**ಜ್ಞಾನ ಕಾರಂಜಿ**::: ಮೆನೋಪಾಸ್​ ಸಮಸ್ಯೆನಾ? ಸೋಯಾ ತಿನ್ನಿ, ಸದೃಢರಾಗಿ

ವಾಷಿಂಗ್ಟನ್: ಮೆನೋಫಾಸ್​ ಸಂದರ್ಭದಲ್ಲಿ ಮಹಿಳೆಯರು ಎದುರಿಸುವ ಅನೇಕ ದೈಹಿಕ ಸಮಸ್ಯೆಗಳಿಗೆ ಸೋಯಾಬಿನ್​ ಅತ್ಯುತ್ತಮ ಮದ್ದು ಎಂಬುದು ಅಧ್ಯಯನದಿಂದ ಸಾಬೀತಾಗಿದೆ.
ಋತುಬಂಧದ ಸಮಯದಲ್ಲಿ ಅನೇಕ ಮಹಿಳೆಯರಲ್ಲಿ ಎಲುಬಿಗೆ ಸಂಬಂಧಪಟ್ಟ ಆಸ್ಟಿಯೊಪೊರೋಸಿಸ್, ದೇಹದಲ್ಲಿ ಶಕ್ತಿ ಕಡಿಮೆಯಾಗುವುದು, ತೂಕ ಅತಿಯಾಗಿ ಹೆಚ್ಚಾಗುವುದು ಸೇರಿ ಹಲವು ತೊಂದರೆಗಳು ಕಾಣಿಸಿಕೊಳ್ಳುತ್ತವೆ. ಆದರೆ, ಸೋಯಾ ಸೇವನೆಯಿಂದ ಕೆಲವು ಅನಾರೋಗ್ಯಗಳು ಮಾಯವಾಗುತ್ತವೆ ಎಂಬುದನ್ನು ಮಿಸ್ಸೌರಿ ವಿಶ್ವವಿದ್ಯಾಲಯ ಅಧ್ಯಯನ ತಿಳಿಸಿದೆ. ಪ್ರಾಣಿಯ ಮೇಲೆ ಅಧ್ಯಯನ ಮಾಡಲಾಗಿದ್ದು, ಋತುಬಂಧದ ಸಮಯದಲ್ಲಿ ಉಂಟಾಗುವ ಮೆಟೋಬಾಲಿಕ್​, ಎಲುಬು ಸಮಸ್ಯೆಯನ್ನು ನಿವಾರಿಸುತ್ತದೆ ಎಂಬುದು ಸಾಬೀತಾಗಿದೆ.
ಮೆನೋಪಾಸ್​ ಸಮಸ್ಯೆ ಎದುರಿಸುತ್ತಿರುವವರು ಆಹಾರದಲ್ಲಿ ನಿಯಮಿತವಾಗಿ ಸೋಯಾ ಅಳವಡಿಸಿಕೊಳ್ಳಬೇಕು. ಈ ಡಯಟ್​ನಲ್ಲಿ ಆರೋಗ್ಯವಾಗಿ ಇರಬಹುದು ಎನ್ನಲಾಗಿದೆ.
ಅಷ್ಟೇ ಅಲ್ಲದೆ, ಬರೀ ಮೆನೋಪಾಸ್ ತೊಂದರೆಯಿರುವವರು ಮಾತ್ರವಲ್ಲ ಉಳಿದ ಮಹಿಳೆಯರೂ ಆಹಾರದಲ್ಲಿ ನಿಯಮಿತವಾಗಿ ಸೇವಿಸಬಹುದು. ಇದರಿಂದ ಎಲುಬು ಸದೃಢವಾಗುತ್ತದೆ ಎಂಬುದನ್ನು ಸಂಶೋಧಕರು ತಿಳಿಸಿದ್ದಾರೆ.
ಇಲಿಗಳ ಮೇಲೆ ಪ್ರಯೋಗ ನಡೆಸಿದ ಸಂಶೋಧಕರು, ಸೋಯಾಬಿನ್ ತಿನ್ನುವ ಇಲಿಗಳ ಎಲುಬು, ಅದನ್ನು ತಿನ್ನದ ಇಲಿಗಳ ಎಲುಬಿಗಿಂತ ಗಟ್ಟಿಯಾಗಿರುತ್ತದೆ. ಹಾಗೇ ಮೆಟಾಬೋಲಿಕ್ ಕ್ರಿಯೆಯಯನ್ನೂ ಉತ್ತಮಗೊಳಿಸುತ್ತದೆ ಎಂದಿದ್ದಾರೆ.