**ಜ್ಞಾನ ಕಾರಂಜಿ**::: ಮೋದಿ @ 69,

ನರೇಂದ್ರ ಮೋದಿ ಎಂದರೆ ಭಾರತ ಎನ್ನುವ ಮಟ್ಟಿಗೆ ವಿಶ್ವಭೂಪಟದಲ್ಲಿ ಹಿಂದುಸ್ಥಾನಕ್ಕೆ ವಿಶೇಷ ಗುರುತು ನೀಡಿದ ಸಾಧನೆಗೈದಿರುವ ಭಾರತದ ಪ್ರಧಾನಿ ಸೋಮವಾರ (ಸೆ.17) 69ನೇ ವರ್ಷಕ್ಕೆ ಕಾಲಿಡುತ್ತಿದ್ದಾರೆ. ಗುಜರಾತಿನ ವಡ್​ನಗರ್​ನಿಂದ ದೆಹಲಿಯ ಒಡ್ಡೋಲಗದವರೆಗೆ ಅವರು ಸಾಗಿ ಬಂದಿರುವ ಹಾದಿ ಹಲವರಿಗೆ ಅನುಕರಣೀಯವಾದರೆ ಇನ್ನೂ ಕೆಲವರಿಗೆ ಅಚ್ಚರಿಯ ಪಥ. ಸಂಘದಿಂದ ಬೆಸೆದುಕೊಂಡ ರಾಜಕೀಯ ಹಾದಿಯಲ್ಲಿ ಬಿಜೆಪಿಯ ಸಂಘಟನೆ ಹೊಣೆಯನ್ನು ಯಶಸ್ವಿಯಾಗಿ ನಿಭಾಯಿಸಿ, ಪಕ್ಷವನ್ನು ಸಂಸತ್​ನ ಗದ್ದುಗೆಗೇರಿಸುವಲ್ಲಿ ಯಶಸ್ವಿಯಾಗಿರುವ ಮೋದಿ ಮತ್ತೊಂದು ಅವಧಿಗೂ ಮೋಡಿ ಮಾಡಲು ಅಣಿಯಾಗಿದ್ದಾರೆ. ಜನ್ಮದಿನದ ಹಿನ್ನೆಲೆಯಲ್ಲಿ ಅವರ ಜೀವನಪಥದ ಇಣುಕುನೋಟ ಇಲ್ಲಿದೆ.
ಜೀವನ ಪಥ
# 1950- ಸೆ.17ರಂದು ಗುಜರಾತಿನ ವಡ್​ನಗರದಲ್ಲಿ ಜನನ
ಅಚ್ಚರಿಗಳು…
# ಸಂನ್ಯಾಸ ಸ್ವೀಕಾರಕ್ಕಾಗಿ ಬಾಲ್ಯದಲ್ಲೇ ಹಿಮಾಲಯಕ್ಕೆ ಹೋಗಿದ್ದರು
# ಸಮಾಜ ಜೀವನದಲ್ಲೇ ಸಾಧಿಸುವ ಇಚ್ಛೆಯಿಂದ 2 ವರ್ಷದ ಬಳಿಕ ಮರಳಿದ್ದರು
# ತಾರುಣ್ಯದಲ್ಲಿ ಉತ್ತಮ ಕಬಡ್ಡಿ ಪಟು
# ಭಾಷಣದಲ್ಲಿ ಪರಿಣತ
ಪೋಷಾಕಲ್ಲೂ ಮೋಡಿ
ಉಡುಪು, ಸ್ಟೈಲ್​ನಲ್ಲೂ ಮೋಡಿ ಮಾಡಿರುವ ಮೋದಿ
ಯುವಕರಲ್ಲಿ ಕುರ್ತಾ ಕ್ರೇಜ್ ಹೆಚ್ಚಿದ್ದೇ ಇವರಿಂದ
ವಿದೇಶದಲ್ಲಿ ಸೂಟು, ಬೂಟಿನ ಮಿಂಚು
ಕುರ್ತಾ, ವಾಚ್, ಜಾಕೆಟ್ ಸೇರಿ ಹಲವು ವಸ್ತುಗಳಿಗೆ ನಮೋ ಬ್ರಾ್ಯಂಡ್
ಶಿಸ್ತಿನ ಸಿಪಾಯಿ
@ 3 ಬಾರಿ ಗುಜರಾತ್ ಸಿಎಂ, ಸದ್ಯ ಪ್ರಧಾನಿಯಾದಾಗಲೂ ಕುಟುಂಬದವರನ್ನು ಸನಿಹಕ್ಕೆ ಬಿಟ್ಟುಕೊಂಡಿಲ್ಲ.
@ ಬೆಳಗ್ಗೆಯಿಂದ ತಡರಾತ್ರಿಯವರೆಗೆ ಆಡಳಿತಾತ್ಮಕ ಹೊಣೆಗಾರಿಕೆ ನಿರ್ವಹಣೆ
@ ವಿಶ್ರಾಂತಿಗೆಂದು ಒಮ್ಮೆಯೂ ರಜೆ ತೆಗೆದುಕೊಂಡ ನಿದರ್ಶನವಿಲ್ಲ
@  ಭ್ರಷ್ಟಾಚಾರದ ಕಳಂಕವಿಲ್ಲ, ಅಭಿವೃದ್ಧಿ ರಾಜಕಾರಣದ ಹರಿಕಾರ
ಹೆಗ್ಗಳಿಕೆ: ಸ್ಪಷ್ಟ ಬಹುಮತದಿಂದ ಪ್ರಧಾನಿಯಾದ ಮೊಟ್ಟಮೊದಲ ಕಾಂಗ್ರೆಸ್ಸೇತರ ನಾಯಕ
 ವಿಶಾಲ ದೇಶವಾದ ಭಾರತದ ಪ್ರಧಾನಿಯಾಗಿ ನರೇಂದ್ರ ಮೋದಿ ಯಶಸ್ವಿಯಾಗಿ ಆಡಳಿತ ನಡೆಸುತ್ತಿದ್ದಾರೆ. ದೇಶದ ಆರ್ಥಿಕತೆ ಅದ್ಭುತ ರೀತಿಯಲ್ಲಿ ಪ್ರಗತಿ ಕಾಣುತ್ತಿದೆ. ಹೊಸ ಅವಕಾಶಗಳನ್ನು ತೆರೆದಿಡುತ್ತಿದೆ. ಎಲ್ಲ ನಾಗರಿಕರನ್ನು ಒಗ್ಗೂಡಿಸಿ, ದೇಶ ಮುನ್ನಡೆಸುವಲ್ಲಿ ಮೋದಿ ಯಶಸ್ವಿಯಾಗಿದ್ದಾರೆ. ಅವರು ನನ್ನ ನೆಚ್ಚಿನ ಸ್ನೇಹಿತ.
| ಡೊನಾಲ್ಡ್ ಟ್ರಂಪ್ ಅಮೆರಿಕ ಅಧ್ಯಕ್ಷ