ಅಮೆರಿಕದ ನಿರ್ಬಂಧ ಎಚ್ಚರಿಕೆ ನಡುವೆಯೂ ಭಾರತ ಹಾಗೂ ರಷ್ಯಾ ನಡುವೆ ಮಹತ್ವದ ಟ್ರಯಂಫ್ ಕ್ಷಿಪಣಿ ಖರೀದಿ ಒಪ್ಪಂದಕ್ಕೆ ಶುಕ್ರವಾರ ಸಹಿ ಬೀಳುವ ಸಾಧ್ಯತೆಯಿದೆ. ವಾರ್ಷಿಕ ದ್ವಿಪಕ್ಷೀಯ ಸಭೆಯಲ್ಲಿ ಪಾಲ್ಗೊಳ್ಳಲು ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುತಿನ್ ನವದೆಹಲಿಗೆ ಗುರುವಾರ ಆಗಮಿಸಿದ್ದು, ಶುಕ್ರವಾರ ಪ್ರಧಾನಿ ನರೇಂದ್ರ ಮೋದಿ ಜತೆ ದ್ವಿಪಕ್ಷೀಯ ಮಾತುಕತೆ ನಡೆಸಲಿದ್ದಾರೆ. ಈ ಮಧ್ಯೆ ರಷ್ಯಾದೊಂದಿಗಿನ ರಕ್ಷಣಾ ಒಪ್ಪಂದ ಅಮೆರಿಕದ ಕೆಂಗಣ್ಣಿಗೆ ಗುರಿಯಾಗಿದೆ.
ರಕ್ಷಣೆ ಜತೆಗೆ ಇಂಧನ, ಸಾರಿಗೆ, ಅಣುಶಕ್ತಿ, ಆರ್ಥಿಕ ಹಾಗೂ ಬಾಹ್ಯಾಕಾಶಕ್ಕೆ ಸಂಬಂಧಿಸಿದ 20ಕ್ಕೂ ಅಧಿಕ ಒಪ್ಪಂದಗಳಿಗೆ ಈ ಸಂದರ್ಭದಲ್ಲಿ ಸಹಿ ಬೀಳುವ ಸಾಧ್ಯತೆಯಿದೆ. ರಷ್ಯಾದಿಂದ ಭಾರತ ಖರೀದಿಸಲು ಮುಂದಾಗಿರುವ 36 ಸಾವಿರ ಕೋಟಿ ರೂ. ಗಳ ಟ್ರಯಂಫ್ ಕ್ಷಿಪಣಿ ವ್ಯವಸ್ಥೆ ವಿಶ್ವದ ಗಮನ ಸೆಳೆದಿದೆ.
ಅಮೆರಿಕ ಎಚ್ಚರಿಕೆ: ರಷ್ಯಾದಿಂದ ಟ್ರಯಂಫ್ ಕ್ಷಿಪಣಿ ವ್ಯವಸ್ಥೆ ಖರೀದಿಸಿದರೆ ಕ್ಯಾಸ್ಟಾ ಕಾಯ್ದೆ ಮೂಲಕ ನಿರ್ಬಂಧ ಎದುರಿಸಬೇಕಾಗಬಹುದು ಎಂದು ಈಗಾಗಲೇ ಅಮೆರಿಕ ಎಚ್ಚರಿಸಿದೆ. ಆದರೂ ಕ್ಷಿಪಣಿ ಖರೀದಿಗೆ ಭಾರತ ಮುಂದಾಗಿರುವುದು ಕುತೂಹಲ ಮೂಡಿಸಿದೆ. ‘ರಷ್ಯಾದೊಂದಿಗೆ ಯಾವುದೆ ದೇಶ ರಕ್ಷಣಾ ಒಪ್ಪಂದ ಮಾಡಿಕೊಂಡರೂ ಸುಮ್ಮನಿರುವುದಿಲ್ಲ. ಟ್ರಯಂಫ್ ಒಪ್ಪಂದ ಮಾಡಿಕೊಂಡರೆ ನಿರ್ಬಂಧ ಅಪ್ಪಿಕೊಂಡಂತೆ’ ಎಂದು ಅಮೆರಿಕ ವಿದೇಶಾಂಗ ಇಲಾಖೆ ವಕ್ತಾರರು ಎಚ್ಚರಿಸಿದ್ದಾರೆ.
ಭಾರತದ ರಕ್ಷಣಾ ವ್ಯವಸ್ಥೆ ಹಾಗೂ ಪಾಕ್ ವಾಯುಪಡೆ ನಿಯಂತ್ರಣಕ್ಕೆ ಟ್ರಯಂಫ್ ಕ್ಷಿಪಣಿ ವ್ಯವಸ್ಥೆ ಅನಿವಾರ್ಯವಾಗಿದೆ. ಇಂದಿಗೂ ರಷ್ಯಾದ ಜತೆಗೆ ಭಾರತ ಅತ್ಯಧಿಕ ಪ್ರಮಾಣದ ರಕ್ಷಣಾ ಒಪ್ಪಂದ ಹೊಂದಿದೆ. ಅಮೆರಿಕದ ಬೆದರಿಕೆ ಆಧರಿಸಿ ರಷ್ಯಾ ಜತೆಗಿನ ಸಂಬಂಧ ಕೆಡಿಸಿಕೊಂಡರೆ ರಕ್ಷಣಾ ವ್ಯವಸ್ಥೆ ಹದಗೆಡಲಿದೆ ಎನ್ನುವುದು ಭಾರತದ ಆತಂಕವಾಗಿದೆ.
ಏನಿದು ಕ್ಯಾಸ್ಟಾ ಕಾಯ್ದೆ?: ಉಕ್ರೇನ್ ಮೇಲೆ ರಷ್ಯಾ ಸೇನೆ ದಾಳಿ ಹಾಗೂ ಅಮೆರಿಕ ಚುನಾವಣೆಯಲ್ಲಿ ರಷ್ಯಾ ಹಸ್ತಕ್ಷೇಪದ ಹಿನ್ನೆಲೆಯಲ್ಲಿ ಕ್ಯಾಸ್ಟಾ ಕಾಯ್ದೆಯನ್ನು ಅಮೆರಿಕ ರಚಿಸಿದೆ. ಅಮೆರಿಕದೊಂದಿಗೆ ರಕ್ಷಣಾ ವ್ಯವಹಾರ ನಡೆಸುತ್ತಿರುವ ದೇಶಗಳು ರಷ್ಯಾದೊಂದಿಗೆ ರಕ್ಷಣಾ ವ್ಯವಹಾರ ಇರಿಸಿಕೊಳ್ಳಬಾರದು ಎನ್ನುವುದು ಈ ಕಾಯ್ದೆ ಅಂಶವಾಗಿದೆ. ಒಂದೊಮ್ಮೆ ಕಾಯ್ದೆ ಉಲ್ಲಂಘಿಸಿದರೆ ಆ ದೇಶದ ಮೇಲೆ ಅಮೆರಿಕ ನಿರ್ಬಂಧ ಹೇರಲಿದೆ. ಈಗಾಗಲೇ ಉತ್ತರ ಕೊರಿಯಾ, ಇರಾನ್, ಚೀನಾದ ಮೇಲೆ ಈ ನಿರ್ಬಂಧ ಜಾರಿಯಲ್ಲಿದೆ. ಇತ್ತೀಚೆಗೆ ಸುಖೋಯ್ ಯುದ್ಧ ವಿಮಾನವನ್ನು ಚೀನಾ ಖರೀದಿಸಿದ್ದರಿಂದ ನಿರ್ಬಂಧ ಹೇರಲಾಗಿತ್ತು.
ಟ್ರಂಪ್ ಅಂತಿಮ ನಿರ್ಧಾರ: ಅಮೆರಿಕ ಕಾಂಗ್ರೆಸ್ನಲ್ಲಿ ಈ ಕಾಯ್ದೆ ರಚನೆಯಾಗಿದ್ದರೂ ನಿರ್ಬಂಧ ಹೇರುವ ಅಂತಿಮ ಅಧಿಕಾರ ಅಮೆರಿಕ ಅಧ್ಯಕ್ಷರಿಗಿದೆ. ಅನಿರೀಕ್ಷಿತ ತೀರ್ವನಗಳಿಗೆ ಖ್ಯಾತಿ ಹೊಂದಿರುವ ಡೊನಾಲ್ಡ್ ಟ್ರಂಪ್ ಈ ಕುರಿತು ಯಾವ ನಿರ್ಣಯ ಮಾಡುತ್ತಾರೆ ಎನ್ನುವುದು ಕುತೂಹಲದ ವಿಚಾರವಾಗಿದೆ.
ಅಮೆರಿಕದ ಒತ್ತಡ ತಂತ್ರ
ಭಾರತದ ಜತೆಗಿನ ವ್ಯವಹಾರದಲ್ಲಿ ಅಮೆರಿಕ ವಿತ್ತೀಯ ಕೊರತೆ ಎದುರಿಸುತ್ತಿದೆ. ಇದನ್ನು ತುಂಬಿಕೊಳ್ಳಬೇಕಾದರೆ, ರಕ್ಷಣಾ ವಲಯದಲ್ಲಿ ರಷ್ಯಾಗಿರುವ ಸ್ಥಾನವನ್ನು ಅಮೆರಿಕ ಪಡೆಯುವುದು ಅನಿವಾರ್ಯವಾಗಿದೆ. ಈ ಕಾರಣಕ್ಕಾಗಿ ಒತ್ತಡ ತಂತ್ರ ಹೇರಲಾಗುತ್ತಿದೆ. ಇತ್ತೀಚೆಗೆ ನಡೆದ 2+2 ಸಭೆಯಲ್ಲೂ ಭಾರತದ ಸಚಿವರು ಟ್ರಯಂಫ್ ವಿಚಾರ ಪ್ರಸ್ತಾಪಿಸಿದ್ದರು. ಆದರೆ ಅಮೆರಿಕ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೋ ಗೊಂದಲದ ಉತ್ತರ ನೀಡಿದ್ದರು. ರಷ್ಯಾ ಜತೆಗೆ ಸಾಕಷ್ಟು ವರ್ಷಗಳಿಂದ ರಕ್ಷಣಾ ಒಪ್ಪಂದ ಹೊಂದಿರುವ ಹಿನ್ನೆಲೆಯಲ್ಲಿ ಕೂಡಲೇ ನಿರ್ಬಂಧ ಹೇರುವುದು ಅಸಾಧ್ಯ. ಭಾರತಕ್ಕೆ ಕೆಲ ರಿಯಾಯಿತಿ ನೀಡಬೇಕಾಗುತ್ತದೆ ಎಂದಿದ್ದರು. ಆದರೆ ಆದರೆ ಈಗ ಅಮೆರಿಕ ಯೂ-ಟರ್ನ್ ಹೊಡೆಯುವ ಲಕ್ಷಣ ಕಾಣಿಸುತ್ತಿದೆ.
ರಕ್ಷಣೆ ಜತೆಗೆ ಇಂಧನ, ಸಾರಿಗೆ, ಅಣುಶಕ್ತಿ, ಆರ್ಥಿಕ ಹಾಗೂ ಬಾಹ್ಯಾಕಾಶಕ್ಕೆ ಸಂಬಂಧಿಸಿದ 20ಕ್ಕೂ ಅಧಿಕ ಒಪ್ಪಂದಗಳಿಗೆ ಈ ಸಂದರ್ಭದಲ್ಲಿ ಸಹಿ ಬೀಳುವ ಸಾಧ್ಯತೆಯಿದೆ. ರಷ್ಯಾದಿಂದ ಭಾರತ ಖರೀದಿಸಲು ಮುಂದಾಗಿರುವ 36 ಸಾವಿರ ಕೋಟಿ ರೂ. ಗಳ ಟ್ರಯಂಫ್ ಕ್ಷಿಪಣಿ ವ್ಯವಸ್ಥೆ ವಿಶ್ವದ ಗಮನ ಸೆಳೆದಿದೆ.
ಅಮೆರಿಕ ಎಚ್ಚರಿಕೆ: ರಷ್ಯಾದಿಂದ ಟ್ರಯಂಫ್ ಕ್ಷಿಪಣಿ ವ್ಯವಸ್ಥೆ ಖರೀದಿಸಿದರೆ ಕ್ಯಾಸ್ಟಾ ಕಾಯ್ದೆ ಮೂಲಕ ನಿರ್ಬಂಧ ಎದುರಿಸಬೇಕಾಗಬಹುದು ಎಂದು ಈಗಾಗಲೇ ಅಮೆರಿಕ ಎಚ್ಚರಿಸಿದೆ. ಆದರೂ ಕ್ಷಿಪಣಿ ಖರೀದಿಗೆ ಭಾರತ ಮುಂದಾಗಿರುವುದು ಕುತೂಹಲ ಮೂಡಿಸಿದೆ. ‘ರಷ್ಯಾದೊಂದಿಗೆ ಯಾವುದೆ ದೇಶ ರಕ್ಷಣಾ ಒಪ್ಪಂದ ಮಾಡಿಕೊಂಡರೂ ಸುಮ್ಮನಿರುವುದಿಲ್ಲ. ಟ್ರಯಂಫ್ ಒಪ್ಪಂದ ಮಾಡಿಕೊಂಡರೆ ನಿರ್ಬಂಧ ಅಪ್ಪಿಕೊಂಡಂತೆ’ ಎಂದು ಅಮೆರಿಕ ವಿದೇಶಾಂಗ ಇಲಾಖೆ ವಕ್ತಾರರು ಎಚ್ಚರಿಸಿದ್ದಾರೆ.
ಭಾರತದ ರಕ್ಷಣಾ ವ್ಯವಸ್ಥೆ ಹಾಗೂ ಪಾಕ್ ವಾಯುಪಡೆ ನಿಯಂತ್ರಣಕ್ಕೆ ಟ್ರಯಂಫ್ ಕ್ಷಿಪಣಿ ವ್ಯವಸ್ಥೆ ಅನಿವಾರ್ಯವಾಗಿದೆ. ಇಂದಿಗೂ ರಷ್ಯಾದ ಜತೆಗೆ ಭಾರತ ಅತ್ಯಧಿಕ ಪ್ರಮಾಣದ ರಕ್ಷಣಾ ಒಪ್ಪಂದ ಹೊಂದಿದೆ. ಅಮೆರಿಕದ ಬೆದರಿಕೆ ಆಧರಿಸಿ ರಷ್ಯಾ ಜತೆಗಿನ ಸಂಬಂಧ ಕೆಡಿಸಿಕೊಂಡರೆ ರಕ್ಷಣಾ ವ್ಯವಸ್ಥೆ ಹದಗೆಡಲಿದೆ ಎನ್ನುವುದು ಭಾರತದ ಆತಂಕವಾಗಿದೆ.
ಏನಿದು ಕ್ಯಾಸ್ಟಾ ಕಾಯ್ದೆ?: ಉಕ್ರೇನ್ ಮೇಲೆ ರಷ್ಯಾ ಸೇನೆ ದಾಳಿ ಹಾಗೂ ಅಮೆರಿಕ ಚುನಾವಣೆಯಲ್ಲಿ ರಷ್ಯಾ ಹಸ್ತಕ್ಷೇಪದ ಹಿನ್ನೆಲೆಯಲ್ಲಿ ಕ್ಯಾಸ್ಟಾ ಕಾಯ್ದೆಯನ್ನು ಅಮೆರಿಕ ರಚಿಸಿದೆ. ಅಮೆರಿಕದೊಂದಿಗೆ ರಕ್ಷಣಾ ವ್ಯವಹಾರ ನಡೆಸುತ್ತಿರುವ ದೇಶಗಳು ರಷ್ಯಾದೊಂದಿಗೆ ರಕ್ಷಣಾ ವ್ಯವಹಾರ ಇರಿಸಿಕೊಳ್ಳಬಾರದು ಎನ್ನುವುದು ಈ ಕಾಯ್ದೆ ಅಂಶವಾಗಿದೆ. ಒಂದೊಮ್ಮೆ ಕಾಯ್ದೆ ಉಲ್ಲಂಘಿಸಿದರೆ ಆ ದೇಶದ ಮೇಲೆ ಅಮೆರಿಕ ನಿರ್ಬಂಧ ಹೇರಲಿದೆ. ಈಗಾಗಲೇ ಉತ್ತರ ಕೊರಿಯಾ, ಇರಾನ್, ಚೀನಾದ ಮೇಲೆ ಈ ನಿರ್ಬಂಧ ಜಾರಿಯಲ್ಲಿದೆ. ಇತ್ತೀಚೆಗೆ ಸುಖೋಯ್ ಯುದ್ಧ ವಿಮಾನವನ್ನು ಚೀನಾ ಖರೀದಿಸಿದ್ದರಿಂದ ನಿರ್ಬಂಧ ಹೇರಲಾಗಿತ್ತು.
ಟ್ರಂಪ್ ಅಂತಿಮ ನಿರ್ಧಾರ: ಅಮೆರಿಕ ಕಾಂಗ್ರೆಸ್ನಲ್ಲಿ ಈ ಕಾಯ್ದೆ ರಚನೆಯಾಗಿದ್ದರೂ ನಿರ್ಬಂಧ ಹೇರುವ ಅಂತಿಮ ಅಧಿಕಾರ ಅಮೆರಿಕ ಅಧ್ಯಕ್ಷರಿಗಿದೆ. ಅನಿರೀಕ್ಷಿತ ತೀರ್ವನಗಳಿಗೆ ಖ್ಯಾತಿ ಹೊಂದಿರುವ ಡೊನಾಲ್ಡ್ ಟ್ರಂಪ್ ಈ ಕುರಿತು ಯಾವ ನಿರ್ಣಯ ಮಾಡುತ್ತಾರೆ ಎನ್ನುವುದು ಕುತೂಹಲದ ವಿಚಾರವಾಗಿದೆ.
ಅಮೆರಿಕದ ಒತ್ತಡ ತಂತ್ರ
ಭಾರತದ ಜತೆಗಿನ ವ್ಯವಹಾರದಲ್ಲಿ ಅಮೆರಿಕ ವಿತ್ತೀಯ ಕೊರತೆ ಎದುರಿಸುತ್ತಿದೆ. ಇದನ್ನು ತುಂಬಿಕೊಳ್ಳಬೇಕಾದರೆ, ರಕ್ಷಣಾ ವಲಯದಲ್ಲಿ ರಷ್ಯಾಗಿರುವ ಸ್ಥಾನವನ್ನು ಅಮೆರಿಕ ಪಡೆಯುವುದು ಅನಿವಾರ್ಯವಾಗಿದೆ. ಈ ಕಾರಣಕ್ಕಾಗಿ ಒತ್ತಡ ತಂತ್ರ ಹೇರಲಾಗುತ್ತಿದೆ. ಇತ್ತೀಚೆಗೆ ನಡೆದ 2+2 ಸಭೆಯಲ್ಲೂ ಭಾರತದ ಸಚಿವರು ಟ್ರಯಂಫ್ ವಿಚಾರ ಪ್ರಸ್ತಾಪಿಸಿದ್ದರು. ಆದರೆ ಅಮೆರಿಕ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೋ ಗೊಂದಲದ ಉತ್ತರ ನೀಡಿದ್ದರು. ರಷ್ಯಾ ಜತೆಗೆ ಸಾಕಷ್ಟು ವರ್ಷಗಳಿಂದ ರಕ್ಷಣಾ ಒಪ್ಪಂದ ಹೊಂದಿರುವ ಹಿನ್ನೆಲೆಯಲ್ಲಿ ಕೂಡಲೇ ನಿರ್ಬಂಧ ಹೇರುವುದು ಅಸಾಧ್ಯ. ಭಾರತಕ್ಕೆ ಕೆಲ ರಿಯಾಯಿತಿ ನೀಡಬೇಕಾಗುತ್ತದೆ ಎಂದಿದ್ದರು. ಆದರೆ ಆದರೆ ಈಗ ಅಮೆರಿಕ ಯೂ-ಟರ್ನ್ ಹೊಡೆಯುವ ಲಕ್ಷಣ ಕಾಣಿಸುತ್ತಿದೆ.
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ