ವಿಷಯಕ್ಕೆ ಹೋಗಿ

**ಜ್ಞಾನ ಕಾರಂಜಿ**::: ರೋಗಗಳ ಗೂಡಿನಿಂದ ಸ್ವಾಸ್ಥ್ಯದ ಗುಡಿಗೆ

ಸ್ವಾತಂತ್ರ್ಯ ಬಂದಾಗ ದೇಶ ರೋಗಗಳ ಗೂಡಾಗಿತ್ತು, ಎಲುಬಿನ ಹಂದರವಾಗಿತ್ತು. ಹಳ್ಳಿಗಳೇ ಹೆಚ್ಚಾಗಿರುವ ದೇಶದಲ್ಲಿ ಆಗ ಇದ್ದ 33 ಕೋಟಿ ಭಾರತೀಯರ ಆರೋಗ್ಯ ರಕ್ಷ ಣೆಯೇ ಅತಿ ದೊಡ್ಡ ಸವಾಲು. ಹುಟ್ಟುವಾಗಲೇ ಸಾಯುವ ಮಕ್ಕಳು-ತಾಯಂದಿರು, ಅಕಾಲಿಕ ಮರಣ, ರೋಗರುಜಿನಗಳು ದೇಶದ ಆರೋಗ್ಯಕ್ಕೂ ಕಂಟಕಪ್ರಾಯವಾಗಿದ್ದವು. ಆದರೆ, ಈ ಕಷ್ಟ ಕೋಟಲೆಗಳನ್ನು ಮೀರಿ ನಿಂತ ದೇಶ ಇಂದು ಅತ್ಯುತ್ತಮ ಆರೋಗ್ಯ ವ್ಯವಸ್ಥೆಯನ್ನು ಹೊಂದಿರುವ ರಾಷ್ಟ್ರಗಳ ಪಟ್ಟಿಯಲ್ಲಿ 145ನೇ ಸ್ಥಾನ ಪಡೆದಿದೆ. ಅದೆಷ್ಟೋ ಮಾರಣಾಂತಿಕ ರೋಗಗಳನ್ನು ನಿವಾರಿಸಿಕೊಂಡು, ಸರ್ವರಿಗೂ ಆರೋಗ್ಯ ನೀಡುತ್ತಾ ದೇಶವನ್ನು ಬೆಳೆಸಿದ ಸಾಹಸ ದೊಡ್ಡದೇನಲ್ಲ. ಜಾರಿಯ ಹೊಸ್ತಿಲಲ್ಲಿರುವ ಆಯುಷ್ಮಾನ್‌ ಭಾರತ್‌-ಸರ್ವರ ಆರೋಗ್ಯ ರಕ್ಷ ಣೆ ಯೋಜನೆ ನಿಜಕ್ಕೂ ಎಲ್ಲರಲ್ಲೂ ಭರವಸೆ ತುಂಬಿದೆ.

ಪಂಚ ಅರಿಷ್ಟ ನಿವಾರಣೆ

ದೇಶದಲ್ಲಿ ನಿತ್ಯ ಸಾವು, ನೋವಿಗೆ ಕಾರಣವಾಗುತ್ತಿದ್ದ ಪಂಚ ಅರಿಷ್ಟಗಳ ನಿವಾರಣೆ ಸ್ವಾತಂತ್ರ್ಯೋತ್ತರ ಭಾರತದ ಮಹತ್ಸಾಧನೆ. ಕುಷ್ಟ, ಪೋಲಿಯೊ, ಸಿಡುಬು, ಧನುರ್ವಾಯು, ಕೆಂಪು ಗುಳ್ಳೆ ಏಳುವ ಯಾಸ್‌ನ್ನು ಈಗ ದೇಶದಿಂದಲೇ ಹೊರಗಟ್ಟಲಾಗಿದೆ.


ಆರೋಗ್ಯಕರ 145ನೇ ಸ್ಥಾನ ವಿಶ್ವ ಆರೋಗ್ಯ ಸಂಸ್ಥೆಯ ಉತ್ತಮ ಆರೋಗ್ಯ ವ್ಯವಸ್ಥೆಗಳಿರುವ ರಾಷ್ಟ್ರಗಳ ಪಟ್ಟಿಯಲ್ಲಿ ಭಾರತಕ್ಕೆ ಈಗ 145ನೇ ಸ್ಥಾನ. ಈ ಸ್ಥಾನ ಚೀನಾ(48), ಶ್ರೀಲಂಕಾ (71), ಬಾಂಗ್ಲಾ(133), ಭೂತಾನ್‌(134)ಗಳಿಗಿಂತ ಕಡಿಮೆಯಾದರೂ ಸುಧಾರಣೆ ಹಾದಿಯಲ್ಲಿದೆ.

ಲಕ್ಷಾಂತರ ಆಸ್ಪತ್ರೆ

ದೇಶದಲ್ಲಿ ಪ್ರಸಕ್ತ ಸಣ್ಣ ಮತ್ತು ದೊಡ್ಡ ಗಾತ್ರದ ಲಕ್ಷಾಂತರ ಆಸ್ಪತ್ರೆಗಳಿವೆ. 1000 ಮೆಡಿಕಲ್‌, 3123 ನರ್ಸಿಂಗ್‌ ಕಾಲೇಜುಗಳಿವೆ. ಇವುಗಳಲ್ಲಿ ಹೆಚ್ಚು ನಗರ ಕೇಂದ್ರಿತ ಎನ್ನುವುದು ಸತ್ಯ. ಸರಕಾರಿ ಆರೋಗ್ಯ ಕೇಂದ್ರಗಳು ಹಳ್ಳಿಗಳ ಆರೋಗ್ಯ ಕಾಯುತ್ತಿವೆ.

ವಿದೇಶಿ ಆಕರ್ಷಣೆ

ಭಾರತದ ವೈದ್ಯಕೀಯ ಶಿಕ್ಷ ಣ ಮತ್ತು ಚಿಕಿತ್ಸೆಯ ಗುಣಮಟ್ಟ ಜಗತ್ತಿಗೇ ಆಕರ್ಷಕ. ಜಪಾನ್‌, ಚೀನಾ, ಮಲೇಶಿಯಾದಂಥ ಮುಂದುವರಿದ ದೇಶಗಳೂ ಸೇರಿದಂತೆ ವರ್ಷಕ್ಕೆ ಹಲವು ಸಾವಿರ ವಿದ್ಯಾರ್ಥಿಗಳು ಕಲಿಯಲು ಇಲ್ಲಿಗೆ ಬರುತ್ತಾರೆ. ಭಾರತದ ಚಿಕಿತ್ಸೆಗೂ ಬೇಡಿಕೆ.

ಸೌಹಾರ್ದತೆಯ ಚಿಕಿತ್ಸೆ

ಬೆಂಗಳೂರಿನ ನಾರಾಯಣ ಹೃದಯಾಲಯದಲ್ಲಿ ಪಾಕಿಸ್ತಾನದ ಬಾಲಕಿಗೆ ಹೃದಯ ಚಿಕಿತ್ಸೆ, 500 ಕೆಜಿ ತೂಕವಿದ್ದ ಈಜಿಪ್ಟಿನ ಮಹಿಳೆ ಆರೋಗ್ಯ ರಕ್ಷ ಣೆಗೆ ಮುಂಬಯಿ ಆಸ್ಪತ್ರೆಯನ್ನು ಆರಿಸಿದ್ದು ಸೌಹಾರ್ದತೆ ಮತ್ತು ಕಾಳಜಿಯ ಚಿಕಿತ್ಸೆಗೆ ನಿದರ್ಶನ. ಪಾಕಿಸ್ತಾನದಿಂದ ನೂರಾರು ಮಂದಿ ಚಿಕಿತ್ಸೆಗಾಗಿ ದೇಶಕ್ಕೆ ಬರುತ್ತಿದ್ದಾರೆ.

ಮೊದಲ ಹಾರ್ಟ್‌ ಕಸಿ

ದೇಶದ ಮೊದಲ ಹೃದಯ ಕಸಿ ದಿಲ್ಲಿಯ ಎಐಐಎಂಎಸ್‌ನಲ್ಲಿ 1994ರಲ್ಲಿ ನಡೆದಿತ್ತು. ಅಲ್ಲಿಂದ 2015ರವರೆಗೆ 350 ಕಸಿಗಳಾಗಿವೆ. ಈಗ ಹೃದಯವೊಂದೇ ಅಲ್ಲ, 2015ರಲ್ಲಿ 1698, 2017ರಲ್ಲಿ 2,347 ಹಾಗೂ 2017ರಲ್ಲಿ 3000 ಇತರ ಅಂಗಾಂಗಗಳ ಕಸಿ ನಡೆದಿದೆ.

ಮೊದಲ ಪ್ರನಾಳ ಶಿಶು : ಮುಂಬಯಿಯ ಜಸ್ಲೋಕ್‌ ಆಸ್ಪತ್ರೆಯಲ್ಲಿ ದೇಶದ ಮೊದಲ ಪ್ರನಾಳ ಶಿಶು ಜನನವಾಗಿದ್ದು 1978ರಲ್ಲಿ.

ಜಗತ್ತಿನ 5ನೇ ಅತಿ ದೊಡ್ಡ ಆಸ್ಪತ್ರೆ : ಅಹಮದಾಬಾದ್‌ನ ಸಿವಿಲ್‌ ಆಸ್ಪತ್ರೆ 2800 ಬೆಡ್‌ಗಳೊಂದಿಗೆ ಜಗತ್ತಿನ 5ನೇ ಅತಿ ದೊಡ್ಡ ಆಸ್ಪತ್ರೆಯಾಗಿ ದಾಖಲಾಗಿದೆ. ಅದನ್ನು 4800 ಬೆಡ್‌ಗಳಿಗೇರಿಸುವ ಕೆಲಸ ನಡೆಯುತ್ತಿದೆ. ಇಲ್ಲಿ ವರ್ಷಕ್ಕೆ ನಡೆಯುವ ಸರ್ಜರಿಗಳ ಸಂಖ್ಯೆ 26000!

ಜಗತ್ತಿನ ಬೃಹತ್‌ ಹೆಲ್ತ್‌ ಕೇರ್‌ : ಆಯುಷ್ಮಾನ್‌ ಭಾರತ್‌ ಯೋಜನೆಯಡಿ ಜಾರಿಗೆ ಬಂದ ಯುನಿವರ್ಸಲ್‌ ಹೆಲ್ತ್‌ ಕೇರ್‌ ಇಡೀ ಜಗತ್ತಿನಲ್ಲೇ ದೊಡ್ಡದು. 50 ಕೋಟಿ ಮಂದಿಗೆ ವರ್ಷಕ್ಕೆ 5 ಲಕ್ಷ ರೂ. ಆರೋಗ್ಯ ಸುರಕ್ಷೆ.

ಕಾಮೆಂಟ್‌ಗಳು

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

**ಜ್ಞಾನ ಕಾರಂಜಿ**::: ಜುಲೈ 1ರಿಂದ ಬೆಂಗಳೂರು ವಿಜ್ಞಾನೋತ್ಸವ

41 ವರ್ಷಗಳಿಂದ ಒಮ್ಮೆಯೂ ತಪ್ಪದಂತೆ, ವ್ರತದಂತೆ ನಡೆದುಕೊಂಡು ಬಂದಿರುವ ಬೆಂಗಳೂರು ವಿಜ್ಞಾನೋತ್ಸವ ಜುಲೈ ಒಂದರಿಂದ ಆಗಸ್ಟ್ 2ರವರೆಗೂ ನಡೆಯಲಿದೆ. ಭಾರತೀಯ ಕ್ಷಿಪಣಿ ಕ್ಷೇತ್ರದಲ್ಲಿ ಮಿಸೈಲ್ ವುಮನ್ (ಅಗ್ನಿ ಕನ್ಯೆ!) ಎಂದೇ ಖ್ಯಾತರಾಗಿರುವ ಡಾ.ಟೆಸ್ಸಿ ಥಾಮಸ್ ‘ಬಾಹ್ಯಾಕಾಶ ತಂತ್ರಜ್ಞಾನದ ಪ್ರಗತಿ’ ಕುರಿತು ಉಪನ್ಯಾಸ ನೀಡಲಿರುವುದು ಉತ್ಸವದ ವಿಶೇಷಗಳಲ್ಲಿ ಒಂದು. ಕೇರಳದ ತುಂಬಾ ಉಡಾವಣಾ ಕೇಂದ್ರದ ಸಮೀಪದಲ್ಲೇ ಹುಟ್ಟಿ ರಾಕೆಟ್ ಉಡಾವಣೆಯನ್ನು ನೋಡನೋಡುತ್ತ, ಒಂದಲ್ಲ ಒಂದು ದಿವಸ ಅಲ್ಲೇ ಉದ್ಯೋಗಿಯಾಗುವ ಕನಸು ಕಾಣುತ್ತ ಭವಿಷ್ಯದಲ್ಲಿ ನನಸಾಗಿಸಿಕೊಂಡ ಹಿರಿಮೆ ಹೆಮ್ಮೆ ಟೆಸ್ಸಿಯವರದು. ‘ಅಗ್ನಿ-4’ ಕ್ಷಿಪಣಿ ಯೋಜನಾ ನಿರ್ದೇಶಕರಾಗಿ ಕಾರ್ಯ ನಿರ್ವಹಿಸಿ ಸಾಮರ್ಥ್ಯ ಮೆರೆದ ಟೆಸ್ಸಿ ಬಾಹ್ಯಾಕಾಶ ಕ್ಷೇತ್ರದಲ್ಲಿ ಅಗ್ನಿ ಕನ್ಯೆ ಎಂದೇ ಹೆಸರಾದವರು. ಇವರ ಸಾಮರ್ಥ್ಯ ಬೆಳಕಿಗೆ ಕಾರಣರಾದವರು ಎ.ಪಿ.ಜೆ. ಅಬ್ದುಲ್ ಕಲಾಂ! ಜುಲೈ 21ರಂದು ಟೆಸ್ಸಿ ಉಪನ್ಯಾಸ ನೀಡಲಿದ್ದಾರೆ. ವಿಜ್ಞಾನೋತ್ಸವಕ್ಕೆ ವೇದಿಕೆ ಕಲ್ಪಿಸಿರುವ ನ್ಯಾಷನಲ್ ಎಜುಕೇಷನ್ ಸೊಸೈಟಿಗೀಗ 100ರ ಸಂಭ್ರಮ, ಅದೇ ರೀತಿ ಡಾ.ಎಚ್. ನರಸಿಂಹಯ್ಯನವರ ಜನ್ಮ ಶತಾಬ್ದಿಯನ್ನೂ ಈ ಶಿಕ್ಷಣ ಸಂಸ್ಥೆ ಈಗಾಗಲೇ ಆರಂಭಿಸಿದೆ. ಹಾಗಾಗಿ ಈ ಸಲದ ವಿಜ್ಞಾನೋತ್ಸವ ಹೆಚ್ಚು ಮಹತ್ವ ಪಡೆದುಕೊಂಡಿದೆ ಎನ್ನುವುದು ನ್ಯಾಷನಲ್ ಎಜುಕೇಷನ್ ಸೊಸೈಟಿಯ ಹಾಲಿ ಅಧ್ಯಕ್ಷ ಡಾ. ಎ.ಎಚ್.ರಾಮರಾವ್ ಅನಿಸಿಕೆ. ಉದ್ಘಾಟನಾ ಉಪನ್ಯಾಸದ ವಸ್ತು ...

**ಜ್ಞಾನ ಕಾರಂಜಿ**::: ಬೇನಾಮಿ ಆಸ್ತಿ ಪ್ರಕರಣ ವಿಲೇವಾರಿಗೆ ನ್ಯಾಯಾಧಿಕರಣ,

ಬೇನಾಮಿ ಆಸ್ತಿ ವ್ಯವಹಾರಗಳ ಪ್ರಕರಣಗಳ ತ್ವರಿತ ವಿಲೇವಾರಿಗೆ ಪ್ರತ್ಯೇಕ ಪ್ರಾಧಿಕಾರ ಹಾಗೂ ಮೇಲ್ಮನವಿ ನ್ಯಾಯಾಧಿಕರಣ ರಚನೆಗೆ ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಬುಧವಾರ ನಡೆದ ಕೇಂದ್ರ ಸಚಿವ ಸಂಪುಟ ಸಭೆಯಲ್ಲಿ ಇವೆರಡು ಸಂಸ್ಥೆಗಳ ರಚನೆಗೆ ಅನುಮೋದನೆ ನೀಡಲಾಗಿದೆ. ಈಗಾಗಲೇ ದೇಶಾದ್ಯಂತ 34 ವಿಶೇಷ ನ್ಯಾಯಾಲಯಗಳನ್ನು ಆರಂಭಿಸಲಾಗಿದ್ದು, ನೂತನವಾಗಿ ರಚನೆಯಾಗಿರುವ ಸಂಸ್ಥೆಗಳು ಇದಕ್ಕೆ ಪೂರಕವಾಗಿರಲಿವೆ. ಪ್ರಾಧಿಕಾರವು ಕೋಲ್ಕತ, ಮುಂಬೈ ಹಾಗೂ ಚೆನ್ನೈನಲ್ಲಿದ್ದರೆ, ನ್ಯಾಯಾಧಿಕರಣವು ದೆಹಲಿಯಲ್ಲಿರಲಿದೆ. 1988ರಲ್ಲೇ ಬೇನಾಮಿ ವ್ಯವಹಾರಗಳ ನಿಯಂತ್ರಣ ಕಾಯ್ದೆ ರಚನೆಯಾಗಿತ್ತು. ಆದರೆ, ಸೂಕ್ತ ನಿಯಮ ಅಥವಾ ಸಂಸ್ಥೆಗಳನ್ನು ನಂತರ ಅಧಿಕಾರಕ್ಕೆ ಬಂದ ಸರ್ಕಾರಗಳು ರಚಿಸಿರಲಿಲ್ಲ. ಆಶಾ ಕಾರ್ಯಕರ್ತೆಯರಿಗೆ ಉಡುಗೊರೆ: ಅಂಗನವಾಡಿ ಕಾರ್ಯಕರ್ತೆಯರ ಗೌರವಧನ ಏರಿಸಿದ ಬೆನ್ನಲ್ಲೇ ಆಶಾ ಕಾರ್ಯಕರ್ತೆಯರು ಫಲಾನುಭವಿಗಳನ್ನು ಭೇಟಿ ಮಾಡುತ್ತಿದ್ದಕ್ಕೆ ನೀಡುತ್ತಿದ್ದ ಗೌರವಧನದಲ್ಲಿ -ಠಿ; 50 ಏರಿಕೆ ಮಾಡಲಾಗಿದೆ. ಪ್ರಸ್ತುತ ಪ್ರತಿ ಭೇಟಿಗೆ -ಠಿ; 250 ಇದ್ದು, ಇನ್ಮುಂದೆ 300 ದೊರೆಯಲಿದೆ. ಪ್ರತಿ ಆಶಾ ಕಾರ್ಯಕರ್ತೆಯರಿಗೆ ಮಾಸಿಕವಾಗಿ 20 ಭೇಟಿ ಇರಲಿದ್ದು, ಇದರಿಂದ -ಠಿ; 1 ಸಾವಿರ ಹೆಚ್ಚುವರಿ ಗೌರವ ಧನ ದೊರೆಯಲಿದೆ. ಐಐಎಸ್​ಎಸ್ ಸ್ಥಾಪನೆ: ದೇಶದ ವಿವಿಧೆಡೆ ಇಂಡಿಯನ್ ಇನ್​ಸ್ಟಿ ಟ್ಯೂಟ್ ಆಫ್ ಸ್ಕಿಲ್ಸ್ (ಐಐಎಸ್​ಎಸ್) ಆರಂಭಿಸಲು ಕೇಂದ್ರ ಸರ್ಕಾರ ಸಮ್ಮತಿಸಿ...

**ಜ್ಞಾನ ಕಾರಂಜಿ**::: ಕೇಂದ್ರದಿಂದ ಶೀಘ್ರ 3 ಹೊಸ ಕೃಷಿ ಯೋಜನೆ

ನವದೆಹಲಿ: ಖಾರಿಫ್ ಬೆಳೆಗಳಿಗೆ ಕನಿಷ್ಠ ಬೆಂಬಲ ಬೆಲೆ ಹೆಚ್ಚಿಸಿದ ಬೆನ್ನಿಗೆ ಕೇಂದ್ರ ಸರ್ಕಾರ ರೈತರಿಗೆ ನೆರವಾಗುವ ಮತ್ತಷ್ಟು ನೂತನ ನೀತಿಗಳನ್ನು ಘೋಷಿಸಲಿದೆ ಎಂದು ಮೂಲಗಳು ತಿಳಿಸಿವೆ. ಮಧ್ಯವರ್ತಿಗಳ ಹಾವಳಿಯನ್ನು ಸಂಪೂರ್ಣ ತೆಗೆದುಹಾಕುವ ಮೂರು ಹೊಸ ಸಂಗ್ರಹಣೆ ಯೋಜನೆಗಳನ್ನು ಸರ್ಕಾರ ಶೀಘ್ರವೇ ಜಾರಿಗೆ ತರಲಿದೆ ಎನ್ನಲಾಗಿದೆ. ದರ ಕೊರತೆ ಯೋಜನೆ : ಸರ್ಕಾರಿ ಮಂಡಿಗಳಲ್ಲಿ ಬೆಳೆಗಳ ಮಾರುಕಟ್ಟೆ ದರ, ಕನಿಷ್ಠ ಬೆಂಬಲ ಬೆಲೆಗಿಂತ ಹೆಚ್ಚಿದ್ದರೆ ಸರ್ಕಾರದ ಕಡೆಯಿಂದ ರೈತರಿಗೆ ಪರಿಹಾರ ವಿತರಣೆ. ಮಾರುಕಟ್ಟೆ ಖಾತ್ರಿ ಯೋಜನೆ: ಕೇಂದ್ರದ ಅನುಮತಿ ರಹಿತವಾಗಿ ನಿರ್ದಿಷ್ಟ ಬೆಳೆಗಳನ್ನು ನೇರವಾಗಿ ಖರೀದಿಸಲು ರಾಜ್ಯ ಸರ್ಕಾರಗಳಿಗೆ ಅಧಿಕಾರ. ಆಯಾ ರಾಜ್ಯಗಳಲ್ಲಿನ ಬೆಳೆಗಳ ಬೇಡಿಕೆಗೆ ತಕ್ಕಂತೆ ಖರೀದಿ ಪ್ರಮಾಣ ನಿಗದಿಪಡಿಸಲು ಸ್ವಾತಂತ್ರ್ಯ. ಖಾಸಗಿ ಸಂಗ್ರಹಣೆ ಯೋಜನೆ: ಖಾಸಗಿ ಖರೀದಿದಾರರಿಗೆ ಕನಿಷ್ಠ ಬೆಂಬಲ ಬೆಲೆಗೆ ಬೆಳೆಗಳನ್ನು ನೇರವಾಗಿ ರೈತರಿಂದ ಖರೀದಿಸಲು ಸರ್ಕಾರದಿಂದ ಪ್ರೋತ್ಸಾಹ.