**ಜ್ಞಾನ ಕಾರಂಜಿ**::: ಹಿಂಗಾರು ಬೆಳೆಗೂ ಬೆಂಬಲ ಬೆಲೆ,

ಹಿಂಗಾರು ಬೆಳೆಗೂ ಬೆಂಬಲ ಬೆಲೆ ನೀಡುವ ಮಹತ್ವದ ತೀರ್ವನವನ್ನು ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸಚಿವ ಸಂಪುಟ ಬುಧವಾರ ಕೈಗೊಂಡಿದೆ. ಮುಂಗಾರು ಬೆಳೆಗಳ ಜತೆಗೆ ಎಲ್ಲ ರೀತಿಯ ಹಿಂಗಾರು ಕೃಷಿ ಬೆಳೆಗಳಿಗೂ ಕನಿಷ್ಠ ಬೆಂಬಲ ಬೆಲೆ(ಎಂಎಸ್​ಪಿ) ದೊರೆಯಲಿದೆ. ರೈತರ ಆದಾಯ ದ್ವಿಗುಣಗೊಳಿಸುವ ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷಿ ಯೋಜನೆಯನ್ವಯ ಈ ಕ್ರಮ ತೆಗೆದುಕೊಳ್ಳಲಾಗಿದೆ. ಪ್ರಸಕ್ತ ಸಾಲಿನ ಹಿಂಗಾರು ಬೆಳೆ ಮುಂದಿನ ಆರ್ಥಿಕ ಸಾಲಿನಲ್ಲಿ ಮಾರಾಟವಾಗುವಾಗ ಈ ಎಂಎಸ್​ಪಿ ಅನ್ವಯವಾಗಲಿದೆ. ಇದರಿಂದ ರೈತರಿಗೆ ಹೆಚ್ಚುವರಿಯಾಗಿ 62,365 ಕೋಟಿ ರೂ. ಆದಾಯ ಬರಲಿದೆ. ಎಂಎಸ್​ಪಿಯು ಉತ್ಪಾದನೆ ವೆಚ್ಚಕ್ಕಿಂತ ಶೇ.50 ಹೆಚ್ಚಿರಲಿದೆ.
6 ಬೆಳೆಗಳ ಎಂಎಸ್​ಪಿ ಹೆಚ್ಚಳ: ಹಿಂಗಾರು ಬೆಳೆಗಳನ್ನು ಎಂಎಸ್​ಪಿ ವ್ಯಾಪ್ತಿಗೆ ತರುವುದರ ಜತೆಗೆ 6 ಪ್ರಮುಖ ಬೆಳೆಗಳ ಎಂಎಸ್​ಪಿಯನ್ನು ಕೂಡ ಏರಿಸಲಾಗಿದೆ. ಗೋಧಿ(105 ರೂ.), ಬಾರ್ಲಿ(30ರೂ.), ಕಡಲೆಬೇಳೆ(220 ರೂ.), ಮಸೂರ್(225 ರೂ.), ಸೂರ್ಯಕಾಂತಿ(845 ರೂ.) ಹಾಗೂ ಸಾಸಿವೆ(200 ರೂ.) ಎಂಎಸ್​ಪಿ ಹೆಚ್ಚಳವಾಗಿದೆ.

ಇತರ ನಿರ್ಣಯಗಳು
ಖಾಸಗಿ ಸಹಭಾಗಿತ್ವದಲ್ಲಿ ಭಾರತೀಯ ರೈಲ್ವೆ ನಿಲ್ದಾಣ ಅಭಿವೃದ್ಧಿ ಪ್ರಾಧಿಕಾರಗಳಿಂದ ರೈಲ್ವೆ ನಿಲ್ದಾಣ ಅಭಿವೃದ್ಧಿ, 99 ವರ್ಷಗಳವರೆಗೆ ನಿಲ್ದಾಣ ಭೋಗ್ಯಕ್ಕೆ ನೀಡಿಕೆ.
ರಸ್ತೆ ಸಾರಿಗೆ ಹಾಗೂ ಉದ್ಯಮಕ್ಕೆ ಸಂಬಂಧಿಸಿ ಭಾರತ-ರಷ್ಯಾ ಜಂಟಿ ಒಪ್ಪಂದ.
ಇಂದೋರ್ ಹಾಗೂ ಭೋಪಾಲ್ ಮೆಟ್ರೋ ರೈಲು ಯೋಜನೆಗೆ ಸಮ್ಮತಿ.