕ್ರಮಗಳ ಬಗ್ಗೆಯೂ ಚರ್ಚೆ ನಡೆಸಲಿದ್ದಾರೆ.
ಆರ್​ಬಿಐ ಶಿಫಾರಸು
ಖಾಸಗಿ ಬ್ಯಾಂಕ್​ಗಳ ಜತೆಗೆ ಸ್ಪರ್ಧಾತ್ಮಕ ಪೈಪೋಟಿ ನೀಡಬೇಕಿದ್ದರೆ ಸಾರ್ವಜನಿಕ ವಲಯದ 21 ಬ್ಯಾಂಕ್​ಗಳನ್ನು ವಿಲೀನ ಮಾಡಿ ನಾಲ್ಕೈದು ದೊಡ್ಡ ಬ್ಯಾಂಕ್​ಗಳನ್ನಾಗಿ ರಚಿಸುವುದು ಒಳಿತು ಎಂದು ಆರ್​ಬಿಐ ಈ ಹಿಂದೆಯೇ ಶಿಫಾರಸು ಮಾಡಿದೆ. ಇದರ ಅನ್ವಯ ಈಗಾಗಲೇ ಎಸ್​ಬಿಐನ ಐದು ಸಹವರ್ತಿ ಬ್ಯಾಂಕ್ ಮತ್ತು ಭಾರತೀಯ ಮಹಿಳಾ ಬ್ಯಾಂಕನ್ನು ಎಸ್​ಬಿಐ ಜತೆಗೆ ಕಳೆದ ವರ್ಷ ಒಗ್ಗೂಡಿಸಲಾಗಿದೆ. ವಸೂಲಾಗದ ಸಾಲ ಮತ್ತು ಅನುತ್ಪಾದಕ ಆಸ್ತಿ ಹೆಚ್ಚಳದಿಂದ ತತ್ತರಿಸುತ್ತಿರುವ ಬ್ಯಾಂಕ್​ಗಳನ್ನು ಉಳಿಸಬೇಕಾದರೆ ವಿಲೀನ ಅನಿವಾರ್ಯ ಎಂಬ ನಿರ್ಧಾರವನ್ನು ಕೇಂದ್ರ ಸರ್ಕಾರ ತೆಗೆದುಕೊಂಡಿದೆ. ಇದನ್ನು ಬಜೆಟ್​ನಲ್ಲೂ ಉಲ್ಲೇಖಿಸಿದೆ.
ಎರಡು ದಿನಗಳಲ್ಲಿ -ಠಿ; 2.72 ಲಕ್ಷ ಕೋಟಿ ನಷ್ಟ
ಮೂರು ಬ್ಯಾಂಕ್​ಗಳ ವಿಲೀನದ ನಿರ್ಧಾರ ಮತ್ತು ಚೀನಾ ಸರಕುಗಳ ಮೇಲೆ ಅಮೆರಿಕ ಹೆಚ್ಚುವರಿ ಸುಂಕ ವಿಧಿಸಿದ ಪರಿಣಾಮ ಬಾಂಬೆ ಷೇರುಪೇಟೆ (ಬಿಎಸ್​ಇ) ಮತ್ತು ರಾಷ್ಟ್ರೀಯ ಷೇರುಪೇಟೆ (ನಿಫ್ಟಿ)ಯಲ್ಲಿ ಉಂಟಾಯಿತು.ಬೇರೆ ಬೇರೆ ಕಾರಣಗಳಿಗೆ ಕಳೆದೆರಡು ದಿನಗಳಲ್ಲಿ ಹೂಡಿಕೆದಾರರು 2.72 ಲಕ್ಷ ಕೋಟಿ ನಷ್ಟ ಅನುಭವಿಸಿದ್ದಾರೆ. ಬಿಎಸ್​ಇಯಲ್ಲಿ ಮಂಗಳವಾರ 295 ಪಾಯಿಂಟ್​ಗಳು ಇಳಿಕೆಯಾಗಿ ಒಂದು ತಿಂಗಳ ಹಿಂದಿನ ಸೂಚ್ಯಂಕ 37,291ಕ್ಕೆ ತಲುಪಿತು.140 ಕಂಪನಿಗಳ ಷೇರು ಮೌಲ್ಯ ಕುಸಿತವಾಗಿದ್ದು, 52 ವಾರಗಳ ಹಿಂದಿದ್ದ ಮೌಲ್ಯಕ್ಕೆ ಹಿನ್ನಡೆ ಕಂಡಿತು. ನಿಫ್ಟಿಯಲ್ಲಿ 98 ಅಂಶ ಕುಸಿದು, ಸಂವೇದಿ ಸೂಚ್ಯಂಕ 11,300ಕ್ಕಿಂತಲೂ ಕಡಿಮೆ ಆಯಿತು. ಇದರಿಂದ ಸೋಮವಾರ -ಠಿ; 1.72 ಲಕ್ಷ ಕೋಟಿ ಹೂಡಿಕೆ ನಷ್ಟವಾಯಿತು. ಈ ನಡುವೆ, ಡಾಲರ್ ಎದುರು ದಿನೇ ದಿನೆ ಸೊರಗುತ್ತಿರುವ ರೂಪಾಯಿ ಮಂಗಳವಾರ 47 ಪೈಸೆ ಕುಸಿದು, 72.99ಕ್ಕೆ ಸ್ಥಿರಗೊಂಡಿತು. ಇದು ರೂಪಾಯಿ ಮೌಲ್ಯದ ಸಾರ್ವಕಾಲಿಕ ಅಧಃಪತನವಾಗಿದೆ.