**ಜ್ಞಾನ ಕಾರಂಜಿ**::: ಆಧಾರ್​ಗೆ ಪರ್ಯಾಯ ವ್ಯವಸ್ಥೆಗೆ ಟೆಲಿಕಾಂ ಕಂಪನಿಗಳಿಗೆ 15 ದಿನ ಗಡುವು,

ಗ್ರಾಹಕರ ದೃಢೀಕರಣಕ್ಕಾಗಿ ಆಧಾರ್​ ಬಳಸುವುದನ್ನು ನಿಲ್ಲಿಸುವ ಬಗ್ಗೆ ನಿಮ್ಮ ಯೋಜನೆಗಳನ್ನು ಇನ್ನು 15 ದಿನಗಳಲ್ಲಿ ಸಲ್ಲಿಸಬೇಕು ಎಂದು ವಿಶಿಷ್ಟ ಗುರುತಿನ ಪ್ರಾಧಿಕಾರ (UIDAI) ಟೆಲಿಕಾಂ ಕಂಪನಿಗಳಿಗೆ ತಿಳಿಸಿದೆ.
ಆಧಾರ್​ ಕಡ್ಡಾಯವಲ್ಲ ಎಂದು ಸುಪ್ರೀಂಕೋರ್ಟ್​ ಆದೇಶ ಹೊರಡಿಸಿದ ಬಳಿಕ, ಯುಡಿಎಐ ಸೋಮವಾರ ಸರ್ಕ್ಯುಲರ್​ ಹೊರಡಿಸಿದೆ. ಎಲ್ಲ ಟೆಲಿಕಾಂ ಕಂಪನಿಗಳೂ ಸುಪ್ರೀಂಕೋರ್ಟ್​ ಆದೇಶವನ್ನು ಅನುಸರಿಸಿ ತಕ್ಷಣ ಕ್ರಮ ಕೈಗೊಳ್ಳಬೇಕು. 15 ದಿನಗಳ ಒಳಗೆ ಆಧಾರ್​ ಬಳಕೆಯಿಂದ ಹೊರಬರಲು ಯೋಜನೆಗಳನ್ನು ರೂಪಿಸಬೇಕು ಎಂದು ಹೇಳಿವೆ.
ಕಳೆದ ವಾರ ಸುಪ್ರೀಂಕೋರ್ಟ್​ ಸರ್ಕಾರದ ಕಲ್ಯಾಣ ಯೋಜನೆಗಳ ಫಲಾನುಭವಿಗಳಾಗುವುದನ್ನುಹೊರತುಪಡಿಸಿ ಟೆಲಿಕಾಂ, ಬ್ಯಾಂಕ್, ಶಾಲಾ ಕಾಲೇಜುಗಳಿಗೆ ಆಧಾರ್ ಕಡ್ಡಾಯವಲ್ಲ ಎಂದಿತ್ತು. ಅಲ್ಲದೆ, 12 ಡಿಜಿಟ್​ನ ಬಯೋಮೆಟ್ರಿಕ್​ ಆಧರಿತ ಇಕೆವೈಸಿಗೆ ಅವಕಾಶ ಮಾಡಿಕೊಟ್ಟಿದೆ. ಹಾಗಾಗಿ ಖಾಸಗಿ ಕಂಪನಿಗಳು ಆಧಾರ್​ ಇ-ಕೆವೈಸಿ ಪದ್ಧತಿಯನ್ನು ಕೈಬಿಡಬೇಕಾಗಿದೆ. ಉದ್ಯಮಗಳು ಆಧಾರ್​ಗೆ ಪರ್ಯಾಯವಾಗಿ ಮಾರ್ಗ ಕಂಡುಕೊಳ್ಳಲೇಬೇಕು.
ಗ್ರಾಹಕರ ಸಹಿ, ಫೋಟೋ ಇರುವ ಹಣ, ಆಸ್ತಿ ಪತ್ರಗಳನ್ನು ಪರಿಶೀಲನಾ ಕೇಂದ್ರಕ್ಕೆ ಸಾಗಿಸಬೇಕು. ಮತ್ತು ಸಂಬಂಧಪಟ್ಟ ಗ್ರಾಹಕರನ್ನು ಕರೆದು ಪರಿಶೀಲಿಸಲು ಹೇಳಬೇಕು. ಇದೆಲ್ಲ ಪತ್ರ ಸಲ್ಲಿಸಿದ 24-36 ಗಂಟೆಯೊಳಗೆ ಆಗಬೇಕು ಎಂದು UIDAI ಅಭಿಪ್ರಾಯ ಪಟ್ಟಿದೆ.