ವಿಷಯಕ್ಕೆ ಹೋಗಿ

**ಜ್ಞಾನ ಕಾರಂಜಿ**::: ಇಲ್ಲೊಂದು ಅಚ್ಚರಿ: ಸ್ಪ್ರಿಂಗ್​ನಂತೆ ವರ್ತಿಸುತ್ತಿದೆ ಭೂಮಿ,

ಮಂಗಳೂರು*
ಮಣ್ಣಿನ ಮೇಲ್ಪದರ ಅಡಿಯಲ್ಲೊಂದು ಸ್ಪ್ರಿಂಗ್ ಹಾಕಿದರೆ ಮೇಲ್ಪದರ ಜಗ್ಗುತ್ತದೆ! ಅದೇ ರೀತಿಯ
ವಿದ್ಯಮಾನ ದ.ಕ. ಜಿಲ್ಲೆಯಲ್ಲಿ ಕಂಡುಬಂದಿದೆ.
ಗಟ್ಟಿಯಾಗಿರುವ ಭೂಮಿ ಸ್ಪ್ರಿಂಗ್ ರೀತಿಯಲ್ಲೇ ವರ್ತಿಸುತ್ತಿದೆ. ಮೇಲ್ನೋಟಕ್ಕೆ ಗಟ್ಟಿಯಾದ
ನೆಲ, ಅದರ ಮೇಲೆ ಹುಲ್ಲು, ಆದರೆ ಅದರ ಮೇಲೆ ಯಾರಾದರೂ ನಿಂತಲ್ಲೇ ಹಾರಿದರೆ ಮೇಲ್ಪದರ ಒಳಗೆ
ಹೋಗಿ ಮೇಲೆ ಬರುತ್ತದೆ ಸ್ಪೋಂಜ್ ರೀತಿಯಲ್ಲಿ.

ಮಂಗಳೂರಿನ ಮೂಡುಬಿದಿರೆಯ ಕಡಂದಲೆ ಬಳಿಯಲ್ಲಿ ಈ ಅಚ್ಚರಿಯ ವಿದ್ಯಮಾನ ಕಂಡುಬಂದಿದೆ. ಕಡಂದಲೆ
ಗ್ರಾಮದ ಪಾಪ್ಸನ್ ಎಂಬ ಪ್ರದೇಶದಲ್ಲಿ ಒಂದು ಎಕರೆ ಜಾಗದಲ್ಲಿ ಮಾತ್ರ ಈ ಅಚ್ಚರಿ ಕಾಣಬಹುದು.
ಮೂಡುಬಿದಿರೆ ಆಸುಪಾಸಿನ ಸುಂದರ ತಾಣ ಕಡಂದಲೆ. ಹಾಗಾಗಿ ಇಲ್ಲಿ ಫೊಟೊಗ್ರಫಿ ನಡೆಸಲೆಂದು ಬಂದ
ವಿದ್ಯಾರ್ಥಿ ಸುಮನ್ ಶೆಟ್ಟಿ ಎಂಬವರು ಇದನ್ನು ಗಮನಿಸಿದರು. ಗೆಳೆಯರೊಂದಿಗೆ ಬಂದ ಅವವರು
ಇಲ್ಲಿ ಕುಳಿತುಕೊಳ್ಳಲು ಮುಂದಾದಾಗ ಭೂಮಿಯ ವಿಚಿತ್ರ ವರ್ತನೆ ನೋಡಿ ದಂಗಾದರು.

ದೇಶದ ಕೆಲವೆಡೆ ಉಸುಕು ಮಣ್ಣಿನ ಜವುಗು ಪ್ರದೇಶಗಳಿವೆ. ಅಲ್ಲಿ ನಡೆದರೆ ಆಳಕ್ಕೆ ಎಳೆದುಕೊಂಡು
ಮನುಷ್ಯ/ಇತರ ಪ್ರಾಣಿಗಳು ಪ್ರಾಣಾಪಾಯಕ್ಕೀಡಾಗುವುದಿದೆ. ಆದರೆ ಈ ಪ್ರದೇಶ ಹಾಗಲ್ಲ. ಇದರ
ಮೇಲೆ ಆರಾಮವಾಗಿ ನಡೆದರೂ ಒಳಗೆ ಸೆಳೆದುಕೊಳ್ಳುವುದಿಲ್ಲ.
ಪಾಪ್ಸನ್ ಪ್ರದೇಶದ ವಿಸ್ಮಯ ಗ್ರಾಮಸ್ಥರ ಕುತೂಹಲ ಕೆರಳಿಸಿದೆ. ಭೂ ತಜ್ಞರು ಹೇಳುವ ಪ್ರಕಾರ
ಭೂಮಿಯ ಒಳಗಿನ ಅನಿಲ ಹೊರಗೆ ಬಂದು ಭೂಪದರ ಮೇಲೆ ಬಂದಾಗ ಈ ರೀತಿಯ ಘಟನೆ ನಡೆಯುತ್ತದೆ.
ಸೈಬೀರಿಯಾ ಪ್ರದೇಶದಲ್ಲಿ ಅಪರೂಪವಾಗಿ ಇಂತಹ ದೃಶ್ಯ ಕಂಡುಬರುತ್ತದೆ. ಭಾರತದಲ್ಲಿ ಇದೇ ಪ್ರಥಮ
ಬಾರಿಗೆ ಎನ್ನುವುದು ತಜ್ಞರ ಅಭಿಪ್ರಾಯ.

*ಕುಣಿದರೂ ಕುಸಿಯದು!:* ಹಿಂದೊಮ್ಮೆ ಕಗ್ಗಲ್ಲಿನ ಗಣಿಗಾರಿಕೆ ನಡೆಸುತ್ತಿದ್ದ ಪ್ರದೇಶವಿದು.
ಅದಕ್ಕೆ ಮಣ್ಣು ತುಂಬಲಾಗಿದೆ. ಕಗ್ಗಲ್ಲ ಕೋರೆಯ ಒಂದು ಭಾಗದಲ್ಲಿ ಈಗಲೂ ನೀರು
ತುಂಬಿಕೊಂಡಿದೆ. ಇಡೀ ಮಣ್ಣಿನ ಮೇಲ್ಪದರ ನೀರಿನ ಮೇಲೆ ತೇಲುತ್ತಿದೆಯೋ ಎಂಬಂತೆ
ಭಾಸವಾಗುತ್ತದೆ. ಹಾಗೆಂದು ನೀವು ಅದರ ಮೇಲೆ ಎಷ್ಟು ಕುಣಿದಾಡಿದರೂ ಒಳಗೆ ಸಿಲುಕುವ ಸಾಧ್ಯತೆ
ಇಲ್ಲ.

ನಾನು ಮಿತ್ರರೊಂದಿಗೆ ಫೊಟೋಶೂಟ್‌ಗೆ ಹೋದಾಗ ಈ ವಿಸ್ಮಯ ನೋಡಿದೆವು. ಮಣ್ಣಿನ ಮೇಲೆ ನಡೆದರೆ
ಒಳಗೆ ಜಗ್ಗುತ್ತದೆ, ಆದರೆ ಕಾಲು ಹೂತು ಹೋಗುವುದಿಲ್ಲ. ಸ್ವಲ್ಪ ಅಗೆದರೆ ಕೆಸರು ಸಿಗುತ್ತದೆ.
ಇದುವರೆಗೆ ಇಂಥದ್ದನ್ನು ನಾವು ನೋಡಿಲ್ಲ.
*-ಸುಮಂತ್ ಶೆಟ್ಟಿ, ಕಡಂದಲೆ ನಿವಾಸಿ*

ಭೂಮಿಯಲ್ಲಿ ಮಣ್ಣಿನ ಆಳದಲ್ಲಿ ಕೆಲವೊಮ್ಮೆ ನಿರ್ವಾತ ಪ್ರದೇಶಗಳು ಉಂಟಾಗುತ್ತವೆ, ಅದರ ಮೇಲೆ
ಮಣ್ಣು, ಎಲೆ ಇತ್ಯಾದಿ ಸೇರಿಕೊಂಡು ಈ ರೀತಿಯ ವಿದ್ಯಮಾನ ಕಂಡುಬರುತ್ತದೆ.
*-ಡಾ.ಗಂಗಾಧರ ಭಟ್, ಭೂಗರ್ಭಶಾಸ್ತ್ರಜ್ಞ, ಮಂಗಳೂರು ವಿವಿ*

ಕಾಮೆಂಟ್‌ಗಳು

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

**ಜ್ಞಾನ ಕಾರಂಜಿ**::: ಜುಲೈ 1ರಿಂದ ಬೆಂಗಳೂರು ವಿಜ್ಞಾನೋತ್ಸವ

41 ವರ್ಷಗಳಿಂದ ಒಮ್ಮೆಯೂ ತಪ್ಪದಂತೆ, ವ್ರತದಂತೆ ನಡೆದುಕೊಂಡು ಬಂದಿರುವ ಬೆಂಗಳೂರು ವಿಜ್ಞಾನೋತ್ಸವ ಜುಲೈ ಒಂದರಿಂದ ಆಗಸ್ಟ್ 2ರವರೆಗೂ ನಡೆಯಲಿದೆ. ಭಾರತೀಯ ಕ್ಷಿಪಣಿ ಕ್ಷೇತ್ರದಲ್ಲಿ ಮಿಸೈಲ್ ವುಮನ್ (ಅಗ್ನಿ ಕನ್ಯೆ!) ಎಂದೇ ಖ್ಯಾತರಾಗಿರುವ ಡಾ.ಟೆಸ್ಸಿ ಥಾಮಸ್ ‘ಬಾಹ್ಯಾಕಾಶ ತಂತ್ರಜ್ಞಾನದ ಪ್ರಗತಿ’ ಕುರಿತು ಉಪನ್ಯಾಸ ನೀಡಲಿರುವುದು ಉತ್ಸವದ ವಿಶೇಷಗಳಲ್ಲಿ ಒಂದು. ಕೇರಳದ ತುಂಬಾ ಉಡಾವಣಾ ಕೇಂದ್ರದ ಸಮೀಪದಲ್ಲೇ ಹುಟ್ಟಿ ರಾಕೆಟ್ ಉಡಾವಣೆಯನ್ನು ನೋಡನೋಡುತ್ತ, ಒಂದಲ್ಲ ಒಂದು ದಿವಸ ಅಲ್ಲೇ ಉದ್ಯೋಗಿಯಾಗುವ ಕನಸು ಕಾಣುತ್ತ ಭವಿಷ್ಯದಲ್ಲಿ ನನಸಾಗಿಸಿಕೊಂಡ ಹಿರಿಮೆ ಹೆಮ್ಮೆ ಟೆಸ್ಸಿಯವರದು. ‘ಅಗ್ನಿ-4’ ಕ್ಷಿಪಣಿ ಯೋಜನಾ ನಿರ್ದೇಶಕರಾಗಿ ಕಾರ್ಯ ನಿರ್ವಹಿಸಿ ಸಾಮರ್ಥ್ಯ ಮೆರೆದ ಟೆಸ್ಸಿ ಬಾಹ್ಯಾಕಾಶ ಕ್ಷೇತ್ರದಲ್ಲಿ ಅಗ್ನಿ ಕನ್ಯೆ ಎಂದೇ ಹೆಸರಾದವರು. ಇವರ ಸಾಮರ್ಥ್ಯ ಬೆಳಕಿಗೆ ಕಾರಣರಾದವರು ಎ.ಪಿ.ಜೆ. ಅಬ್ದುಲ್ ಕಲಾಂ! ಜುಲೈ 21ರಂದು ಟೆಸ್ಸಿ ಉಪನ್ಯಾಸ ನೀಡಲಿದ್ದಾರೆ. ವಿಜ್ಞಾನೋತ್ಸವಕ್ಕೆ ವೇದಿಕೆ ಕಲ್ಪಿಸಿರುವ ನ್ಯಾಷನಲ್ ಎಜುಕೇಷನ್ ಸೊಸೈಟಿಗೀಗ 100ರ ಸಂಭ್ರಮ, ಅದೇ ರೀತಿ ಡಾ.ಎಚ್. ನರಸಿಂಹಯ್ಯನವರ ಜನ್ಮ ಶತಾಬ್ದಿಯನ್ನೂ ಈ ಶಿಕ್ಷಣ ಸಂಸ್ಥೆ ಈಗಾಗಲೇ ಆರಂಭಿಸಿದೆ. ಹಾಗಾಗಿ ಈ ಸಲದ ವಿಜ್ಞಾನೋತ್ಸವ ಹೆಚ್ಚು ಮಹತ್ವ ಪಡೆದುಕೊಂಡಿದೆ ಎನ್ನುವುದು ನ್ಯಾಷನಲ್ ಎಜುಕೇಷನ್ ಸೊಸೈಟಿಯ ಹಾಲಿ ಅಧ್ಯಕ್ಷ ಡಾ. ಎ.ಎಚ್.ರಾಮರಾವ್ ಅನಿಸಿಕೆ. ಉದ್ಘಾಟನಾ ಉಪನ್ಯಾಸದ ವಸ್ತು ...

**ಜ್ಞಾನ ಕಾರಂಜಿ**::: ಬೇನಾಮಿ ಆಸ್ತಿ ಪ್ರಕರಣ ವಿಲೇವಾರಿಗೆ ನ್ಯಾಯಾಧಿಕರಣ,

ಬೇನಾಮಿ ಆಸ್ತಿ ವ್ಯವಹಾರಗಳ ಪ್ರಕರಣಗಳ ತ್ವರಿತ ವಿಲೇವಾರಿಗೆ ಪ್ರತ್ಯೇಕ ಪ್ರಾಧಿಕಾರ ಹಾಗೂ ಮೇಲ್ಮನವಿ ನ್ಯಾಯಾಧಿಕರಣ ರಚನೆಗೆ ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಬುಧವಾರ ನಡೆದ ಕೇಂದ್ರ ಸಚಿವ ಸಂಪುಟ ಸಭೆಯಲ್ಲಿ ಇವೆರಡು ಸಂಸ್ಥೆಗಳ ರಚನೆಗೆ ಅನುಮೋದನೆ ನೀಡಲಾಗಿದೆ. ಈಗಾಗಲೇ ದೇಶಾದ್ಯಂತ 34 ವಿಶೇಷ ನ್ಯಾಯಾಲಯಗಳನ್ನು ಆರಂಭಿಸಲಾಗಿದ್ದು, ನೂತನವಾಗಿ ರಚನೆಯಾಗಿರುವ ಸಂಸ್ಥೆಗಳು ಇದಕ್ಕೆ ಪೂರಕವಾಗಿರಲಿವೆ. ಪ್ರಾಧಿಕಾರವು ಕೋಲ್ಕತ, ಮುಂಬೈ ಹಾಗೂ ಚೆನ್ನೈನಲ್ಲಿದ್ದರೆ, ನ್ಯಾಯಾಧಿಕರಣವು ದೆಹಲಿಯಲ್ಲಿರಲಿದೆ. 1988ರಲ್ಲೇ ಬೇನಾಮಿ ವ್ಯವಹಾರಗಳ ನಿಯಂತ್ರಣ ಕಾಯ್ದೆ ರಚನೆಯಾಗಿತ್ತು. ಆದರೆ, ಸೂಕ್ತ ನಿಯಮ ಅಥವಾ ಸಂಸ್ಥೆಗಳನ್ನು ನಂತರ ಅಧಿಕಾರಕ್ಕೆ ಬಂದ ಸರ್ಕಾರಗಳು ರಚಿಸಿರಲಿಲ್ಲ. ಆಶಾ ಕಾರ್ಯಕರ್ತೆಯರಿಗೆ ಉಡುಗೊರೆ: ಅಂಗನವಾಡಿ ಕಾರ್ಯಕರ್ತೆಯರ ಗೌರವಧನ ಏರಿಸಿದ ಬೆನ್ನಲ್ಲೇ ಆಶಾ ಕಾರ್ಯಕರ್ತೆಯರು ಫಲಾನುಭವಿಗಳನ್ನು ಭೇಟಿ ಮಾಡುತ್ತಿದ್ದಕ್ಕೆ ನೀಡುತ್ತಿದ್ದ ಗೌರವಧನದಲ್ಲಿ -ಠಿ; 50 ಏರಿಕೆ ಮಾಡಲಾಗಿದೆ. ಪ್ರಸ್ತುತ ಪ್ರತಿ ಭೇಟಿಗೆ -ಠಿ; 250 ಇದ್ದು, ಇನ್ಮುಂದೆ 300 ದೊರೆಯಲಿದೆ. ಪ್ರತಿ ಆಶಾ ಕಾರ್ಯಕರ್ತೆಯರಿಗೆ ಮಾಸಿಕವಾಗಿ 20 ಭೇಟಿ ಇರಲಿದ್ದು, ಇದರಿಂದ -ಠಿ; 1 ಸಾವಿರ ಹೆಚ್ಚುವರಿ ಗೌರವ ಧನ ದೊರೆಯಲಿದೆ. ಐಐಎಸ್​ಎಸ್ ಸ್ಥಾಪನೆ: ದೇಶದ ವಿವಿಧೆಡೆ ಇಂಡಿಯನ್ ಇನ್​ಸ್ಟಿ ಟ್ಯೂಟ್ ಆಫ್ ಸ್ಕಿಲ್ಸ್ (ಐಐಎಸ್​ಎಸ್) ಆರಂಭಿಸಲು ಕೇಂದ್ರ ಸರ್ಕಾರ ಸಮ್ಮತಿಸಿ...

**ಜ್ಞಾನ ಕಾರಂಜಿ**::: ಕೇಂದ್ರದಿಂದ ಶೀಘ್ರ 3 ಹೊಸ ಕೃಷಿ ಯೋಜನೆ

ನವದೆಹಲಿ: ಖಾರಿಫ್ ಬೆಳೆಗಳಿಗೆ ಕನಿಷ್ಠ ಬೆಂಬಲ ಬೆಲೆ ಹೆಚ್ಚಿಸಿದ ಬೆನ್ನಿಗೆ ಕೇಂದ್ರ ಸರ್ಕಾರ ರೈತರಿಗೆ ನೆರವಾಗುವ ಮತ್ತಷ್ಟು ನೂತನ ನೀತಿಗಳನ್ನು ಘೋಷಿಸಲಿದೆ ಎಂದು ಮೂಲಗಳು ತಿಳಿಸಿವೆ. ಮಧ್ಯವರ್ತಿಗಳ ಹಾವಳಿಯನ್ನು ಸಂಪೂರ್ಣ ತೆಗೆದುಹಾಕುವ ಮೂರು ಹೊಸ ಸಂಗ್ರಹಣೆ ಯೋಜನೆಗಳನ್ನು ಸರ್ಕಾರ ಶೀಘ್ರವೇ ಜಾರಿಗೆ ತರಲಿದೆ ಎನ್ನಲಾಗಿದೆ. ದರ ಕೊರತೆ ಯೋಜನೆ : ಸರ್ಕಾರಿ ಮಂಡಿಗಳಲ್ಲಿ ಬೆಳೆಗಳ ಮಾರುಕಟ್ಟೆ ದರ, ಕನಿಷ್ಠ ಬೆಂಬಲ ಬೆಲೆಗಿಂತ ಹೆಚ್ಚಿದ್ದರೆ ಸರ್ಕಾರದ ಕಡೆಯಿಂದ ರೈತರಿಗೆ ಪರಿಹಾರ ವಿತರಣೆ. ಮಾರುಕಟ್ಟೆ ಖಾತ್ರಿ ಯೋಜನೆ: ಕೇಂದ್ರದ ಅನುಮತಿ ರಹಿತವಾಗಿ ನಿರ್ದಿಷ್ಟ ಬೆಳೆಗಳನ್ನು ನೇರವಾಗಿ ಖರೀದಿಸಲು ರಾಜ್ಯ ಸರ್ಕಾರಗಳಿಗೆ ಅಧಿಕಾರ. ಆಯಾ ರಾಜ್ಯಗಳಲ್ಲಿನ ಬೆಳೆಗಳ ಬೇಡಿಕೆಗೆ ತಕ್ಕಂತೆ ಖರೀದಿ ಪ್ರಮಾಣ ನಿಗದಿಪಡಿಸಲು ಸ್ವಾತಂತ್ರ್ಯ. ಖಾಸಗಿ ಸಂಗ್ರಹಣೆ ಯೋಜನೆ: ಖಾಸಗಿ ಖರೀದಿದಾರರಿಗೆ ಕನಿಷ್ಠ ಬೆಂಬಲ ಬೆಲೆಗೆ ಬೆಳೆಗಳನ್ನು ನೇರವಾಗಿ ರೈತರಿಂದ ಖರೀದಿಸಲು ಸರ್ಕಾರದಿಂದ ಪ್ರೋತ್ಸಾಹ.